¹ Ba falisi na ndambu ya ba minsoniki katukaka na Yelusalemi sanganaka pene pene na Yesu. ² Ba kutaka mi nlonguki na yandi ya nkaka vuandaka ku dia na maboko ya kuvedila ve, yandi zona tuba yaku sukulua ve. ³ Nzoka nde ba falisi pe ba Yudayo nionso ke kudiaka ve kana basukula mbote mbote ve maboko, na kulandila ki nkulu ya ba nkaka na bau. ⁴ Bosi, kana bame kana kufulu ya batu mingi, balenda ku dia ve kana bakuki vedisa tete ve, bake zitisaka diaka minsiku mingi ya nkaka ya kinkulu ya bau ve lokola : Kusukula ba mbungu, ba nvungu pe malonga ya binsengo. ⁵ Na yau, ba falisi na minsoniki yuvulaka yandi : Samuna na inki minlonguki na nge ke zitisaka ve kinkulu ya nkaka, kasi bake kudiaka madia na bau na maboko yaku vedila ve ? ⁶ Yesu vutudilaka bau : Batu ya mbonokono zole Yesaya bikulaka mambu ya makedika me tadila beno, na mutindi ya sonamaka ti : Batu yayi ke zitisaka munu kaka na bikoba na bau, kasi mi ntima na bau kele ntama na munu. ⁷ Mpamba kuandi bake zitisika munu na kupesaka ba ndongosolo yina kele minsiku ya batu. ⁸ Beno ke bikaka mi nsiku ya Nzambi samuna ku lunda mbote mbote kinkulu ya batu. ⁹ Yandi me tubila bau diaka : Beno ke diatikisaka mbote mbote nsiku ya Tata Nzambi samuna ku keba kinkulu na beno. ¹⁰ Samu Mosi tubaka : Zitisa tata pe mama na nge ; ya nkaka : koso mutu ke singa tata to mama na yandi ke baka kitumbu yaku lufua. ¹¹ Kasi beno, beno ketubaka : Kana mutu me tuba na tata na yandi to mama na yandi : Bima yina mu zonaka sadisila nge yake Kolobani, yina zola tuna nkayilu yaku pesa na Nzambi. ¹² Beno ke bikila yandi kima mosi ve ya kusala samuna tata na yandi to mama na yandi, ¹³ Na mutindu yina beno ke diatikisaka mambu ya Nzambi samuna ku zitisa mambu yina kena kinkulu na beno. Beno ke salaka pe mambu mingi ya mutindu yina. ¹⁴ Na manima, Yesu bokilaka diaka nkangu, pe tubaka beno kuwa beno nionso pe beno visa.

¹⁵ Kima mosi ve ke kotaka na nzutu ya mutu lenda sumuna yandi ; kasi yina ke bimaka na kati na yandi yau ke sumuna ka yandi.

¹⁶ Koso mutu ke na makutu ya kuwila yandi kuwa. ¹⁷ Ntangu Yesu bikaka nkangu ya batu pe vutukaka na inzo minlonguki na yandi yuvulaka yandi na yina me tadila ki nganga yina. ¹⁸ Yandi me tubila bau : Beno diaka, beno kena mayele ve ? Beno zaba ve ti kima mosi ve ke kotaka na nzutu ya mutu lenda sumuna yandi ? ¹⁹ Samuti yake kotaka na ntima na yandi ve, kasi na kivumu na yandi. Na manima, yame bima ti na bi fulu ya kusuama, yina ke vedisaka madia nionso. ²⁰ Yandi tubaka diaka : Yina ke bimaka na kati ya mutu yau ke sumunaka mutu. ²¹ Samutu ya kele na kati, samu ya kele na ntima ya batu ke katukaka mabanza ya yi mbi : Kinnzuza, kindumba, ku fua batu, ²² Kuyiba, nsatu yaku bak abima nionso, nganzi, ku zoma, ku baka na banzila ya yimbi, nzingulu ya kuzungama ve, nzinunu, mvuezolo, lunangu, kilawu. ²³ Mambu nionso yina ya yimbi ke kutakaka na kati pe yau ke sumunaka mutu. ²⁴ Yesu kutakaka kuna pe kuendaka na kizunga ya Tilu pe ya Sidone. Yandi kotaka na inzo mosi ; nzatu na yandi vuandaka ti batu bika zaba kasi yandi lembakanaka ku suama. ²⁵ Samuti nketo mosi, yina muana na yandi vuandaka na mpeve ya yimbi, kuwaka nsangu ya Yesu, pe kuizaka kukiloza na makulu na yandi. ²⁶ Nketo yango vuandaka mutu ya Silo-Felisia. Yandi bombidilaka Yesu na ku bimisa mpeve ya yimbi yina vuandaka na kati ya muana na yandi ya nketo. Yesu tubilaka yandi. ²⁷ Bika bana yukutaka ntete ; samu ya kembote ve naku baka dimpa ya bana, pe kuloza yau na bana ya yi mbua. ²⁸ Nketo vutulaka : Mfumu ya kele kedika. Kasi bana ya yi mbua ke kudiaka bitini ya mampa yina ke sotukaka na yi nsi ya meza. ²⁹ Na yina, Yesu Zabisaka yandi : Samuna diambu yayi nge me tuba, kuenda, mpeve ya yimbi me bima na nzutu ya muana na nge ya nketo. ³⁰ Pe, na ntangu nketo vutuakaka na inzo na yandi, yandi kutanaka muana na yandi yakuleka na mfulu. Mpeve ya yi mbi bimaka. ³¹ Yesu katukaka na kizunga ya Tilo, pe vutukaka na nzila ya Sidone, pe na ndambu ya yimbu ya Ngalili, na kulutila na Dekapoli.

³² Banatinaka yandi mutu yina vuandaka na makutu yaku fua, pe vuandaka tuba mbote ve. Ba lebaka Yesu na kutetikila yandi maboko. ³³ Yesu nataka yandi ntama na nkangu, yandi kotisaka yandi misapi na makutu, pe yandi simbaka yandi ludimi na madita na yandi mosi. ³⁴ Na manima, Yesu talaka na zulu, pemaka pe tubaka : Efalata ! , Yina zola tuba : Zibuka.

³⁵ Kaka na ntangu yina, makutu zibukaka, ludimi na yandi niangukaka, pe yandi bandaka ku tuba mbote mbote. ³⁶ Yesu pekisaka bau na kutuba yau na mutu kasi. Kasi na mutindu yandi vuandaka pekisilaka bau, na mutindu yina ba vuandaka lutila ku muangisa nsangu yina. ³⁷ Batu yitukaka mingi, pe vuandaka tuba : Yandi kena ku sala mambu nionso na mutindu ya mbote mingi. Yandi kena kuzibula makutu ya batu ke kuwaka ve, pe kutubisa mababa.