¹ Na nsuka nsuka, bakulutu ya banganga ya Nzambi pe bakulutu ya nkangu sadisaka lukutukunu na kunwanisa Yesu, samu na batinda bakufwa yandi. ² Na manima ya kukanga yandi, ba nataka yandi pe bayekulaka yandi na Ponso Pilatu, mfumu ya leta za kizunga yina. ³ Wana Yuda, yina yekulaka yandi, monaka ti yandi me bakana mambu pe bakezengila yandi yau, ntima yandi fulukaka na kingongo, pe yandi kwizaka na kuvutusa makumi tatu ya mbongo ya bisengo, na bakulutu ya ban ganga Nzambi ; yandi tubaka : ⁴ Mu volaka masumu, nakuyekula menga yina kele na kibila ve. Bawu vutudilaka : Yinki diambu beto kele na yau na mbongo na nga ? Yina me tala nge mosi. ⁵ Yuda lozaka ba mbongo ya bisengo yina nakati ya inzo ya Nzambi, yandi bimaka, pe kwendaka kukiledika. ⁶ Bakulutu ya banganga Nzambi lokutaka yau, pe tubaka : Ya kele mbote ve nakutula mbongo yina na kilundulu ya nlongo ya mbongo, samu ti ya kele mbongo ya menga. ⁷ Wana, na manima ya kukanisa diambu yina bau kuizaka sumba, mfinda na mutu vuanda salaka babima na ntoto ya tuma, na mbongo yando. ⁸ Na yau, kizunga ya ntoto yina kebengamaka bilanga ya menga, tii na kilumbu ya bubu yayi. ⁹ Wana nde kuizaka kokisama yina mbikudi Yelemia, tubaka : Bau bakaka makumi tatu ya mbongo ya bisengo, ntalu yinamekokana na yina bana Isaeli banzilaka, babanzilaka na bana ya Isaeli. ¹⁰ Pe bau pesaka yau samu na mfinda ya kisadi ya bima ya ntoto ya tuma, mutindu Mfumu tubilaka munu yau. ¹¹ Yesu sambaka na ntwala ya mfinda ya luyalu. Yandi yuvusaka yandi mutindu yayi : Ngeyo nde ntinu ya Bayudayo ? Yesu vutusilaka yandi : Ngeyo kena kutuba yau. ¹² Kasi yandi vutusaka ata kima mosi ve na yina bafundilaka yandi na bakulutu ya banganga Nzambi pe bakulutu ya nkangu. ¹³ Wana Pilatu tubilaka yandi : Nge kena kuwa ve ntalu ya ba mambu bakena kufundila nge ? ¹⁴ Diaka Yesu vutusilaka yandi ata diambu mosi ve, yandi yina yitukisaka mingi Mfumu ya luyalu. ¹⁵ Na nyengo nionso, mfumu ya luyalu vwandaka na kifu ya kubinisa mutu ya buloko mosi, yina nkangu vwandaka lomba ti yandi bima. ¹⁶ Bawu vwandaka na mutu mosi ya yimbi penza na buloko, nkumbu na yandi balaba. ¹⁷ Na kisika bavwandaka kintwadi bawu mosi, Pilato tubilaka bawu : Nani beno zona ti mu bimisina beno, balaka to Yesu, yina kebenganaka Klisto ? ¹⁸ Mpamba ve, yandi zabaka ti ya vwandaka namakanisi ya yimbi bayekudilaka Yesu. ¹⁹ Na ntangu ba vwandaka na kisika ya kufundisila mambu, nketo ya Mfumu ya luyalu tinda mutu batubila yandi ti : Kima mosi ya yimbi vwanda ve kati kati na ngeyo na mutu yayi ya lunungu. Mpamba ve bubu yayi, mumemona mpasi mingi na ndozi samu na yandi. ²⁰ Bakulutu ya banganga Nzambi pe ba bakulutu ya nkangu tadisaka batu samu ti balomba Balaba bima, pe samu na kubedisa Yesu mambu. ²¹ Mfumu ya luyalu, bukaka ndinga pe tubilaka bawu : Nani na bau zole beno zona ti mubila kimpwanza ? Bawu vutusaka Balaba. ²² Pilatu tubilaka bau : Nini mufwana sala samuna Yesu, yina kebenganaka Klisto ? ²³ Mfumu ya luyalu ya kizunga ya yinsi yina yubaka : Kasi yimbi nini yandi salaka ? Bau gangaka diaka ngolo mingi : Yandi bandwa na dikulusi ! ²⁴ Ntangu Pilatu manaka ti mabanza na yandi vwandaka na ndandu ata fioti ve kasi kutu, batu lutaka bwela makelele, yandi bakaka maza, yandi sukulaka maboko na ntwala ya nkangu, pe yandi tubaka : Meng aya mutu yayi ya lunungu yatangama na intu ya munu ve. ²⁵ Wana nkangu nionso vutusaka : Bika menga na yandi ya tangimina na ba yi ntu ya beto pe ya bana na beto. ²⁶ Wana Pilatu bimisinaka bau Balaba ; na manima ya kubula Yesu mfimbu, yandi yekulaka yandi samu ti yandi bandua na dikulusi. ²⁷ Basoda ya mfumu ya luyalu nataka Yesu na kisika ya lufundusulu, pe bau kutikisaka nkangu nioso yina vwandaka landa bawu. ²⁸ Bawu vulaka yandi bilele, pe bau finikaka yandi kiyunga ya mbwaki. ²⁹ Bawu tungaka yimpu ya bansende, bau tulaka yawu na yintu na yandi, pe bau pesaka yandi bambu na diboko ya labakala ; bosi bakwizaka fukama na ntwala na yandi pe babandaka kusekinina yandi na kutubila yandi : Mbote, ntinu ya Bayuda ! ³⁰ Wana bandaka lozila yandi madita, bawu bakaka bambu pe babulaka yandi yawu na yintu. ³¹ Na manima ya kusekinina yandi, bawu vulaka yandi kiyunga, bavutusilaka yandi bilele, pe bawu nataka yandi samu na kubanda yandi na dikulusi. ³² Na ntangu bawu bimaka, bawu kutanaka tata mosi ya bwala Silene, nkumbu ya Simo, pe bawu kominaka yandi na kunata dikulusi ya Yesu. ³³ Tangu bakumaka na kisika ke bengamaka Ngolongota, kisika ya mikuwa ya yintu. ³⁴ Bawu pesaka yandi vinu yaku nwa sanganaka na bima ya ndudi, kasi, na ntangu yandi mekaka yawu, yandi zonaka kunua yawu ve. ³⁵ Na manima ya kubanda yandi na dikulusi, bawu kabulaka bilele na yandi, na fikofiko fio, samuti mambu yina sakolamaka na mimbikudi ya kokisama : Bawu kabulaka bilele ya munu, pe bawu salaka fiko fiko fio na kubaka kiyunga na munu. ³⁶ Landila yina bawu vwandaka, pe bawu landaka yandi. ³⁷ Samu na kumonisa tina yina yandi kangiminaka, bawu sonikaka na zulu ya yintu na yandi : Yandi yayi Yesu, ntinu ya Bayudayo. ³⁸ Nzila mosi na yandi bakuluna zole, mosi na lubakala, mosi na luketo. ³⁹ Batu vwandaka luta na nzila vwandaka finga, yandi, pe vwandaka ningisa ba intu na bawu. ⁴⁰ Nakutuba : Ngeyo ke panza (tulula) yinzo ya lukutukunu, pe ke tunga yawu diaka na bilumbu tatu, kukivuki nge nge mosi ! Sikana nge ke Mwana ya Nzambi, kita dikulusi ! ⁴¹ Bakulutu ya banganga Nzambi na batu yina ke sonikaka ba mamba, na bakulutu ya dibundu, bawu pe vwandaka sekimina yandi pe vuandaka tuba : ⁴² Yandi vukisaka batu yankaka, kasi yandi lendaka kukivukisa yandi mosi ! Sikana yandi mosi ! Sikana yandi kele ntinu ya Isaeli, bika yandi mikatusaka na dikulusi yandi kita, wana beto ke ndimela yandi. ⁴³ Yandi kukiyekula na Nzambi, bika Nzambi ngo kutula na ntangu yayi, sikana yandi ke zonaka yandi mpamba ve yandi tubaka ti : Mukele Mwana ya tata Nzambi. ⁴⁴ Bakuluna (bimbumbulu) yina babandaka na dikulusi nzila mosi na yandi, vwandaka tubilandi mutindu mosi na yandi, vwandaka tubilandi mutindu mosi ba mambu ya mvuezolo. ⁴⁵ Kubanda na ntangu ya sambanu tii na ntangu ya yivwa, kitombe ya ngolo ngolo penza fulukaka na yinza ya mvimba. ⁴⁶ Wana pembeni ya ntangu ya yivwa, Yesu bokaka na ndinga ya ngolo : Eli, Elia, lamasabakatani ? Yina zona tula : Nzambi ya munu, Nzambi ya munu, samuna nini nge me yekudila munu ?