¹ Yau yina, na ntangu beto kena kisielo na nkenda ba fuilaka beto, beto lemba ve. ² Beto kena kulosa mambu ya nsoni ke salamaka na kinsueki, beto kele na nduatulu ya bunkta ve, mpe beto ke balusaka mambu ya Tata Nzambi ve. Kansi na muangisaka tseleka, beto kena kukimonisa kansansa ya kimuntu na ntuala Tata Nzambi. ³ Kana Masonukua na beto kele ya kufukua, ya kele ya kufukua samuna ba yina kena kufukila; ⁴ samuna bantu ya kudimbula kiminu yayi nzambi ya ntangu yayi kufuaka meso ya diela na bau, samu ba mona kukienzuka ya kukia na Masonukua ya nkambo ya Klisto ve, yandi yayi kele kifuani ya Tata nzambi. ⁵ Beto kena kukilonga beto mosi ve; kansi Mfumu Yesu Klisto nde beto kena kulonga, mpe beto kena kutuba beto bisadi samuna Yesu. ⁶ Samu Tata Nzambi tubaka: kukia ke kienzula kitombe! kukia kena kukienzula ba ntima na beto samuna kukienzula nzayilu ya nkembo ya Tata Nzambi na ntuala ya Klisto. ⁷ Beto kena kunata kima yina ya ntalu na biwumbua ya ntoto, samu ti beto pesa kilendo yina ya nene na Tata Nzambi, kansi na beto ve. ⁸ Na mambu nionso, beto kena kufietukusua, kansi ba kena kusukisa beto ti na nsuka ve; na kati ya malema, kansi beto kena kukondua kivuvu ve; ⁹ ba kulunguaka beto kuama, ba bembulaka beto, ba bulaka beto, kansi ba kufuaka beto ve; ¹⁰ ntangu nionso beto kena kunata kaka na nzutu na beto lufua ya Yesu, samu ti moyo ya Yesu monana mpe na nzutu na beto. ¹¹ Samu beto kele moyo, ba kena kuyekula beto ntangu nionso na lufua samuna yesu, samu ti moyo ya Yesu monika na kati ya nzutu a lufua. ¹² Na yau, lufua kena kusala kati ba beto, mpe moyo kena kusala na beno. ¹³ Mpe lokola beto kele mpeve mosi ya kiminu, yayi salaka na mambu kele na Masonukua: mu tulaka kiminu, Yau yina mu tubaka! beto mpe beto kena kutula kiminu, yau yina beto kena kutuba, ¹⁴ beno zaba ti yina fulukisaka Mfumu Yesu, ke fulukisa beto mpe kintuadi na Yesu, yandi ke monikisa beto kintuadi na bau na ntadisi na yandi. ¹⁵ Samu nionso yina ke kuizaka ke katukaka na beno, samu ti ntangu nlemvo kena kunieka, ya fulusa matondo ya bantu mingi samuna nkembo ya Tata Nzambi. ¹⁶ Yau yina beto beba ve. Mpe na ntangu muntu na beto ya nganda me fukila, muntu na beto ya kati ke kitukaka ya impa konso kimumbu. ¹⁷ Samu ba mpasi ya ngolo kele ve na beto, ya fi ntangu ntangu kuandi, me tukisaka nkembo me luta kitezo ya ba mvula na ba mvula samuna beto, ¹⁸ samu beto kena kutala ve bima ke monikaka, kansi yina ke monikaka ve; samu bima ke monikaka ke lutaka, mpe yina ke monikaka ve ke ya ba mvula na ba mbula.