¹ Yisu vo ka kala viokanga, wa mona mpefo ya ngitukulu. ² Alongoki andi a nyuvula : "Nlongi, nani wa vola masumu ma wutukila muana wawu mpofo ? Yandi vo wuti yandi, yi dina ka wutukila mpofo e ? ³ Yisu wa vutula : "Ka muntu mu yau wa vola masumu, ka yandi ko evo se ye ngudi andi, kansi mpasi mavanga ma nzambi ma monika yandi." ⁴ Tu fiti sala ma ndioyo waku mfila lumbu wu kia kidi kia fuku dilueki ye muntu nkutu kalendi diaka sala ko. ⁵ Ntangu yayi mono wu ngina mu nza, mono yi kia kua nza. ⁶ Yisu vo kamana vova momo, ya lobuka mati va ntoto, wa saba nteke mu mati momo ka lobula, ye wa kusa mo meso mandi. ⁷ Ye nkamba : "Wenda wa kisukula ku nto ya silowe (dibangudulu tumunu)." Wonso wowo muntu wa yenda, waki sukula ye wayiza ye meso mambote. ⁸ Akundi andi akala kumonanga weti lomba, avova : "Nga ka yandi ndiayu wu tua kezi monanga wa vuanda ye lomba kue ? ⁹ A nkaka a vova : "I yandi ", A nkaka vo : "Nkatu, kansi nga vo weti ku dedakana." Kansi yandi wa akamba : "I momo kibeni." ¹⁰ Yau a nkamba : "Wawu, we meso maku makitukidi wowe ?" ¹¹ Yandi wa avutudila : "Muntu wena mu nkumbu ya yisu yandi wa lobole mati mandi va ntoto ye wakusa mo mu meso mame, ye wu nkembi : "Ngiena yobila kuna nto ya Silowe." Yi wowo ngia yele ye vangadio musukula meso ye mbueni." ¹² Yau anyuvula : "Kue kena?". Yandi wa vutula : "Kizeyi ko." ¹³ Yau anata muntu ndioyo wakala mpofo kua Afalisi. ¹⁴ Kiongolo kiau kia kala lumbu kia saba lumbu kia kela lembua saluanga kua Ayudayo ye Afalisi yi kiokio yisu ka sobila nteke mu mati mandi ye kusa mo mu meso ma mpofo ye ka muesa. ¹⁵ Kuna kua Afalisi a nyuvula diak nkumbu mosi mu toma zaya wonso we ka muesisila, yandi wa a vutula vo : "Nteke ka kusidi mu meso mame, nsukudi mo, ye wawu ngieti mona." ¹⁶ Afalisi ankaka a vova : "Muntu ndioyo katukidi kua nzambi ko kadi ka zitisi lumbu kiaki ke lembua salanga ko." Ankaka mu yau avova : "We nsumuki ka fiti lenda vangila mambu ma mpila yoyo ya kimangu?" Nkaya nanu ya kota mu yau ye yau. ¹⁷ Yau a vova diaka kua muntu ndioyo, wakala mpofo vo : "Nki weti vova mu yandi, kadi yandi wuka zibudi meso ye ku muesa ?" Muntu wa vutula "Yandi yi mbikudi." ¹⁸ Kansi a falisi ka zola dio kuikila ko vo yandi kezi mpofo ye wawu weti mona. Yau abokidisa se ye ngudi andi. ¹⁹ A ayuvula : "Nga wawu yi muan'eno wu nua kezi kambanga vo watuka ye meso mafue ? We kuani wawu kienina vo se weti mona ?" ²⁰ Wuti yandi avutula : "Tu tomene zaya vo wawu yi muan'eto ye yandi wa wutuka ye meso mafua, ²¹ We keti muena wawu, yeto mpe katu zeyi ko, ye vo nani wu muesese mu ku nzibula meso. Nu nyuvula; yandi wena wa kula ye lenda kunu dio kamba yandi mosi. ²² Wuti yandi a vovila mpila yoyo kadi akala monanga wonga wa ayudayo. Kadi ayudayo a kikanina zoma ye vayikisa mu kinlongo wonso wonso wuna vo yisu yi klisto. ²³ Mu diambu diodio, se ye ngudi andi wa vutudila vo : "Wena wa luka, nu nyuvula yandi kubeni." ²⁴ Diaka mu nkumbu ya nkaka, abokila muntu wowo wa teka kala mpofo ye anyuvula : "Vutula nkembo kua nzambi. Tu zeyi vo muntu ndioyo yi sumuki." ²⁵ Ye muntu ndioyo wa vutula : "Mono kizeyi wo ko vo yandi wena nsumuki vo nkatu. Nzeyi kaka diambu dimosi, mono ngia kezi mpofo, ye wawu ngieti mona." ²⁶ Mbosi a nkamba : "Nki kaku vengi ? we ka ku zibudidi meso ?" ²⁷ Yandi wa vutula : "Mbe mono nginu kembi wo ntama kansi yeno kanu zolele wo wa ko ! Bila nki nu zolele wo wila diaka ? Nga yeno mpe nu zolele kituka alongoki andi e ? yi diodio nu zolele ?" ²⁸ Yau a mfinga ye ankamba : "Yeno nuena alongoki andi, kansi yeto tu alongoki a Mose, kansi ka tueti zaya ko nduayu kue katukidi." ²⁹ Yeto tuzeyi vo nzambi wa vova kua Mose, kansi katu zeyi ko vo nduayu keu katukidi." ³⁰ Muntu ndioyo wa avutula : "Ngitukulu vo yeno kanu zeyi ku ka tukidi ko. Kansi tu yandi wumbuesese. ³¹ Yeto tuzeyi vo nzambi ka wilanga a nku masumu ko; Kansi vo muntu wena wa kuikama ye weti vovanga luzolo luandi, wuku wilanga. ³² Tuka muna mbadukulu a nza, ka tua wilu evo mona ko vo muntu zibudi meso mu muntu wa wutuka ye meso ma fua. ³³ Vo muntu wowo kena wa nzambi ko, kalendi vanga widi dimosi ko. ³⁴ Yau a mvutudila : "Ngeye wa wutukila mu masumu, ye zolele kutu longe ?" Mbosi yau anlundumuna ku mbazi. ³⁵ Yisu, vo kawa mo vo a nzoma mu kilongo. Yandi wa mona ye wa nkamba : "Ngeye wu kuikilanga mu muana muntu e ?" ³⁶ Yandi wa vutula : "Nani kena mfumu mpasi ka kuikila ma yandi ?" ³⁷ Yisu wa nkamba : "Ngeye wu mueni ye yi yandi nueti vovana." ³⁸ Muntu wa nkamba : "Mfumu, mono nkuikidi." Ye wa nsambila. ³⁹ Yisu wa nkamba : "Yi mu diambu dia mfundusu mosi mono ngia yizidi mu mu nza mpasi vo wowo ena a fua meso a mona, ye wowo a monanga a kituka zi mpofo." ⁴⁰ A falisi ankaka a kala yandi awa mambu momo, ye ankamba : "Nga yeto mpe tuzi mpofue ?" ⁴¹ Yisu wa avutula vo : "Nukala a fua meso, nga kanuna ye masumu ko. Kansi wawu yeno nueti vova vo : "Tueti mona." Kansi masumu meno mena yeno yeno."