¹ Kilumbu yina, Yesu bimaka na yinzo, mpe yandi vuandaka na disimu ya mbu. ² Nkangu ya nene kutakanaka penepene ne yandi, Yesu kotaka na bota, mpe yandi vuandaka. Nkangu nionso telamaka na disimu. ³ Yandi vuandaka tubila bau mambu mingi na bingana, mpe me tuba: Nkuni mosi bimaka samuna kukuna. ⁴ Na ntangu yandi vuandaka kuna, ndambu ya mbuma kubuaka na nzila: ba ndeke kuizaka, mpe ba kudiaka yau. ⁵ Ndambu yankaka kubuaka na mabanga, kisika ikele na ntoto mingi ve: ya menaka nsualu nsualu, samu ntoto vuandaka mingi ve; ⁶ kansi, ntangu muini bimaka, ya yokanaka mpe ya yumaka, samuna kukondua mianzi ya kusikila. ⁷ Ndambu yankaka kubuaka na ba nsende: ba nsende vuandaka kula, mpe fietikisaka yau. ⁸ Ndambu yankaka kubuaka na ntoto ya mbote: ya butaka mbutu, mbuma mosi nkama mosi, yankaka makumi sambanu, yankaka makumi tatu. ⁹ Bika muntu ikelel na makutu ya kuwa yandi kuwa. ¹⁰ Mi nlongoki finamaka, mpe ba tubilaka yandi: Samuna inki nge kena kutubila bau na bingana e? ¹¹ Yesu vutudilaka bau: Samu ya pesaminaka beno na kuzaba mansueki ya kimfumu ya mazulu, kansi ya pesaminaka bau yau ve. ¹² Samu ba ke pesa na muntu yina ikele na yau, mpe yandi kevuanda na yau ya mingi, kansi na muntu yina ikele na kima ve, ba ke katula ata yina ikele na yandi. ¹³ Yau yina mu kene kutubila bau na bingana, samu ata ba kena ku tala bakena kumona ve, mpe ata na nguilu ba kena kuwa ve, mpe na kima ba kena kubakusa ve. ¹⁴ Mbikululu yayi ya Yesaya kena kukokisama samuna bau: Beno kena kuwa na makutu na beno, mpe beno ke kubakusa ve; beno kena kutala na meso na beno, mpe beno ke kumona ve. ¹⁵ Samu ntima ya bantu yayi me kitukaka ya kuvibala; ba kangaka mintima na bau, mpe ba kangaka meso na bau, samu ti ba mona ve, ba kuwa ve, mpe na ba ntima na bau ba bakusa ve, ba vilula ntima ve, mpe mu niakisa bau ve. ¹⁶ Kansi mayangi na meso na bao, samu ya kena kumona, mpe makutu na beno samu ya kena kuwa! ¹⁷ Ya kedika me tubila beno, ba mbikudi mingi mpe na bantu ya lunungu zolaka mona yayi beno kena kumona, kansi ba monaka yau ve, kuwa yina beno kena kuwa, kansi ba kuwaka yau ve. ¹⁸ Kansi beno, beno kuwa kingana ya nkuni. ¹⁹ Ntangu muntu ke kuwaka mambu ya kimfumu mpe kena kubakusa yau ve, Satana ke kuizaka mpe ke katulaka yina me kunua na ntima ya yandi: muntu yina, yandi nde bakaka mbuma na nzila nzila. ²⁰ Yina bakaka mbuma na kisika ya mabanga, yandi ke kuwaka mambu ya Tata Nzambi mpe tambulaka yau na kiese; ²¹ kansi yandi ikele na mianzi ve kati na yandi, yandi ikele ya kusiama ve mpe ntangu kaka mpasi na nzomona me kuiza samuna mambu ya Ya Tata Nzambi, yandi ke kubuaka na nsualu. ²² Yina bakaka mbuma na ba nsende, yandi ke kuwaka mambu ya Tata Nzambi, kansi mayindu ya ntangu yayi mpe mvukumunu ya kimvuama kena kufietikisa mambu yayi, mpe kena kukitula yandi kisita. ²³ Yina bakaka mbuma na ntoto ya mbote, yandi ke kuwaka mambu ya Tata Nzambi mpe ke bakusaka yau; ka butaka mbuma, mbuma mosi ke butaka nkama mosi, yankaka makumi sambanu, mpe ya nkaka makumi tatu. ²⁴ Yesu zabisaka bau kingana yankaka, mpe me tuba: Kimfumu ya mazulu me fuanana na muntu me kuna mbuma ya mbote na bilanga na yandi. ²⁵ Kansi ntangu bantu vuandaka leka, ntantu na yandi kuizaka kuna mbuma ya yimbi kati na ble, mpe yandi kuendaka. ²⁶ Ntangu mbuma menaka mpe butaka, dititi ya yimbi bimaka mpe. ²⁷ Bisadi ya nlongi kuizaka tubila yandi: Mbuma ya mbote, nge kunaka yau na bilang na munu ve? inki me sala ti matiti ya yimbi me bima na bilanga na munu e? ²⁸ Yesu vutudilaka bau: Yau iklele mavanga ya ntantu. Mpe kisadi me tubiala yandi: Nge zola ti beto kuenda katula yau? ²⁹ Nlongi me vutula: ve, beno lenda vuzula ve matiti ya yimbi, samu mbuma ya mbote lendaka vuzuka na mbala mosi. ³⁰ Beno bika nionso kudila kisika mosi tii na ntangu ya kuyonzika, mpe, na ntangu ya ngionzokolo, mu ke tubilai minyonziki: beno katusa ntete matiti ya yimbi, beno kanga yau bifunda samuna kuyoka yau, kansi beno sangisa ble, beno tula yau na kati yakikebolo na munu. ³¹ Yesu tubaka kingana yankaka, me tuba: Kimfumu ya mazulu me fuanana na mbuma ya mutade yina muntu bakaka mpe me kuna yau na bilanga na yandi. ³² Yau ikele mbuma melutila fioti na ba mbuma nionso; kansi ntangu ya me kula, yau me kuma nene kuluta ba ndunda, mpe yau kekitukaka inti, samu ti ba nuni ya dizulu kuiza sala mazala na bau na bitapi na yau. ³³ Yesu zabisaka bau kingana yankaka, mpe me tuba: Kimfumu ya mazulu me fuanana na kifunusu yina nkento mosi bakaka, sangisaka na bakopo tatu ya fufu, tii na ntangu yau ke vimba. ³⁴ Yesu me tuba mambu nionso yayi na ndonga ya bantu na bingana, mpe yandi vuandaka zabisa bau kima mosi ve kondua bingana, ³⁵ samu ti mambu samunaka mbikudi ya kokisama: Mu ke zibula yinua na munu na bingana, mu ke tuba mambu yina vuandaka suekama kubanda na ntonono ya yinza. ³⁶ Na manima, yandi vutulaka ndonga ya bantu, yandi kuendaka na yinzo. Minlngoki pusanank penepene na yandi mpe tubaka: Visikisa beto kingana ya matiti ya yimbi bimaka na bilanga. ³⁷ Yandi vutulaka: Yina ke kunaka mbuma ya mbote nde Muana ya muntu, ³⁸ bilanga ikele yinza; mbuma mbote bana ya kimfumu; matiti ya yimbi, yau ikele bana ya Satana; ³⁹ ntantu yina kunaka matiti ya yimbi kena kumonisa diabulu, kuyonzika ikele nsuka ya yinza; banyonzziki ikele ba mbasi. ⁴⁰ Nzoka, mutindu ba ke sangisaka matiti ya yimbi mpe kuyoka na tiya, ya ke vuanda mutindu mosi na nsuka ya yinza. ⁴¹ Muana ya muntu ke tinda ba masi na yandi, mpe baka katusa na kimfumu ya yandi kima mosi ya disumu mpe ba yina ke salaka mambu ya yibi, ⁴² mpe ba keloza bau na foloni ya tiya ya ngolo, kuna ke vuanda bidilu mpe nkuetoso ya meno. ⁴³ Na yau, bantu ya lunungu ke lezima lokola ntangu na kimfumu ya Tata na bau. Bika yina ikele na makutu ya kuwa yandi kuwa. ^{44 45} Kimfumu ya mazulu me kokana diaka na kima ya ntalu suekuaka na bilanga. Muntu mosi monaka yau mpe suekaka yau; na kufuluka na kiese, yandi kuendaka tekisa nionso yandi vuandaka na yau., mpe yandi me sumba bilanga yayi. Kimfumu ya mazulu me kokana na muntekisi yina kena kusosa bima ya mfunu. ⁴⁶ Yandi monaka kima mosi ya mfunu ya ntalu mingi; mpe yandi kuendaka tekisa nionso vuandaka na yandi mpe yandi sumbaka yau. ⁴⁷ Kimfumu ya mazulu me kokana diaka na dikonde mosi ba lozaka na nzadi, mpe lokutaka mutindu nionso ya ba mbizi, ya mfunu na yina ya mfunu ve. ⁴⁸ Na ntangu dikonde me fuluka, banlobi me benda yau na disimi mpe me vuanda. Na manima, ba vuandaka sangisa ndambu ya mbote nadilonga yina ya yimbi lozukaka. ⁴⁹ Yau ke vuanda mutindu yina na nsuka ya yinza. Ba mbasi ke kuiza kabula bantu ya yimbi na yina ya lunungu, ⁵⁰ mpe ba ke loza bau na foloni ya tiya, kisika ke vuanda bidilu na nkuetoso ya meno. ⁵¹ Beno me bakusa mambu nionso yayi e? Ingeta, beto me bakusa. ⁵² Mpe yandi me tubila bau: Yau yina, nsoniki nionso yina longukaka yiname tadila kimfumu ya mazulu me kokana na muntu kena yinzo me bimisa bima ya ya ntama na ya yimpa na kikebolo na yandi. ⁵³ Ntangu Yesu manisaka kutuba mambu yina, yandi katukaka vana. ⁵⁴ Na ntangu yandi kuendaka na kizunga na yandi, yandi vuandaka longa na yinzo ya lukutukunu, na mutindu ba yina vuandaka kuwa yandi yitukaka mpe vuandaka tuba: Wapi sika nduenga ya muntu yayi me katuka mpe bimangu yayi e? ⁵⁵ Yandi yayi ve ikele muana ya kiadi ya mabaya e? Maliya ikele mama na yandi ve ? Yakobi, Yosefi, Simoni mpe Yuda, bau ikele ve ba mpangi na yandi ya babakala e? ⁵⁶ mpe ba mpangi na yandi ya ba kento bau ikele kati na beto ve? Wapi kisika muntu yayi kena kubaka mambu nionso yayi e? ⁵⁷ Samuna bau yntesisi ya masakuba. kansi yesu zabisalka bau: Mbikudi ikele nzitusu na mbanza na yandi ve. ⁵⁸ Yandi salaka bimangu mingi ve na kisika yina samuna ntima ya ngolo na bau.