¹ Na manima na kilumbu ya lumingu, na nsuka nsuka na kilumbu ya ntete ya sabala, Maliya ya Mangadala pe Maliya yin aya nkaka ba kuendaka na kutala ndiamu. ² Pe tala, ntoto kuizaka ningana ngolo ; samuti, mpazi ya mfumu kitaka na zulu, kuizaka nengumuna dibanga, pe yandi me vuanda na zulu na yau. ³ Mbonokono na yandi vuandaka lokola tsiemo, pe bilele na yandi ya pembe lokola mvula ya pembe. ⁴ Bayina vuanda sunga vuandaka zakama na wonga, pe bakumaka lokola batu yaku fua. ⁵ Kasi mbasi kuizaka baka ndinga pe tubaka na ba nketo : Samuna beno, beno bika mona wonga ; samuti mume zaba ke beno kena kusosa Yesu yina ba komaka na dikulusi. ⁶ Yandi kele diaka awa ve ; yandi me vutumuka ; mutindu yandi mosi tubaka. Beno kuiza, beno tala kisika ya vuandaka yaku lala, ⁷ Pe beno kuenda na nsualu nionso nakuzabisa ba nlonguki na yandi ke yandi me futumuka na insi ya batu yaku fua, pe tala, yandi me tuaminina beno na Ngalile, kuna nde beno ke mona yandi. Yina nde nsangu mu me tubila beno. ⁸ Bakatukaka na nsualu nionso na ndiamu, na wonga na kiese mingi, pe ba zawulaka na ku kuenda tubila ba nlonguku nsangu. ⁹ Pe tala, Yesu me bimina bau na ntuala pe me tuba : mbote na beno. Bame pusana samu ba simba makulu na yandi, pe bame fukimina yandi. ¹⁰ Buna Yesu me tubila bau, beno wonga ve ; beno kuenda tubila ba mpangi na munu, ba kuenda na Ngalili : kuna nde bake mona munu. ¹¹ Na ntangu ba vuandaka na nzila ndambu ya batu yina vuandaka kengela kotaka na mbanza, pe bame zabisa ba ngudi ya nganga mambu nionso kubuaka. ¹² Ntangu ba yayi kutakana na bakulutu pe na ntangu bame kanisa na kintuadi, ba pesaka na ba soda ntalu ya mbongo mingi, ¹³ Na kutubaka : beno tuba : Ba minlonguki na yandi kuizaka yiba yandi na mpipa, na ntangu beto vuandaka leka. ¹⁴ Pe sikana nyadi ya kizunga me kuwa yau, beto ke kitisa yandi ntima, pe bake sala beno kima ve. ¹⁵ Ba soda bame baka mbongo, pe bame sala mutindu ba tubilaka bau. Makelele yango me muangana na ba Yudayo tii na kilumbu yayi. ¹⁶ Ba nlonguki kumi na mosi kuendaka na Ngalili na mongo yina Yesu tubilaka bau. ¹⁷ Ntangu bame mona yandi, bame fukama na ntuala na yandi. Kasi b aya nkaka vuandak na keti keti. ¹⁸ Yesu, me pusana pe me tubila bau mutindu yayi : Lulendi nionso me pesimina munu na dizulu tii na ntoto. ¹⁹ Beno kuenda, beno kumisa batu ya yi nsi nionso ba longuki, beno botika bau na nkumbu ya Tata, ya Muana pe ya Mpeve ya Nlongo, ²⁰ Pe beno longa bau ba toma lunda nionso yina mutubilaka beno. Pe tala, mukena beno bilumbu nionso, tii na nsuka ya ntoto.