¹ Ba kumaka na disimu yankakaya yimbu na yinsi ya ngeneza. ² Na ntanguYesu bimaka na nlungu, muntu mosi bimaka na biziami mpe vuandaka na mpeve ya yimbi kuizaka na ntuala na Yesu. ³ Muntu yayi vuandaka zinga na kati ya biziami. Ata muntu mos ive vuandaka na ngolo ya kukanga yandi diaka na minsinga ata yina kena bisengo. ⁴ Pamba ve mbala mingi ba vuandaka kanga yandi makulu na bisengo mpe na minsinga, kansi yandi vuandaka zanga nionso. Atamuntu mos ive vuandaka na ngolo ya kulembisa yandi. ⁵ Ntangu nionso, mpipa na muini, yandi vuandaka vuanda na biziami mpe na zulu ya ba mongo. Yandi vuandaka boka na ndinga ya ngolo mpe kukiluadisa na mabanga. ⁶ Ntangu yandi monaka Yesu na ntama, yandi kuendaka malu malu kufukama na ntadisi na yandi. ⁷ Mpe yandi bokaka na ndinga ya ngolo ti : Yinki diambukele kati munu na nge, Yesu, Muana Nzambi ya kuluta zangama? Me bombidila nge nkumbu ya Nzambi kumonisa mu mpasi ve. ⁸ Yandi tubaka mutindi yina smu Yesu vuandaka tubila yandi ti: Mpeve ya yimbi, bima na muntu yayi. ⁹ Yesu yuvulaka yandi : nkumbu nange nani ? Yandi vutulaka : Nkumbu na munu lengio, samu ti beto ke mingi. ¹⁰ Yandi tatamanaka kubombidila Yesu samu ti yndi tinda bau ve bisika yankaka. ¹¹ Na pene pene ya mongo kuna vuandaka dikabu ya nene ya bana ya ba ngulu vuandaka kudia. ¹² Mpe ba mpeve ya yimbi lombaka na kutuba : Tinda beto kota na dikabu ya nene ya bangulu.

¹³ Yesu pesaka bau nzila, ba bimaka na muntu yayi mpe ba kotaka na ban aya ba ngulu. Na mbala mosi ba ngulu nionso katukaka malu na mongo bakuendaka kubua na yimbu, ba vuandaka kitezo ya mafunda zole. Mpe bau nionso kufuaka na maza. ¹⁴ Bayina vuandaka dikila bau tinaka mpe bamuangisaka nsangu yayi na mbanza mpe na ba buala mingi. Bantu kuendaka tala yinki mambu kubuaka. ¹⁵ Bau kuizaka na Yesu mpe bamonaka muntu yina vuandaka na ba mpeve mingi ya yimbi, me vuanda, me vuata bilele, mpe mayele ya bumuntu me vutuka, mpe wonga me kanga bau. ¹⁶ Bantu monaka mambu builaka muntu yina vuandaka na ba mpeve ya yimbi na ba ngulu, bazabisaka yau na bantu yankaka.

¹⁷ Na yau, ba bombidilaka Yesu na ku katuka na kizunga na bau. ¹⁸ Ntangu yandi vuandaka kota na nlungu, muntu yina vuandaka na ba mpeve ya yimbi lombaka yinsua na kuvuanda na Yesu,

¹⁹ Yesu pesaka yandi nzila ve kasi yandi zabisaka yandi : Kuenda na yinzo na nge, na ba mpangi na nge mpe zabisa bau mambu nionso yina Nzambi me sadila nge, mpe ni mutindu yandi me fuila nge kiadi. ²⁰ Muntu yina kuendaka, mpe yandi bandaka ku zabisa na Dekapoli mambu nionso Yesu salaka samu na yandi, mpe bantu nionso yitukaka. ²¹ Yesu kotaka na nlungu samuna kuvutuka na disimu ya nkaka, kuna nkangu ya nene kutanaka pene pene yand, kuna yandi vuandaka na disimu ya yimbu. ²² Bosi, kuna kuizaka mfumu mosi ya yinzo ya lusambulu yina ke na nkumbu ya Yayilo. Na ntangu yandi monaka Yesu, yandi kubuaka na makulu na yandi. ²³ Mpe yandi bombidilaka na lusambulu na kutuba na Yesu : Fi muana munu ya nketo me kuma na nsuka y luzingu, kuiza nge tula yandi maboko samu yandi vuka mpe yandi vuanda moyo. ²⁴ Yesu kuendaka na yandi, mpe nkangu ya nene landaka yandi mpe fietikisaka yandi. ²⁵ Nzoka nde nketo mosi vuandaka vana vuandaka na mpasi ya kubima menga ba mvula kumi na zole

²⁶ Yandi monaka mpasi mingi na maboko ya minganga, yandi fukisaka bima nionso yina yandi bakaka mpe yandi monaka fimbote ata fioti ve, kansi kimbevo na yandi lutaka buelama.

²⁷ Kansi ntangu yandi me kuwa nsangu ya Yesu, yandi me kuiza na manima ya nkangu mpe yandi me simba kiyunga ya Yesu. ²⁸ Samu yandi tubaka : Kana mu lenda simba kaka kiyunga na yandi, mu ke beluka. ²⁹ Na mbala mosi menga me tumbu kangama ; mpe yandi me mona kati ya nzutu na yandi ti yandi me beluka. ³⁰ Yesu me tumbu bakusa ti lulendo me bima na kati na yandi, mpe yandi balukaka na nkangu yandi me tuba : Nani me simba munu ? ³¹ Minlonguki me tuba na yandi : Nge kena ku mona, ba me zungidila nge na nkangu nge ke tuba diaka, nani me simba munu ? ³² Mpe yandi me tala pembeni ya yandi, na ku tala nani sala mutindu yina. ³³ Nketo, na wonga nionso mpe ku zakama, na ku zabaka yandi mesala mutindu yina, yandi me kuiza ku kiloza na makulu ya Yesu mpe tumbu tuba kedika. ³⁴ Kansi Yesu tuba na yandi : Muan aya munu ya nketo, kiminu y ange me vukisa nge ; kuenda na kiyenge, mpe beluka na kimbevo y ange. ³⁵ Na ntangu ya vuandaka tuba ntete, kuizaka bantu katuka na yinzo ya mfumu mosi yina ya yinzo ya lusambulu ba tubaka : Muana na nge me ku fua, ku tungisa diaka Nlongi ve. ³⁶ Ntangu Yesu me kuwa mutindi yina, yandi me tuba na mfumu yina : Wong ave, ndima kaka. ³⁷ Yandi mangaka muntu landa yandi, yandi nataka kaka Petelo, Yakobi mpe Yoani mpangi ya Yakobi. ³⁸ Ba kumaka na yinzo ya mfumu ya yinzo ya lusambulu, kuna Yesu monaka nkangu ya nene, mpe bantu kena kudila, mpe ba vuandaka boka na kingolo nionso. ³⁹ Yandi kotaka, mpe tubilaka bau : Samu na yinki beno ke sala makelele ? Muana kufua ve, kansi yandi me leka. ⁴⁰ Mpe bantu me bandaku tubidila yandi. Yandi me bimisa bantu nionso vuandaka na kati ya yinzo, yandi me kotisa kaka, tata mpe mam aya muana mpe na ba yina kuendaka na yandi, mpe yandi me kota kisika vuandaka muana. ⁴¹ Yandi me simba yandi na diboko mpe yandi tubaka : Talitha kouni zola tuba muana nketo, telama, me tubila nge. ⁴² Na ntangu yyina kaka, muana nketo me telema, mpe yandi me banda tambula ; samu ti yandi vuandaka na mvula kumi na zole. Bantu me yituka. ⁴³ Yesu me zibasa bau, muntu mosi bika zababa ba mambu mutindu ya me lutila ; mpe yandi tubaka beno pesa yandi madia.