¹ Beto me zaba ti, kana inzo na beto ya ngoto beto kena kuvuanda awa na ntoto me tulumuka, na dizulu beto kele na inzo Tata Nzambi tungaka, ya kele inzo tunguaka na diboko ya muntu ve. ² Mpe beto kena kuvumuna na inzo yina ya ngoto, kansi beto kele na nsatu ya kuvuata inzo na beto ya kizulu, ³ kana ba me mona beto ya kuvuata kansi kimpene ve. ⁴ Samu, na ntangu beto kele na inzo yina ya ngoto, beto kena kuvumuna na bizitu, samu beto zola kuvula ve, kansi kuvuata, samu yina ya mfuilu ya minua na yina ya moyo. ⁵ Mpe yina fuanisaka beto na yau, kele Tata Nzambi, yandi pesaka beto bidimbu ya kimpeve. ⁶ Ntangu nionso beto kele kaka ya kusiama na lukuikilu, mpe beto me zaba ti na kuvuanda na nzutu yayi, beto kele ya kutatuka na Mfumu, ⁷ samu beto kena kutambula na kiminu kansi na mbueno ve, ⁸ mutindu yina beto kele ya kusiama na kiminu, mpe nsatu kele ti beto katuka na nzutu yayi samuna kuvuanda kisika mosi na Mfumu. ⁹ Yau yina beto kena kusala ngolo samuna kuyangidika Mfumu, ata beto kena kuzinga ntete na nzutu yayi, ata beto me katuka na yau. ¹⁰ Samu beto nionso fueti sambusua na mbazi a nkanu ya Klisto, samu konso muntu baka nsendo na mambote to na imbi yandi salaka ntangu yandi vuandaka na nzutu na yandi. ¹¹ Lokola beto me zaba kivumi ya Mfumu, beto kena kuleba bantu; kansi Tata Nzambi me zaba beto, mpe me tula kivuvu ti na kimuntu na beno, beno me zaba beto mpe. ¹² Beto kena kukimonisa na ntadisi na beno diaka ve; kansi beto kena kupesa beno diluaku ya kukisika samuna diambu me tadila beto, samu beno lenda pesa mvutu na ba yina ke kukisikaka na bima ke monikaka, kansi na bima kele na ntima ve. ¹³ Na yau, kana mu kele na diela ya kusungama ve, ya kele samuna Tata Nzambi; kana mu kele na diela ya kusungama, ya kele samuna beno. ¹⁴ Samu luzolo ya Klisto kena kunata beto nsualu, samu dibanza na beto kele ti, kana muntu mosi fuilaka bantu nionso, yau yina bau nionso masaka kufua; ¹⁵ mpe yandi fuilaka bantu nionso, ba yina kele moyo ba vuanda na luzingu na bau mosi ve, kansi samuna yandi fuilaka mpe futumukaka samuna bau. ¹⁶ Na yau, kubanda bubu yayi, beto zaba buntu ve mutindu yandi vuandilaka na kinsuni; bosi kana beto zabaka Klisto na nzutu ya kinsuni, na ntangu yayi beto zabidila yandi diaka mutindu yina ve. ¹⁷ Kana muntu kele na Klisto, yandi kele nsemono ya impa. Mambu ya ntama me masa luta; tala; mambu nionso me kituka ya impa. ¹⁸ Mpe nionso yina ke katukaka na Tata Nzambi, yayi wizisaka beto na yandi mosi na nzila ya Klisto, mpe yandi pesaka beto kisielo ya kuwizisa. ¹⁹ Samu Tata Nzambi vuandaka kati na Klisto, yandi wizisaka inza na yandi mosi, yandi tangilaka bantu masumu na bau ve, mpe yandi tulaka kati na beto mambu ya kuwizisa. ²⁰ Beto kena kusala kisalu ya ba ntumua samuna Klisto, bonso tata Nzambi vuandaka bombidila na nzila na beto; na nkumbu ya Klisto beto kena kuleba beno: Beno wizana na tata Nzambi! ²¹ Yandi yayi zabaka disumu ve, yandi kituluaka disumu samuna beto, samu beto kituka lunungu ya Tata Nzambi kati na yandi.