^{1 2 3} Lokola beto kena kusala na Tata Nzambi, beto kena kubombidila beno, beno baka nlemvo ya tata Nzambi na mpamba ve. Samu yandi me tuba: Na ntangu ya mbote mu kuwaka nge, na kilumbu ya luvulusu mu sadisaka nge. Tala ntangu ya mbote yau yayi, tala kilumbu ya luvulusu. Beto kena kutesisa muntu disakuba na kima mosi ve, samu beto bamunua na kisielo na beto ve. ⁴ Kansi beto kena kukimonisa na bantu nionso ti beto kele bisadi ya Tata Nzambi, beto me toma vibidila na kuvuanda na ba ntontolo, na malema, na mambu ya mpasi, ⁵ na kubulua bikoti, na ba boloko, na ba mvualangani, na bisalu ya ngolo, na kukaya meso, na kumina nsoki, ⁶ na mpedoso, na nzayilu, na mvibudulu, na mambote, na Mpeve ya Nlongo, na nzola ya disu na insi ya dititi ve, ⁷ na mambu ya kedika, na kilendo ya Tata Nzambi, na binuanunu ya lunungu na kunuanina mpe na kukitanina; nnnnnnnnnnnnnnnnnnnnnnnnnnnnnnn ⁸ na kati ya nkembo mpe ya mvuezolo, na kati bifu ya imbi mpe na bifu ya mbote; ba kena kumona beto bonso minzimbisi, kansi bantu ya kutuba kedika; ⁹ bonso ya kuzabakana ve, kansi beto me toma zabakana; bonso bantu ya kufua, kansi beto kele ya moyo; bonso batu kele na insi ya kitumbu, kansi ba kufuaka beto ve; ¹⁰ bonso bantu kele na kiadi, kansi beto kele na kiese ntangu bilumbu nionso; bonso ba mputu, kansi beto kena kuvuamisa bantu ya nkaka; bonso beto kele na kima ve, kansi beto kele na bima nionso. ¹¹ Bantu ya Kolinto, inua na beto me zibuka samuna beno, ntima na beto me kuma ya nene. ¹² Beno kele na kifulu ya nene na ba ntima na beto; kansi beno kele ya kufietakana na ba ntima na beno. ¹³ Beno sadila beto mutindu mosi, mu kena kutubila beno bonso bana, beno buedila beto mpe kifulu na ba ntima na beno! ¹⁴ Beno tulua kivangu ya nzenza ve na bantu yayi ke lekaka kiminu ve. Samu inki kintuadi kele na lunungu na masumu e? to inki kintuadi kele na kukia na kitombo e? ¹⁵ Inki nguizani kele kati na Klisto na Beliali e? to inki kintuadi kele na muntu ke lekeke kiminu na yina ke lekaka kiminu ve? ¹⁶ Inki kintuadi kele na Kinlongo ya Tata Nzambi na biteki e? samu beto kele Kinlongo ya Tata Nzambi a moyo, bonso Tata Nzambi tubaka: Mu ke vuanda mpe mu ke tambula na kati na bau; mu ke vuanda Nzambi na bau, mpe ba ke vuanda nkangu na munu. ¹⁷ Yau yina, beno vuanda na bau kintuadi ve, beno vambana, me tuba Mfumu; Beno simba bima ya kusumuka ve, mpe mu ke tambula beno. ¹⁸ Mu ke vuanda Tata samuna beno, mpe beno ke vuanda samuna munu bana ya babakala na ya bakento, me tuba Mfumu, Mpungu tulendo.