¹ Munu Paulu, kena kuleba beno, na nlembami mpe na mambote ya Klisto, mu ke kikululaka ntangu mu kele na beno, kansi mu kele kibakala ntangu me tatukila na beno, ² me lomba na beno, ntangu mu ke vuanda vana, beno tatimisa munu ve na kuvutukila kibakala yayi na kivuvu, yina mu fueti sala na ba yankaka kena kutala beto ke kanisaka ti beto ke tambulaka bonso kele nsuni. ³ Kana beto kena kutambula na nsuni, beto ke nuanaka mutindu kele kinsunu ve. ⁴ Samu binuaninu beto ke nuaninaka kele ya kinsuni ve; kansi ya kele na kilendo ya Tata Nzambi, samuna kutulula ba inzo ya kusiama. ⁵ Beto kene kutulula ba ngindu mpe nionso ya inda ke tediminaka nzayilu ya Tata Nzambi, mpe beto kena kusingika mabanza nionso na kutumamina Klisto. ⁶ Beto kele ya kukubama na ku pesa kitumbu na kukolama nionso; ntangu kutumama na beno ke lunga. ⁷ Beno ke talaka yina ke monikaka! Kana muntu ke kitudilaka kivuvu ti yandi kele ya Klisto, bika yandi tuba kati na yandi mosi, lokola yandi kele ya Klisto, beto mpe beto kele ya Klisto. ⁸ Mpe ntangu mu ke luta kukiyana na kilendo Mfumu pesaka beto na kutunga beno, kansi samuna ku bebisa beno ve, mu ke monina yau nsoni ve, ⁹ samu beno banza ti mu zola pamuna beno na mikanda na munu. samu ba ketubaka ti mikanda na yandi kele ya nduengoso mpe ya ngolo; ¹⁰ kansi na kumona yandi na meso, yandi kele ya kulebakana mpe mpovolo na yandi kele ya kutondua ve. ¹¹ Bika muntu kena kutuba mutindu yina yandi zaba ti mutindu beto kele na mpovolo na mikanda, na ntangu beto kele ve, mutindu yina mpe beto kele na mavanga na beto, ntangu beto kele vana. ¹² Beto lenda kukifuanisa ve to kukitezikisa ve na ba yankaka kena kukisonga bau mosi. Kansi, na kukitezikisa na kitezolo ya bau mpe na kukifuanikisa na bau mosi, bau kele na nduka ve. ¹³ Samuna beto, beto zola kukiyana ve na nganda ya kitezolo nionso; beto ke baka kitezo yina Tata Nzambi tezilaka beto samuna kukuma na kisika beno vuandaka. ¹⁴ Beto kelutaka bandilu na beto ve, bonso ti beto kuizaka na beno ve; samu beto kuminaka beno na Nsangu ya Mbote ya Klisto. ¹⁵ Ya kele ve ti beto kekukiyanaka kulutila kitezo ya bisalu ya bantu yankaka, kansi na kivuvu ti kiminu na beno kena kubuelama, kena kukula diaka kati na beno mutindu ba zengilaka beto, ¹⁶ mpe kusamuna Nsangu ya Mbote kuluta insi na beno, kukondua kukiyana samuna yina salamaka na nzengolo bakamaka na ba yankaka. ¹⁷ Bika muntu yina kekukiyanaka, yandi kiyana na Mfumu. ¹⁸ Samu muntu yina kele ya kufuana, yandi ke kukimonisaka yandi mosi, mpe Mfumu ke tindaka yandi.