¹ esu kotaka diaka na yinzo yalusambulu. Muntu mosi ya diboko ya kusioka vuandaka na kati. ² Ba vuandaka sungimina Yesu, samu na kutala kana bake mona yandi ku belusa muntu ya diboko yaa kusioka na kilumbu ya lumingu samu ba funda yandi. ³ Mpe Yesu zabisa muntu yango, telema, vana na kati. ⁴ Bosi yandi me zabisa, bau : Ya me fuana na kusala diambu yambote to ya yimbi ; kuvukisa muntu to kufua yandi na kilumbu ya lumingue. ⁵ Bosi ntangu Yesu me balula meso na kutala bau, mbala mosi yandi monaka kiadi samu na mbadusu ya bantima na bau, yandi zabisaka na muntu yango : Tukuna diboko na nge. Yandi tukunaka yau mpe diboko na yandi me baluka. ⁶ Bafalisi bimaka mpe na mbala mosi ba me kuenda na kikaza na Bakielode samu na kusosa banzila ya kufua yandi. ⁷ Yesu kuendaka vengama penepene ya yimbu na minlonguki na yandi. Nkangu ya nene vuandaka landa yandi banda na Ngalili.

⁸ Mpe na Yuda mpe na Yelusalemi, Iduma, mpe disimu ya yodani, mpe bizunga ya Tito mpe Sidoni, nkangu ya nene ya bantu yina zabaka yina nionso yandi vuandaka sala kuizaka na yandi. ⁹ Yandi pesaka kiyeko na minlongoki na yandi na kukubikaka ntangu nionso nlungu mosi ya fioti samu na yandi, samu ti nkangu ya bantu fietikisa yandi ve. ¹⁰ Pamba ve, lokola yandi vuandaka niakisa bantu mingi, bayina nionso vuandaka na bimbevo vuandaka kuenda kukiloza (penepene) na yandi samu basimba yandi. ¹¹ Ntangu bampeve ya yimbi vuandaka mona yandi, ba vuandaka fukama na ntuala n’andi mpe vuandaka boka : Nge kele Muan aya Nzambi. ¹² Kansi yandi vuandaka kebisa bau na ngolo nionso na kuzabisa yau na bantu ve. ¹³ Bosi yandi kuendaka na mongo, yandi me bokilaka bayina zonaka, bakuiza penepene na yandi. ¹⁴ Yandi tumbaka bau kumi na zole, samu bavuanda kintuadi na yandi. ¹⁵ Mpe kutinda bau bakuenda longa na lulendo ya kubimisa bampeve ya yimbi. ¹⁶ Tala bankumbu ya bantu kumi na zole yandi ponaka : Simoni, yina yandi pesaka nkumbu Petelo. ¹⁷ Yakobi, muana ya Zebedayi, mpe Yoani, mpangi ya Yakobi, bayina yandi pesaka nkumbu ya Boanenge, yina zona tuba, ban aya kidumi ya mvula; ¹⁸ Andele; Filipo; Batelemi; Matayi; Toma; Yakobi, muana ya Alfeo; Tadayi; Simoni muntu ya dibuala ya Kanana; ¹⁹ Mpe Yuda Isikalioti, yina yekulaka Yesu, ²⁰ Bakotaka na yinzo mpe nkangu ya bantu kutakanaka diaka, na mutindu ti bakukaka ve kudia. ²¹ Ntangu bibuti ya Yesu, kuwaka mambu vuandaka luta, ba kuizaka samu ba baka yandi na kingolo; mpamba ve ba vuandaka tuba: Yintu na yandi ke na kusala mbote ve. ²² Mpe ba nsoniki ya bansiku, bayina kuizaka na Yelusalemi me tuba: Belezebuli; mfumu ya ba mpeve ya yimbi, yandi me kotila yandi; mpe Yandi me pes’andi lulendo ya kubimisa ba mpeve ya yimbi. ²³ Yesu botikaka bau, mpe Yandi tubilaka b au na bingana: Wapi mutindi satana lenda kuka satana? ²⁴ Kana kimfumu me kabuka yau mosi, kimfumu yango ya lenda tatamana ve; ²⁵ Mpe kana yinzo ya muntu ya ngolo me kabuka yau mosi yinzo yina lenda tatamana ve. ²⁶ Bosi ka satana me kukinangumukina yandi mosi, yandi me kubuka, mpe yandi lenda tatamana ve, kansi nsukulu na yandi me kuiza. ²⁷ Muntu mos ive lenda kuenda kota na yinzo ya muntu ya ngolo samu ti yandi baka na kingolo bima nionso ya muntu kuvua inzo, kana yandi kanga ntete yandi ve, yandi fueti kanga ntete yandi bosi yandi natumuna bima nionso ya yinzo. ²⁸ Mambu mu ke na kuzabisa beno ya kele ya tseleka, masumu nions oba ya bantu ke salaka yau ke lemvukuluaka, ya vuanda ba ntiakulu nionso bimaka na ba yinua na bau, ²⁹ Kansi konso muntu yina ke tiaka Mpeve ya Nlaongo, yandi lenda lemvukuluaka ve. Mpamba ve yandi me nata nkanu ya disimu ya mvuala na mvula. ³⁰ Yesu zabisaka mambu yayi samu ba vuandaka tuba ti : Yandi ke na mpeve ya yimbi. ³¹ Bosi mama na bampangi ya Yesu kuizaka telema na nganda ya yinzo, mpe ba tindaka muntu na kubokila yandi. ³² Nkangu ya bantu ya kuvuanda zungidilaka yandi mpe ba me zabisa yandi : Tata, mama na ba mpangi na ngeba kele na nganda mpe ba kena kusosa nge. ³³ Mpe Yandi vutudilaka bau: Nani mama na munu, mpe ba nani ba mpangi na Munu? ³⁴ Bosi, yandi me tala bantu yina zungidilaka yandi mpe Yandi kuizaka tuba : Tata, mama, na ba mpangi ya Munu bau yayi. ³⁵ Mpamba ve, konso muntu yina ke salaka luzolo ya Nzambi, yandi yina mpangi na Munu ya bakala, mpangi na Munu ya nketo mpe mama na Munu.