¹ Yau yina kimfumu ya mazulu me fuanana na kumi ya ba ndumba kubika kaka minda na bau samuna ku yamba bakala ya nkembo. ² Na bau tanu vuandaka ba zoba pe tanu vuandaka ya mayele. ³ Samuna na ya ba zoba bakubikaka minda kasi ba fulusaka minda na bau ve na mafuta. ⁴ Bayina ya mayele, ba fulusaka minda na bau na ba nvungu na bau. ⁵ Bakala ya feti vuandaka vika kuiza ve, bau nionso vuandaka ku kunuingina pe bame leka. ⁶ Na kati kati ya mpipa salamaka lubokolo : «Tala, ditoko ta feti ! beno bima, beno yamba yandi!» ⁷ Yau yina banaya baketo nionso telemaka ba kukubikaka minda ya bau. ⁸ Bayina ya ba zoba tubaka na bayina ya mayele : «Beno pesa beto mafuta yina kele na beno samuna na minda beto kena ku zima!» ⁹ Bayina ya mayele vutulaka: «batubaka mafuta kele na beto ya lenda koka ve na beto na beno. Beno kuenda na bayina ke tekisaka yau beno kuki sumbila.» ¹⁰ Bakuendaka sumba kaka pe na ntangu yina kaka ditoko ya nkinzi me kuiza bayina ya mayele ba bongamaka bakotaka na yandi na nkinzi pe bakangaka kielo. ¹¹ Bana yaba nketo ya nkaka ba kuizaka na manima ya ntangu batubaka : Mfumu, Mfumu zibudila beto ! ¹² Mfumu futidilaka bau yandi tubaka : Kedika me tuba na beno : Mu zaba beno ve.» ¹³ Na yau beno leka ve, samuna beno zaba kilumbu ve pe ntangu ve. ¹⁴ Samuna yakele neti mutu kuendaka na insi ya nkaka, yandi bokilaka bisadi na yandi, yandi pesaka bau ba talata na yandi. ¹⁵ Yandi pesa ba talata tanu na mutu mosi ba talata zole na mutu ya nkaka, mosi na yina ya nkaka na mutindu lenda mutu na mu tu ya kuendaka na insi ya nkaka. ¹⁶ Yandi yina bakaka ba talata tanu kuendaka kitila yau, yandi bakaka ndandu talata tanu ya nkaka. ¹⁷ Mutindu mosi pe na yina bakaka zole yandi bakaka zole ya nkaka neti ndandu. ¹⁸ Kasi yina bakaka mosi yandi kuendaka timuna dibulu yandi kuendaka sueka na insi ya ntoto talata ya mfumu na yandi. ¹⁹ Ntangu mingi lutaka tii mfumu na yandi vutukaka, yandi kuizaka fiongunina ba talata na yandi na bau. ²⁰ Yina bakaka talata tanu yandi nataka tanu ya nkaka yandi tubaka ; mfumu nge pesaka munu talata tanu, tala talata tanu ya nkaka mu me baka ndandu.» ²¹ Mfumu tubaka na yandi : «mbote, nge ikele kisadi ya mbote pe yaku kuikama, nge me kuikama na bima ya fioti munu mukena nanguna nge na bima mingi, kota na kiese ya Mfumu na nge.» ²² Yina bakaka talata zole kuizaka pe, yandi tubaka : «Mfumu nge pesaka munu talata zole, tala diaka talata zole ya nkaka mume baka ndandu.» ²³ Mfumu tubaka na yandi : «Mbote nge kele kisadi ya mbote pe yak u kuikama, pe me kuikama na bima ya fioti munu ke nanguna nge, nge na zulu ya bima mingi, kota na kiese ya mfumu na nge.» ²⁴ Kasi bakaka talata mosi, kuizaka pe yandi tubaka : «Mfumu me zaba nge nge kele mutu ya nganzi ngeke bukaka kutu na bilanga yin ange kunaka ve pe nge kubikaka na kifulu yin ange bongisaka ve. ²⁵ Munu vuandaka na wonga, munu kuendaka sueka talata ya ngo na insi ya ntoto. Tala talata mosi ya ngo yau yayi.» ²⁶ Mfumu na yandi vutula yandi tubaka na yandi : «Nge kele kisadi ya molo nge me zaba ti muke mukaka na bilanga yina bu kunaka ve pe muke kubikaka na kivulu yina mu bongisaka ve. ²⁷ Yau mu zonaka kutu pesa ba talata na batu botisaka ba mbongo yazolaka na ntangu me vutuka, mu zola baka mbongo ya munu pe na ndandu.» ²⁸ Yau yina ku ziona talata pe kupesa yau na yina kena na dikumi ya talata. ²⁹ Samu, mutu yina kena kima bake pesaka yandi (pe bake buedilaka yandi kulutila.) Kasi lutu yina kele na kima bake ziona yandi kima yina lendaka bikana na yandi. ³⁰ Beno loza kisadi yayi ya mpamba mpamba na nganda ya kitombe. Kuna ke vuandaka bidilu pe nkuetoso ya bidilu.» ³¹ Ntangu Muana mutu ke kuiza na nkembo yandi pe na ba mbazi na yandi nionso, buna yandi ke vuanda na kiti na yandi ya nkembo. ³² Makanda nionso ke kutakana na ntadisi na yandi, yandi ke vambisa bau mutindu bake vambisilaka mvungi ya mameme na ba nkombo. ³³ Yandi tula mameme na diboko ya lubakala na yandi kasi ba nkombo na lumoso. ³⁴ Buna ntinu ke tuba na bayina kele na lubakala na yandi : «Beno kuiza beno batu ya lusakumunu ya tata na munu, beno yamba ki mvuama yina bongisilaka beno banda na ntudulu ya luvulu ya yi nza. ³⁵ Munu ku fuaka nsatu, beno pesaka munu madia ve, mu vuandaka na nsatu ya maza beno nuikisaka munu yawu ve, munu vuandaka nzenza beno yambaka munu ve ; ³⁶ Kasi munu vuandaka ve na bilele beno vuatisaka munu, mu vuandaka ku bela beno niakisaka munu ve. Mu kotaka buloko beno kuizaka tala munu ve.» ³⁷ Buna batu ya lunungu ke vutula pe bake tuba na yandi: «Mfumu ni kilumbu beto monaka nge ti nge me kufua nsatu pe beto dikilaka nge ve, nge vuandaka na nzatu ya maza , beto pesaka nge maza ve ? ³⁸ Kilumbu nini beto monaka nge ku vuanda nzenza na beto, ke yambaka nge ve nge konduaka bilele, beto vuatisaka nge ve ? ³⁹ Kilumbu nini beto monana nge ti nge belaka, nge kotaka buloko, beto kuizaka tala nge ve ? ⁴⁰ Ntinu me vutusa pe me tuba na bau «Na kedika me tubila beno ba mpangi ya munu yayi ya fioti fioti mutindu kuandi ba kele kana beno salaka yau na mosi na bau buna beno salaka yau na munu.» ⁴¹ Buna yandi ke tubila na bayina kena lumosi na yandi : «Beno katukila munu, beno ke ya kusingua, na tiya ya mvula na mvula yi kubukuluaka nkandi ya mpemba na ba mbazi na yandi. ⁴² Samu ku fuaka nsatu beno pesaka munu madia ve muvuandaka na nsatu ya maza, beno nuikisaka munu ve ; ⁴³ Munu vuandaka nzenza, beno yambaka munu ve, munu konduaka bilele, beno vuatisaka munu ve ; na kubela pe na buloko, beno kuizaka tala munu ve.» ⁴⁴ Buna bau pe bake vutula pe batubaka : «Mfumu, ni kilumbu beto monaka nge, ke nge me ku fua nzatu ya maza, kana ki nzenza, kana ku kondua bilele, kana ku bela, pe na buloko, ke beto sadisaka nge ve? ⁴⁵ Buna yandi ke vutula pe tubaka na bau : Kedika munu me tubila : Bayina ya fioti beno sadisaka mutindu kuandi ba kele, kasi kana beno salaka yau na mosi ve na bau, beno salaka yau na munu ve.» ⁴⁶ Ba yayi bake kuenda na ndongi ya ba mvula na ba mvula, kasi batu ya lunungu na moyo ya ba mvula na ba mvula.»