¹ Vakala muntu mosi, wakala mu nkumbu ya Lazalo, yandi wa kala ye kimbevo. Yandi wa kala muisi Betani, yi vata dia Malia ye Malata, yi busi kiandi. ² Lazalo wa kala mpangi ya malia, ndioyo wa kusa mazi mansunga kua mfumu yisu, ye wa kunguna malu mandi mu nsuki zandi. ³ Mpangi za zole za ankento a fila ntumua kua yisu vo : "mfumu, tala endu ngeye wu zolanga wena kimbevo." ⁴ Yisu, vo kawa wo, wa vova : "Kimbevo kiandi kiokio ka kina ku nata ku lufua ko, kansi yi mu nkembo a nzambi mpasi vo muana nzambi ka kembusua." ⁵ Yisu wazola Malata, ye busi kiandi ye nkazi au Lazalo mpe. ⁶ Yisu vo ka wa vo, lazalo wena kimbevo, yandi wa kala kuna lumbu yole tekila mu kuenda ku ka bokudulua. ⁷ Kunima diodio, yandi wa vova kua anlongoki : "Tuvutuka ku yuda." ⁸ Alongoki a nkamba : "Nlongi, yi ntangu yau ayudayo azolanga ku zuka matadi, ye zolele diaka vutuka kune ?" ⁹ Yisu wa vutula : "Nga lumbu ka kiena kumi ye zole dia ntangu ya kia kue ?" Vo muntu weti diata mu muini, kalendi ta sakuba ko, kadi yandi weti toma kia kua nza." ¹⁰ Muanki vo yandi weti diata mu fuku, yandi lenda ta sakuba kia ka kuena mu yandi ko." ¹¹ Vo kamana vova momo, yandi wa kudikila : "Nkundi eto lazalo lele tulu, momo ngieti kuenda mpasi ngia nsikimisa ki tulu." ¹² A longoki a nkamba diaka : "Mfumu, vo yandi lele, sika sima kuandi yandi mosi." ¹³ Yisu, yandi wa vovila lufua lua lazalo kansi yau abanzilanga vo yandi wa vovila mu tulu tua mvundulu. ¹⁴ Yisu, wa akamba va ntenda nkongolo : "Lazalo wa fuidi." ¹⁵ Mono ngieti yangalala mu diambu dieno kadi ki wanukini kuna ko, mpasi vo yeno nua kuikila. Wawu, tuendeno ! ¹⁶ Tomasi, endu wa bokudulua Didime, yandi wa kamba kua alongoki ankaka : "Tuendeno yeto mpe kuna vo fua tua fua yandi." ¹⁷ Ntangu yisu kaluaka, wa wa vo lazalo wa meni lungisa ntama lumbu bi ya mu ndiamu tuka kazikulua. ¹⁸ Betani diakala lukufi ye yelusalemi, mu tezo kia lumbu ka kua Kilometa tatu. ¹⁹ Ayudayo ayingi ayiza tala Malata ye madia afuilua nkazi muku a siamisa mu diambu dia mfuilua a mpangi au. ²⁰ Ntangu Malata kawa vo yisu weti kuiza, yandi wayenda ku nkika mu nzila, kansi Malia wa vuanda kuna nzo. ²¹ Malata wa kamba kua yisu : "Mfumu, vo ngeye wa wanuka vava, nga mpangi ame ka fuidi ko." ²² Yevo wawu, mono nzeyi vo dionso disulombakua nzambi, yandi seka dio kuvangila." ²³ Yisu wa nkamba : "Mpangi aku seka fuluka." ²⁴ Malata wa nkamba : "Mono nzeyi wuna fuluka mu lumbu kia mfulukulu kia zimunina." ²⁵ Yisu wa mvutula : "Mono yi mfulukulu ye moyo; wonso lekele minu mu mono wuna zinga yevo nkutu yandi fuidi; ²⁶ Ye wonso wena moyo ye kuikidi mu mono kena fua ko. Nge kuikidi ko. ²⁷ Yandi wa vutula : "Inga mfumu, mono nzeyi vo ngeye i klisto, muana nzambi endu wena kuiza mu nza." ²⁸ Vo kamana vova momo, yandi wa vutuka ye wa bokila va ndambu Malia, mpangi andi ya nkento. Ye wa nkamba ;"Nlongi, wena vava." ²⁹ Vo kamana mo wa, yandi wa telama nsualu ye wa yenda kua yandi. ³⁰ Yisu ka kikotila nkutu mu vata ko kadi yandi wa kala kaka vana fulu kiokio Malata ka yenda ku nkikila. ³¹ A yudayo wowo akala yandi muna nzo ayiza kunsiamisa, amona vo Malia wa telama ye wa vaika ku mbazi mu zawula, anlanda kadi yau abanza vo yandi wela diaka ku ndiamu mu kuele dila. ³² Ntangu Malia kaluaka vakala yisu, yandi wa mona, wa bua va malu mandi ye wa vova : "Mfumu, vo ngeye wa wanuka vava, mpangi ame nga ka fuidi ko." ³³ Yisu vo kamona vo weti dila, yandi wa bua kingongo ye ngingu za vinzuka. ³⁴ Yandi wa yuvula :"Kue nua ntudidi ?" yau avova : "Mfumu, wiza ye mona." ³⁵ Yisu wa dila. ³⁶ Yi mbosi ayudayo a vova : "Tala wonso wu kaku nzodila !" ³⁷ Kansi ankaka mu yau avova : "Muntu ndiayu wa zibula meso ma mpofo, nga kalendi sala ko vo ndiau fuidi ka fuluke ?" ³⁸ Yisu, kina vo wakala ye kingongo, wa yenda ku ndiamu. Yau ya kala va luka, ye ya kangulua mu tadi. ³⁹ Mbosi yisu wa vova : "Nu katula tadi !". Malata mpangi ya nkento ya malia ye busi kia lazalo, ndioyo wa fua, wa vova kua yisu : "Mfumu, mu wawu, nitu andi ya meni wola, kadi yandi wa fuidi ye lumbu kiaki yi kia nya." ⁴⁰ Yandi wa nkamba : "Mono, yandi kikunkembi ko vo kuikidi, ngeye si wa mona nkembo wa nzambi." ⁴¹ Mbosi akatula tadi. Yisu wa sendulu meso ku zulu ye wa vova : "Tata, ngiku tondele kadi ngeye wu nguilulu." ⁴² Mono nzeyi vo ngeye wuku ngua kaka, kansi yi mu diambu dia ndonga yayi yi nzungididi ngieti vingila momo, mpasi a kuikila vo yi ngeye wa mfidisa." ⁴³ Vo kamana vova momo, yandi wa boka mu ndinga ya ngolo : "Lazalo, vaika !" ⁴⁴ Muntu wa fua wa vaika wa moyo; moko ye malu mau mazingua kua minlele . Mbosi yisu wa vova : "Nu nzibula, ye lunyambula kenda !" ^{45 46} Vo kamana vova momo, yandi wa boka mu ndinga ya ngolo : "Lazalo, vaika !" Muntu wa fua wa vaika wa moyo; moko ye malu mau mazingua kua minlele . Mbosi yisu wa vova : "Nu nzibula, ye lunyambula kenda !" ⁴⁷ Munzila yoyo ngudi za nganga ye afalisi abokidisa vuandu ye avova : "Nki tu fiti vanga ? Muntu ndiayu weti sala mangu ya yingi ?" ⁴⁸ Tua mona kunyambula mpila yoyo, awonsono se aku nkuikila; ye isi loma si iza ye baka fulu yeto ye nsi eto." ⁴⁹ Muanki, muntu mosi wakala muna wa yakala ye nkumbu andi ya kayafa i yandi wakala nkuluntu a zingudi za nganga mvu wuna, wa akamba : "Yeno na nuzeyi widi diambu dimosi ko." ⁵⁰ Yeno kanu zeyi kue vo dilutidi mbote vo muntu mosi ka fiti fuila nkangu wawo, mpasi vo sika yi bungani ko. ⁵¹ Kansi ka vova momo muyandi kibeni ko; muanki, kina vo yandi wakala mbuta angudi zanganga za mvu wuna , yandi wa bikula vo yisu ka fiti fua mu diamb dia nsi; ⁵² Ye ka mu diambu dia nsi kaka ko, kansi mpasi vo ana a nzambi wowo ena a kubama ayonzukua mu muntu mosi. ⁵³ Ye tuka mu lumbu kina, a kubika wonso we afiti bakila yisu. ⁵⁴ Yisu kazietila diaka mu meso ma ayudayo ko, kansi ye mu diodio wa yenda ku nsi ya kala lukufi ye nsi ya nkatu mu mbanza ya bokudulua Efalayimi. Yikuma ka vuanda ye nlingoki miandi. ⁵⁵ Nkembo wa ba yudayo wa pasa wa kala lukufi, antu ayingi a tombuka ku yelusalemi atuka ndambu ye ndambu tekila nkembo mu kuki vedisa. ⁵⁶ Yau atomba yisu, ye ayuvasana yau ye yau kuna kinlongo ku akala; "We nueti banzila ? Wena kena kuiza ku nkembo kue ?" ⁵⁷ Ngudi Zanganga ye afalisi a vana nsikudusu vo muntu wuna zaya ku kena, a fiti wo ku akamba mpasi ambaka.