¹ Na ntangu yina, nyadi Elodi, kuwaka bantu kena kutubila Yesu, ² me tuba na bisadi yna yandi: Yau ikele Yoani mbotiki§ yandi me futumuka na bafua, mpe yau yina bimangu kena kusalamina na yandi. ³ Samu Elodi tindaka ba baka Yoane, mpe kangisaka yandi ba nsinga mpe lozaka yandi na boloko, samuna Elodia nkento ya Filipo mpangi na yandi, ⁴ samu Yoane vuandaka tubila yandi: Nge ikele na luve ve na kubaka yandi bonso nkento nange. ⁵ Elodi zolaka kufua yandi, kansi yandi vuandaka na wonga ya nkangu, samu ba vauandaka ndima yandi bonso mbikudi. ⁶ Kansi, na tgu kilumbu ya mbutukulu ya Elodi kumaka, muana ya nkento ya Elodia kinaka na kati ya bantu, mpe ya sepedisaka Elodi, ⁷ na yau yandi salaka nsiluklu na kuzenga seleka na kupesa yandi nionso yandi ke lomba. ⁸ Na manima kubaka malongi na mama na yandi, yandi me tuba: Pesa munu awa intu ya Yoane na kati ya dilonga. ⁹ Ntinu monaka mpasi na ndombolo yina; kansi samuna ndefi na yandi mpe na bantu nionso yinavuandaka na nkinzi na yandi, yandi pesaka lutumu samu diambu yayi salama, ¹⁰ mpe yandi tindaka ba zenga yintu ya Yoane na kati ya boloko. ¹¹ Ba nataka yintu na yandi na dilonga mpe ba pesaka yau na muana ya nkento mpe yandi nataka yau namama na yandi. ¹² Na manima, minlongoki ya Yoane kuizaka baka nzutu mpe ba zikaka yau. Mpe ba kuendaka zabisa Yesui. ¹³ Na nsangu yina, Yesu katukaka vana mpe kotaka na nlungu, samuna ku kuenda na dikanga, kisika ya yandi mosi; ntangu ndonga ya bantu kuwaka yau, ba katukaka na mbanza mpe ba landaka yandi na makulu. ¹⁴ Ntangu yandi bimaka na buatu, yandi monaka ndonga mosi ya nene ya bantu, yandi monaka kiadi mingi samuna bau, mpe yandi belusaka ba mbevo. ¹⁵ Ntangu nkokila kumaka, minlongoki pusanaka vana yandi vuandaka, mpe me tubila yandi: Kisika yayi ikele ya kuyuma, mpe ntngu me pusana; vutula bantu ,samu ti ba kuenda na babuala ba sumba madia. ¹⁶ Yesu vutudilaka bau: Bau ikele na mfunu ya ku kuenda ve, beno pesa bau madia beno mosi. ¹⁷ Kansi ba tubilaka yandi: Beto ikele kaka na mampa tanu na ba mbizi zole. ¹⁸ Mpe Yesu me tuba: Beno natina munu yau. ¹⁹ Yandi vuandisaka nkangu na matiti, yandi bakaka mampa tanu na ba mbizi zole, mpe, yandi zangulaka meso na zulu, yandi me vutula matondo. Bosi, yandi bukunaka mampa mpe yandi pesaka na minlongoki , ba kabula yau na nkangu. ²⁰ Bantu nionso kudiaka mpe yukutaka, na manima ba lokutaka bitunga kumi na zole yabitini bikanaka. ²¹ Ba yina kudiaka vuandaka mafunda tanu ya ba bakala, ku katusa ba kento na bana. ²² Na manima na yau, yandi tuminaka minlongoki ba kota na nlungu mpe ba tuamina kusabuka tii na disimu, na ntangu yandi kena ku vutula nkangu. ²³ Na manima kuvutula nakgu,yandi kuendaka na mongo samuna kusambila yandi mosi, mpe lokola nkokila kubuaka, yandi vuandaka yandi mosi vana. ²⁴ Buatu kumaka na kati kati ya yimbu, ya vuandaka nikuka na ngolo; samuna mupepe vuandaka na ntangu ya yimbi. ²⁵ Na ntangu ya iya ya nkokila, Yesu pusanaka penepene na bau, na ku tambula na zulu ya maza. ²⁶ Ntangu minlongoki monaka yandi na mutindu yandi vuandala tambudila na maza, ba monaka wonga, mpe ba tubaka: Yayi ikele nkuyui! kansi na kati ya wonga, ba bokanaka. ²⁷ Na mbala mosi Yesu me tubia bau: Beno zaba ti yau ikele munu, beno mona wonga ve! ²⁸ Petelo vutudila yandi, mpe me tuba: kana ya ikele nge, pesa munu luve ya kukuiza na zulu ya maza mpe mu kukuma kisika nge ikele. ²⁹ Bosi Yesu me tuba : Kuiza! Petelo bimaka na buatu mpe yandi tambulaka na zulu ya maza, samuna ku kuenda kisika Yesu vundakaka. ³⁰ Kansi na kumona ti mupepe vuandaka ngolo, yandi monaka wonga; mpe lokola yandi vuandaka dinda, yandi bokaka: Mfmumu vukisa munu! ³¹ Na mbala mosi, Yesu lambulaka diboko, mpe bakaka Petelo, mpe me tubila yandi: Muntu ya kiminu ya fioti, samuna inki nge ikele na keti keti e? ³² Bosi ba kotaka na buatu, mpe mupepe manisaka. ³³ Ba yina vuandaka na buatu sambilaka Yesu, na kutuba: Ya kedika nge ikele Muana ya Tata Nzambi. ³⁴ Na manima ya ku sabuka yimbu, ba kuendaka na yinsi ya Nganasaleti. ³⁵ Bantu ya kisika yina kuizaka bakusa Yesu, ba tindaka nsangu na bizunga ya penepene, mpe ba natinaka yandi ba mbevo nionso. ³⁶ Ba lombaka luve na Yesu samu ba simba ata nsongi ya kiyunga na yandi. Mpe bantu nionso simbaka yau, belukaka.