¹ Yesu katukaka na sika yina, mpe kuendaka na buala na yandi. Minlongoki na yandi landaka yandi.

² Na kilumbu ya lumingu, yandi vuandaka longisa na yi nzo ya lusambulu. Batu mingi yina vuandaka kuwa yandi yitukaka me batubaka : ‘’ Wapi sika yandi me bakila mambu yayi ? Inki nduenga yayi me pesimin,a yandi, mpe wapi mutindu bimangu yayi kena kusalama na maboko ya yandi ?

³ Yandi kele ve kisadi ya mabaya, muana maliya mpangi ya Yakobi, ya Yuda pe ya Simoni ? Pe ba mpangi na yandi ya ba nketo ke singaka na beto awa ve ? Pe yandi vuandaka na bau nzila ya masakuba. ⁴ Kasi Yesu zabisaka bau : ‘’ Mbikudi kena nzitusu va na buala na yandi, na kati ya bibuti na yandi, pe na inzo na yandi ’’ ⁵ Kuna Yesu lendaka ku sala ata kimangu mosi ve ; kana kaka ku tudila ba mpevo maboko pe ku niakisa bau. ⁶ Pe yandi yitukaka na mbalu ya bau. Yesu nzietaka na ba buala ya pene pene samuna ku longa. ⁷ Na manima, yandi bokilaka ba kumi na zole pe yandi bandaka ku tinda bau zole zole. yandi pesaka bau lulendo na zulu ya ba mpeve ya yimbi. ⁸ Yandi sikidikisaka bau naku nata kima mosi ve samuna nzietolo, kaka inti, dimpa ve nkutu ve, mbongo ve na kilundulu ya mbongo. ⁹ Ba vuata sapatu kasi manata binkutu zole ve. ¹⁰ 10. Na manima yandi me zabisa diaka bau : ‘’ na nkoso yinzo beno me kota beno vuanda kuna tii beno ke katuka na kisika yina. ¹¹ 11. Pe, kana kisika kele yina yina batu zona yamba pe kuwa beno ve, beno katuka kuna, pe beno ningisa fundu fundu ya makulu na beno, samu ya vuanda kimbangi samu na bau. ¹² Ba kuendaka, pe ba malongaka malongi ya mbilulu ya mayele.

¹³ Ba bimisaka ba mpeve ya yimbi mingi, pe ba pakulaka mafuta na ba mbevo mingi, pe ba Belusaka bau. ¹⁴ Ntinu elede kuwaka sangu ya Yesu yina muanganaka bisika nionso, pe yandi tubaka : ‘’ Yowane mbontiki me fuluka na ba fua, pe na yau bimangu kena ku salama na nzila na yandi.’’ ¹⁵ Ba ya nkaka vuandaka tuba ‘’ Yandi kele Eli.’’ pe baya nkaka diaka : ‘’ Yandi kele mosi na kati ya mi mbikudi.’’ ¹⁶ Kasi tangu Elode kuwaka mambu nionso yina, yandi tubaka : ‘’ Yowani yina mu zengisaka intu, yandi kuendi me vuluka e ? ‘’ ¹⁷ Samuti yandi mosi Elode kangisaka Yowane, pe tulaka yandi na boloko samu na Elodiade, nketo ya mpangi na yandi Filipo, yina yandi vuandaka kuela. ¹⁸ Samuna yau, Yowani tubilaka yandi : ‘’ Nge kele na yinswa yaku baka nketo ya mpangi na nge.’’ ¹⁹ Elodiade fueminaka Yowane pe vuandaka sosa nzila yaku fua yandi. ²⁰ Kasi yandi vuandaka koka ve samuti Elode vuandaka mona Yowane wonga. Yandi zabaka ti yandi ke mutu ya lunungu pe ya nlongo, yandi vuandaka tanina yandi pe, na manima yaku kuwa yandi, mabanza na yandi vuandaka sikila ve, pe yandi vuandaka kuwa yandi na kiese nionso. ²¹ Kasi Elodiade bakaka ntangu ya mbote na kilumbu yina Elode sadisaka nkembo ya mbutukulu na yandi. Ntinu Elode bokilaka ba kulutu ya luyalu, ba mfumu ya ba soda pe batu ya nfunu ya Ngalili na kudia. ²² Muana nketo ya Elodiade kotaka na inzo ya nkembo, yandi kinaka, pe yandi yangidikaka Elode pe ba nzenza. Ntinu tubaka na muana nketo ‘’ Lomba munu koso kima nge zona, muke pesa ngeyo yawu.’’ ²³ Yandi kudiaka ndefi yayi ‘’ koso kima nge lomba munu, muke pesa ngeyo yawu, ata vuanda ndambu ya kimfumu ya munu.’’ ²⁴ Tangu muana nketo me bima yandi me zabisa mama na yandi : ‘’ Nini mu fuana lomba ? ‘’ Pe mama na yandi vutulaka: ‘’ Yintu ya Yowani Mbotiki. ‘’ ²⁵ Muana ya nketo vutulaka na nsualu nionso na sika ya ntinu pe yandi lomboka : ‘’ Muzona nge pesa munu malu malu intu ya Yowani mbotiki na kati ya dilonga.‘’ ²⁶ Ntinu kumaka kiadi samuna ndefi yina yandi ku diaka na buala ya ba nzenza, yandi lendaka yimina yandi yau ve. ²⁷ Na kilokula yina kaka yandi tindaka soda na ntumunu na kunata intu ya Yowani mbotiki. ²⁸ Soda kuendaka zenga yintu ya Yowani mbotiki na kati ya buloko, pe yandi nataka yau na kati ya dilonga. Yandi pesaka yau na muana nketo, pe muana nketo pesaka yau na mama na yandi.

²⁹ Ntangu minlonguki ya Yoawani mbotiki me kuwa mambu yina, ba kuizaka baka nzutu na yandi, pe batulaka yau na ndiamu. ³⁰ Ntangu minlonguki sanganaka na sika ya Yesu, bazabisaka yandi mambu nionso ba salaka pe ba longisaka. ³¹ Yesu tubaka na bau : ‘’ beno kuiza na ndambu ya kisika batu kele ve, pe beno pema fioti. ‘’ samuti batu mingi vuandaka kuiza pe kuenda, pe minlonguki bakaka ve ata ntangu ya kudia. ³² Na yau, bakotaka na nlungu, samuna ku kuenda ve na kizika kele ve batu. ³³ Batu mingi monaka bau ntangu bavuandaka kuenda pe bazaka bau. Pe batu katukaka na ba mbanza zawulaka na makulu pe tekilaka bau na kisika ba vuandaka kuenda. ³⁴ Ntangu Yesu kitaka na nlungu, yandi monaka nkangu ya nene pe ntima na yandi fulukaka na kiadi samuna bau samuti ba vuanda neti mameme yina kele ve na mvungi. ³⁵ Pe yandi bandaka ku longisa bau mambu mingi. Lokola ntangu bandaka ku kita minlonguki kuendaka pene pene na yandi pe tubaka : ‘’ Kisika yayi kena kima ve, pe ntangu me pusana ; ³⁶ Vutusa bau ; samu bakuena sumba bima ya kudia na ba buala ya fioti pe ya nene yina kele pene pene. ³⁷ Yesu vutudilaka bau ‘’ Beno pesa bau madia beno mosi. Kasi ba zabisaka yandi : ‘’ Beto lendaka kuenda sumba mampa na nkama zole ya denali, pe ku pesa bau baku diae? ³⁸ Pe yandi tubilaka bau : ‘’ Beno kuenda tala mampa yikua kele na beno.’’ Ba fionguninaka pe bavuluka : ‘’ Mampa tanu na ba mbizi zole’’ ³⁹ Na yau yandi tindaka minlonguki na ku vuandisa batu nionso na makabu ya fioti na matiti ya nkunzu. ⁴⁰ Pe ba vuandisaka bau na makabu ya nkama mosi pe yama kumi tanu. ⁴¹ Yandi bakaka mampa tanu na ba mbizi zole, yandi talaka na zulu pe vutulaka matondo bosi yandi zengaka mampa, pe yandi pesaka yau na minlonguki samu ba kabudila nkangu. Yandi kabulaka pe ba mbizi zole na batu nionso. ⁴² Batu nionso kudiaka pe yukutaka. ⁴³ Pe minlonguki lokutaka bitunga kumi na zole yaku fuluka bitini ya mampa pe yina bikanaka na ba mbizi. ⁴⁴ Bayina kudiaka mampa ba vuandaka mafunda tanu ya babakala. ⁴⁵ Na manima, Yesu tindaka minlonguki na ku kota na nlungu pe ba tuamina yandi na disimu ya nkaka, na ndambu ya mbanza Besayida, ntangu yandi mosi ke sindika nkangu. ⁴⁶ Ntangu yandi me sindika nkangu yandi kuendaka na mongo samuna kusambila.

⁴⁷ Ntangu nkokila kumaka, nlungu kumaka na kati kati ya yi mbu, pe Yesu vuandaka yandi mosi na disimu. ⁴⁸ Yandi monaka ti minlonguki vuandaka na mpasi mingi na kunata nlungu samuti mupepe ya ngolo vuandaka kakidila bau. Tekila nsuka kuma, yandi tambulaka na zulu ya maza na kukuenda na sika ba vuandaka, pe yandi zonaka kuluta bau. ⁴⁹ Na ntangu ba monaka ke yandi kena ku tambula na zulu ya maza, babanzaka ti yandi vuandaka nkuyu, pe ba bandaka ku boka; ⁵⁰ Samuti bau nionso monaka yandi, pe wonga bwilaka bau. Na ntangu mosi Yesu zabisaka bau : ‘’ Beno ndima ya kele muana kuandi, beno wonga ve. ‘’ ⁵¹ Na manima Yesu kotaka na nlungu na bawu pe mupepe manisaka, na yina ba yitukaka mingi; ⁵² Samuti ba visaka ve kimangu ya mampa samuna mintima na bau ya vuandaka na mbalu. ⁵³ Na manima ya kusabuka yi mbu, bakumaka na mbanza ya Ngenezaleti pe ba kotaka na nlungu. ⁵⁴ Na ntangu babimaka na nlungu, batu me tumu bakusa Yesu. ⁵⁵ Bakuendaka na bizunga nionso, pe batinaka yandi ba mbevo na bi mpoyi na nkoso kisika yina ba vuandaka kuwa ti Yesu kele. ⁵⁶ Bisika nionso Yesu vuandaka kuma, na ba buala, na ba mbanza, to na ba buala ya fioti, ba vuandaka tula ba mbevo na bisika yina batu nionso kekutanaka. Ba vuandaka bombidila yandi naku pesa ba mbevo yinswa yaku simba ata nsongi ya kiyunga na yandi, pe bayina nionso vuandaka simba yau vuandaka beluka.