¹ Na yau, Yesu natamaka na insi ya kuyuma na Mpeve na samuna kuvukumuka ya nkadi a mpemba. ² Na manima kumina nsoki bilumbu kumi na iya ya nsuka mpe mpimpa yandi kumaka na nsatu. ³ Mvukumukini pusanaka mpe tubilaka yandi: Kana nge kele Muana ya Tata Nzambi tinda na mabanga yayi ya kituka mampa. ⁴ Yesu vutulaka mpe tubilaka yandi: Ya me sonamaka: Muntu ke zingaka kaka ve na dimpa kansi na mambu nionso yina ke bimaka na inua ya Tata Nzambi. ⁵ Na yawu nkandia mpemba nataka yandi na mbanza na longo mpe tulaka yandi na kisika ya kunangama ngolo ya kinlongo, ⁶ mpe tubilaka yandi: Kana nge kele Muana ya Tata Nzambi, lozuka na insi; samu ya me sonama: Yandi ke tinda ba mbasi samuna ku kenga ngeyo; mpe bawu ke nata nge na maboko samuna dikulu ya nge ku bua ve na dibanga. ⁷ Kansi Yesu vutulaka: Ya me sonama: nge ke vukumuna ve Mfumu, Nzambi na nge. ⁸ Nkadia mpemba me nata yandi diaka na kifulu ya kuzangama mingi pe me monisa yandi bimfumu nionso ya inza na nkombo na yawu. ⁹ Yandi me tubila yandi muke pesa nge bima nionso yayi, kana nge me fukimina munu mpe nge me sambila munu. ¹⁰ Na yawu Yesu me tuba: Katuka, Satana! Samu ya me sonamaka: Nge ke sambila Mfumu, Nzambi na nge, mpe nge ke sadila kaka yandi. ¹¹ Na yawu, Satana bikaka yandi. Mpe tala, ba mbasi kuizaka na Yesu, mpe sadilaka yandi. ¹² Ntangu Yesu kuwaka ke bame kanga Yowani yandi katuka na Galilea. ¹³ Yandi kuendaka na Nazareti pe kuenda kuzinga na karpenewimi yina kele na ndambu ya imbu Galilea na kizingu ya Zabuloni mpe Nefitali. ¹⁴ Yayi kumaka mutindi mbikudi Esaya tubaka: ¹⁵ Ba ntoto ya Zabuloni mpe ya Nefitali, na imbu, na disimu ya Yolodadani Ngalilea nkangu ya ba pakanu! ¹⁶ Nkangu yina me vuanda na kitombe me mona kiya ya nene; mpe ba yina me vuanda na kinzingu mpe na kitombe ya lufua, kiya me telema. ¹⁷ Ku banda na ntangu yina, Yesu bandaka ku longisa mpe kutubaka; beno vilula madiela; samuna kimfumu ya mazulu me finama . ¹⁸ Mutindu yandi vuandaka tambula na imbu ya Ngalilea yandi monaka ba mpangi zole, Simoni bake bokilaka Petelo, mpe Andele mpangi nandi. Balosaka nkole na imbu; samu ba vuandaka ba ntambi ya ba mbizi. ¹⁹ Yesu me tubila bawu, beno kuiza, beno landa munu mpe muke kumisa beno mitambi ya batu. ²⁰ Na mbala mosi , ba bikaka ba nkole na bawu mpe ba landaka yandi. ²¹ Mutindu Yesu vuandaka kukuenda na nzila yandi monaka diaka ba mpangi zole, Yakobi muana na Zebedeo, mpe Yoane mpangi nandi vuandaka na bota na Zebedeo, tata na bawu, tungaka ba nkole na bawu. Yandi bokilaka bawu, ²² mpe ba bikaka ba bota na tata na bau, bosi ba landaka yandi. ²³ Yesu tambulaka Galilea nionso, longilaka na ba inzo ya lukutukunu, samunaka Nsangu ya Mbote ya kimfumu mpe niakisaka bi mbevo ya mutindu na mutindu kati na nkangu. ²⁴ Nkumbu nandi panzanaka na Silia nionso mpe bantu natinaka yandi bayina vuandaka na bimbevo, bayina vuandaka na mpeve ya yimbi mutindu na mutindu bayina vuandaka na bimbevo ya ndeke, bamako, mpe Yesu niakisaka bawu. ²⁵ Nkangu mingi landaka na Galilea, na Dekapolia, na Yelusalemi, na ba yuda mpe na disimu ya Yolodani.