¹ Ntangu Yesu manisa mambu yina nionso, yandi tubaka na balongoki na yandi: ² «Beno me zaba, ke bilumbu zole me bikana, samuna mpasika ya vuanda. Pe Muana mutu ke yekulua na ku kumua na dikulusi.» ³ Buna ba ngudi ya nganga na ba ngudi ya batu bakutakanaka na nganda na ngudi ya ba nganga ke bukuluaka Kayafa. ⁴ Ba kuendilaka yandi manenga, samu babaka Yesu na kinkita ya kufua yandi. ⁵ Kasi ba tubaka : Na bilumbu ya nkinzi ve, samu nkindu bika ku bua na batu.» ⁶ Yesu na ntangu vuandaka na Betani na inzo ya Simo, mutu ya buazi. ⁷ Nketo vuanda na kibungu ya malasi ya nsunga pe ya ntalu mingi, yandi kuizaka na yandi, yandi dukuluka yau na intu na yandi na ntangu yandi vuandaka na meza. ⁸ Na ntangu minlonguki monaka mambu yina, ba fuemaka pe batubaka : «Samuna nini ku bunga malasi mutindu yina ? ⁹ Samu ya zolaka tekama na ntalu mingi pe beto pesa mbongo na mputu.» ¹⁰ Yesu zabaka yau kuandi, yandi tubaka na bau : «Samuna na nini beno kena monisa na nketo yayi ? Samuna kisalu ya mbote yandi me sadila munu. ¹¹ Samuna ntangu nionso ba mputu ke vuanda kaka na beno, kasi mutu mu kevuanda ntangu nionso ve na beno. ¹² Samuna, na ntangu yandi me dukula malasi yayi na intu ya munu, yandi me sala yau na ku bongisa munu naku diamusua. ¹³ Kedika me tubila beno : Koso kuna ke samunua nsangu yayi ya mbote na inza ya mvimba, kuna ke tubulua mambu yandi me sala samuna ku bambukila yandi moyo.» ¹⁴ Buna mosi na kumi na zole, kebokuluaka Yuda Iskalioti, yandi kuendaka na ba ngudi ya nganga. ¹⁵ Yandi tubaka : «Nini beno zala pesa samuna mu yekula yandi na beno ?» Batezilaka yandi makumi tatu ya bivanza ya palata. ¹⁶ Banda na ntangu yina yandi bandaka sosa ntangu yak u fuana yak u yekula yandi. ¹⁷ Kasi kilumbu ya ntete ya nkinzi ya mampa me kondua ku funusua, ba milongoki kuizaka na Yesu, batubaka : «Wapi nge zola beto kubikila nge nkinzi samuna ku dia pasika?» ¹⁸ Yandi tubaka : «Beno kota na mbanza na mutu mosi beno tubila yandi : ''Nlongi me tuba : «Ntanangu ya munu yame busana muke dila pasika na inzo ya nge na ba nlonguki na munu.»"» ¹⁹ Ba nlongoki salaka, mutindu kaka Yesu sikidikisaka bau pe bakubikaka pasika. ²⁰ Na nkokila yandi vuanda na ba nlonguki na yandi dikumi na zole. ²¹ Na ntangu ba kudiaka, yandi tubaka : «Kedika munu kena tubila beno : Mutindu beno kele mosi na beno ke yekula munu.» ²² Bakotaka na kiadi mingi, babandaka tuba na yandi mosi mosi : «Mfumu, nanga munu eh ?» ²³ Yandi Vutulaka : «Yandi yina me tula na munu diboko na dilonga yandi me yekula munu ; ²⁴ Muana mutu ke katuka mu tindu kuandi ya sonamaka samuna yandi, kasi kiadi kuandi na mutu yina ke yekula muana Mutu ! Samuna mutu ya mutindu yin aya zolaka vuanda mbote yandi butuka ve.» ²⁵ Yuda, yina yekulaka yandi mue tuba na yandi: «Nlongi, ya kele munu eh ?» Yandi tubaka na yandi : «Ngeme tuba yau.» ²⁶ Na ntangu baku kudiaka Yesu bakaka dimpa, yandi me sakumuna, yandi me bukuna yau, yandi pesaka yau na banlongoki, yandi tubaka : «Beno baka, beno ku dia yau kele nzutu na munu.» ²⁷ Yandi bakaka mbungu, yandi tondaka, yandi me pesa bau yau yandi me tuba : «Beno kunua yau beno nionso; ²⁸ Samuti yayi kele menga ya munu samuna luwawanu ya yimpa, ya tenguluaka samuna batu mingi samuna ngiambudulu ya masumu. ²⁹ Mume tubila beno : Banda bubu munu buela kunua diaka ve, bi mbutu ya inti ya vinia, tii kilumbu yina munu ke buela kunua yau diaka na kimfumu ya Tata na munu.» ³⁰ Bamemanisa yimbila mu yimbu ya nkokila, ba kuendaka na mongo ya Olive. ³¹ Buna Yesu tubaka na bau : «Na mpipa yayi beno nionso beno tezisaka munu masakuba, samuna ya sonamaka ti : "munu ke bula mvungi, pe ma meme ke sasukusua." ³² Kasi na ntangu muke futumuka, muke tuamina beno na Ngalile.» ³³ Petelo vuandaka, tubaka na yandi : «Kana batu nionso ke teziza nge sakuba, kasi munu muketezisa nge sakuba ata ntangu mosi ve.» ³⁴ Yesu tubaka na yandi : «Kedika me tubila nge : Na mpipa yayi tekila tsusu kokula ngeke manga munu mbala tatu.» ³⁵ Petelo tubaka na yandi : «Kana ku fua muke kufua na nge, munu ke sala manga nge ve.» Pe Mambu yba nlongoki nionso tubaka mutindu mosi na Petelo. ³⁶ Buna Yesu kuendaka na bau na Ngetesemane, yandi tubaka na bau ba nlongoki : «Beno vuanda awa, na ntangu me kuenda kuna na ku sambila.» ³⁷ Yandi nataka Petelo na bana zole ya Zebede, yandi vuandaka ku mona kiadi pe ku kubua na kingongo. ³⁸ Buna yandi tubaka na bau : «Mwela ya munu me zungulua na kiadi ya lufua. Beno vuanda awa, beno kaya meso na munu.» ³⁹ Yandi kuenda na fi ntama ntama, yandi fukamaka na ntuala ya ilungi na yandi, yandi sambilaka pe yandi tubaka : «Tata, kana nzila yi kele, bika mbungu yayi ya luta. Kele ve mutindu kele luzolo ya munu, kasi mutindu kele luzolo ya nge.» ⁴⁰ Yandi kuizaka na banlongoki, yandi me kuta bau yakuleka, yandi tubaka na Petelo : «Munu menionga beno lenda kaya meso ve na munu na mua kilokula ata mosi e ? ⁴¹ Beno kaya meso, beno sambila samuna beno kota na kuvukumunua ve. Mpeve kena kinzodila, kasi nsuni kena lebakana.» ⁴² Diaka yandi kuendaka mbala ya zole, yandi sambilaka, yandi tubaka : «Tata na munu kana mulenda luta yau ve, kana, mu fueti kunua yau kaka buna bika luzolo na nge ya salama.» ⁴³ Yandi kuizaka diaka yandi kuizaka diaka, yandi me kuta bau bame leka, samuti meso ya bau fulukaka na pongi. ⁴⁴ Yandi bikaka bau, yandi kuendak sambila mbala ya tatu, yandi tubaka mambu yango. ⁴⁵ Buna yandi kuizaka na ba longoki, yandi tubaka na bau : «Beno leka beno na ntangu yayi beno pema. Tala, ntangu me kuma nkufi, ke Muana mutu me yekulua na maboko ya batu ya masumu. ⁴⁶ Beno telama beno kuenda. Tala mutu me yekula kena kuiza.» ⁴⁷ Na ntangu kaka yandi me manisa tuba tala pe, Yuda, mosi na kumi na zole, yandi kuizaka na dikabu na yandi ya nene na bi sabala na ba ma dionga, bakutaka na ba ngudi ya nganga na ba ngudi ya batu. ⁴⁸ Yandi yekuluaka yandi yandi pesaka bau kidimbu, yandi tubaka : «yina ke fiba munu, yakele yandi.» ⁴⁹ Yandi tumu kuiza na Yesu pe me tuba: «Mbote nlongi! Pe me pesa yandi beze. ⁵⁰ Yesu tubaka na yandi: «Nkundi, sala yina ngeme kuizila.» Buna bakuizaka tula maboko na Yesu, babakaka yandi. ⁵¹ Tala mosi vuandaka na Yesu yandi tukunaka diboko yandi bakaka mbele na yandi, yandi bulaka ki sielo ya ngudi ya nganga yandi zengaka yandi dikutu. ⁵² Buna Yesu tubaka na yandi : «Vutula mbele na nge na kifulu na yau ; samuna batu nionso yina ke simbaka ki sabala bake fuila yandi pe na kisabala. ⁵³ Nge me banza e, ke mu lenda bombidila Tata ya munu ve, pe yandi tudila munu na ndambu ba mbazi kuluta dikumu na balengio zole ? ⁵⁴ Buna masonukua ya longo wapi mutindu yake kuendila detila kana mutindu yina kaka yake vuandila e ?» ⁵⁵ Na ntangu yina Yesu tubaka na makabu : «Beno me kuiza na bi sabala na bi bota neti na muyibi samu na kubaka munu? Bilumbu nionso me vuanda na kinlongo pe ku longaka, pe beno bakaka munu ve. ⁵⁶ Kasi mambu nionso yayi me ku bua samuna ti, masunukua ya ba mi nbikudi ya kuenda detila. Buna ba nlongoki nions oba bika kaka yandi ba tinaka yandi. ⁵⁷ Babakaka Yesu banataka yandi na Kayafa, ngudi ya nganga, kuna kutana mi nsoniki na ba ngudi ya batu. ⁵⁸ Petelo namaka Yesu na wonga mingi tii na nganda na ngudi ya nganga, yandi kotaka kuna na mabanga na ku tala mutindu mambu ke manisa. ⁵⁹ Ba ngudi ya nganga na ba mfumu nionso ya luyalu ba sosaka kimbangi ya luvunu samu baku fua yandi ; ⁶⁰ Ba monaka yau diambu ve, ba mbangi ya luvuna mingi ba kuizaka. Na nsuka zole kuizaka. ⁶¹ Batubaka : «Yandi yayi tubaka : "Munu mu lenda buisa kinlongo ya Tata Nzambi pe ku buela tunga yau na bilumbu tatu. Pe ku buela tunga yau na bilumbu tatu."» ⁶² Ngudi ya nganga telamaka tubaka na yandi : «Ngeke na diambu ya kuvutula ve ?» Kimbangi nini ba yayi me tela nge ?" ⁶³ Kasi, Yesu vuandaka swi. Ngudi ya nganga vutulaka, yandi tubaka : «Munu kena leva ndefi na Nzambi ya munu, samu nge tubila beto kana ngeyo nde Klisto, Muana Tata Nzambi.» ⁶⁴ Yesu tubaka na yandi: «Nge me tuba mutundi yina. Buna me tubila beno tala : Bubu wana beno ke mona Muna mutu me vuanda na lubakala ya lulendo na ku kuiza na matuti ya mazulu.» ⁶⁵ Wana ngudi ya nganga pasunaka bilele na yandi, pe tubaka : «Yandi me bimisa ba mpova yaluvuezo ! Beto ke diaka na mfunu ya ba mpangi ? Tala, ntangu yayi meno me kuwa ba mpova ya luvuezo. ⁶⁶ Nini beno me banza?» Kasi ba vutulaka, batubaka : «Yandi kele na nkanu ya lufua.» ⁶⁷ Wana balozilaka yandi madita na ilungi babulaka yandi ban komi, kasi baya nkaka, ba bulaka yandi bisuadi. ⁶⁸ Batubaka : «Klisto Bikudila beto : Nani me bula nge?» ⁶⁹ Petelo vuandaka na nganda ya lupangu kisielo ya nketo kuizaka na yandi, yandi tubaka : «Ngeyo pe vuandaka na Yesu mutu ya Ngalili?» ⁷⁰ Kasi yandi zolaka ve ku ndima na ntadisi ya batu nionso, yandi tubaka : «Muzaba ve nini yina nge me tuba.» ⁷¹ Ntangu yandi kuizaka na muelo ya nkaka tubaka na bayina vuandaka vana : «Yandi yayi vuandaka na Yesu mutu ya Nazaleti.» ⁷² Diaka yandi mangaka ku ndima pe kuleva ndefi : «Muzaba mutu yayi ve.» ⁷³ Na ntangu ya, batu yina telamaka vana, batubaka na Petelo : «Kedika ngeyo ke mosi na bau samuna mutindu ya nge yaku tuba me monisa yau.» ⁷⁴ Yandi bandaka ku leva ndefi : muzaba mutu yayi ve. Tsusu me kokula. ⁷⁵ Petelo bambuka kaka moyo na mambu tubaka Yesu. Tsusu ke kokula ntete ve ngeke manga munu mbala tatu. Yandi bimaka na nganda pe yandi ku buaka na ku dila mingi.