v ¹ Kedika mu kedika, ngieti dio kunu kamba, ndioyo ka kotanga mu mpaka va muelo ko, kansi wu kotilanga mu nzila yankaka, muntu ndioyo yi muivi ye tani. ² Kansi ndioyo wu kotilanga va muelo yi mvungi a kamba. ³ Nkendi wu ku nzibudila kielo. Ma meme ma vanga ndinga andi ye wu bokilanga ma meme mandi mu nkumbu zau ye wu vaikisanga mo. ⁴ Vo meni vaikisa ma meme momo mandi, yandi wu vitanga ku ntuala mau ye mau maku nlandanga; kadi ma zeyi ndinga andi. ⁵ Ka malendi landa nzenza ko, kansi nkutu ma fiti ku ntima; Kadi ka mazeyi ndinga ya zi nzenza ko. ⁶ Yisu wa vova kua yau, kansi ka avisa mpova zandi ko mu maka vanga. ⁷ Mbosi yisu wa vova diaka : "Kedika mu kedika, ngieti dio kunu kamba, mono yi kielo kia ma meme. ⁸ Wowo awonsono ayiza ku ntual'ame yau yi mivi ye mintani, kansi ma meme kama wila ndinga au ko. ⁹ Mono yi kielo. Wonso wuna kotila mu momo wuna vuluzua; yandi wuna kota ye vayikila, ye wuna solula titi ya nkunzu. ¹⁰ Muivi wu kuizanga kaka mu lobula, vonda ye fuasa. Mono ngiayizidi mpasi yau abaka moyo ye abaka wo wayingi. ¹¹ Mono yi mvungi wa biza. Mvungi wa biza wu vananga moyo andi kua ma meme mandi. ¹² Kisadi kena mvungi ko ye kavuidi mpe ma meme ko. Yandi lenda mona ngo ye zaudi kuandi ye sala sisa ma meme ye ngo wu bakanga mo ye muangisanga mo. ¹³ Yandi kisadi wu zaulanga kadi yandi yi kisadi kaka ye kena mayindu ko mu mawu. ¹⁴ Momo yi mvungi wa biza. Nzeyi mame meme momo ma mvuidi ye mawu mpe manzeyi. ¹⁵ Se dinzeyi ye mono mpe nzeyi se; Ye ngi vananga moyo ami mu ma meme mame. ¹⁶ Mono ngiena ye ma meme ma nkaka ma kondolo mu mpaka yayi ye mfiti mo nata mpe; ye mawu mena wa ndinga ame mpasi kua kala kamba dimosi ye mvungi mosi. ¹⁷ Yi mu diambu diodio se ka kunzodilanga; mono ngi vananga moyo ame mpasi ya baka wo diaka. ¹⁸ Ka muntu ko lenda wo ku nziona, kansi ngi vananga wo mono mosi. Mono ngiena ye lendo kia wo vana ye wa tambula wo diaka. Mono yi tata wa mpana wo. ¹⁹ Mpambani ya kota diaka va kati kua yau ye yau ayudayo mu diambu dia mambu momo. ²⁰ Ayingi va kat kua yau a vova : "Yandi wena ye mpeve za satana ye ntu andi ka weti toma sala ko. Bilanki nu fiti kama wila mambu mandi ?" ²¹ A nkaka a vova : "Momo ka mabanza ma muntu wena wa yalua kua mpeve za satana ko. Nga satana lenda zibula meso ma mpofu ?" ²² Mbosi nkembo wa mbambukulu a moyo wa mbiekolo ya kilongo ku yelusalemi wa finama. ²³ Nkembo wowo wa kala kalanga mu sivu ye yisu wa zieta muna kinlongo, ku ndambu ya minsampa ma Salomo. ²⁴ Ayudayo a nzungidila ye amvovisa : "Nate ye nkie ntangu ngeye wuna kutu katula keti keti ? Vo ngeye yi klisto, wu tu kamba dio va yuti." ²⁵ Yisu wa vutula : "Mono ngieti dio kunu kamba kansi yeno ka nueti dio kuikila ko. Mavanga ma ngi vanganga ngi vanganga mo mu nkumbu a se mawu ma tanga kimbangi mu mono. ²⁶ Ye yeno ka nueti kuikila ko kadi ka nuena ma meme mame ko. ²⁷ Ma meme mame ma wanga ndinga ame. Mono nzeyi mo ye mau mpe ma kundandanga. ²⁸ Mono ngi ku avananga moyo wa mvu ya mvu ka mena fua ko ye ka vena muntu mpe ko lenda mo ku nziona mu moko mame. ²⁹ Se dia me wa mpana mo yandi lutidi mu nene ye antu ankaka ye ka venani muntu lenda mo ziona mu moko mame ma se diame ko. ³⁰ Mono ye tata, tuena muntu mosi. ³¹ Mbosi, ayudayo atota diaka matadi mu zola ku nzuka. ³² Yisu wa avutula : "Mono ngia nu songele mavanga ma mbote ma se diame. Mu nkie vanga diodio nu zolele ku nzukila matadi di mpengi e ?" ³³ Ayudayo a mvutudila : "Kayi muna mavanga mambote ko tueti zola ku zikila matadi, kansi mu diambu dia tia ka; kadi ngeye, wu muntu, weti kukibaka wonso wu nzambi." ³⁴ Yisu wa avutudila : "Nga ka diena diasonama mu nsiku mieno ko vo : Nkembi dio vo yeno yi zi nzambi za fioti ?" ³⁵ Vo yandi wa abokidila yi nzambi nzambi, kua nani mambu ma nzambi ma yiza (Ye ka melandi kutulua ko). ³⁶ We nulendi vova mpe kua ndioyo endu se ka bieka nlongo ye ka fila mu nza : "Ngeye weti tiaka", kadi mono mpovele : "Mono ngiena muana nzambi ?" ³⁷ Vo kisalanga mavanga ma se diame ko, ye ka nueti ku nkuikila ko. ³⁸ Kansi vo ngi sadilanga ma yevo nkutu ka nuzolele ku nkuikila ko, nu kuikila kani mu mavanga; mpasi nua zaya ye visa vo se wena mu mono ye mono ngiena mu se. ³⁹ Yau a zola diaka buila yisu, kansi yandi wa siunuka mu moko mau. ⁴⁰ Diaka yisu wa yenda ku Yolodani, wa vana fulu kiokio yowani kakala vuangilanga antu, ye wa kunda vana. ⁴¹ Antu ayingi a yiza muku nkamba : "Yowani ka songa mangu ko, kansi mamo maka vova mu muntu wawu mena ma kedika." ⁴² Ye ayingi a kuikila mu yisu va fulu kina.