¹ Lumbu sambanu tekila nkinzi wa paki, yisu wa yiza ku Betani koko kua kala lazalo nduka ka fulukisa mu ba fua. ² A mvana yuma, Malata yandi wakala ku bikanga ndilu ye lazalo wa kala va kati dia antu akala dianga vana meza ye yisu. ³ Ye malia wa bonga ndambu a mazi mansunga ma ntalu, wa bukula mo mu malu ma yisu, ye wakunguna malu ma yisu mu nsuki zandi. Nzo ya tambakana kua nsunga ya mazi. ⁴ Yuda Isikalioti, mosi mu nlongoki miandi, ndioyo wa yekula yisu, wa vova : ⁵ "Bilanki mu lembua teka kuandi mazi momo mu ntalu ya maku ma tatu ma vanza ye vana mbongo zozo kua amputu ?" ⁶ Yandi wa vova mambu momo kasa ko vo diambu dia wa kala nsatu mu sadisa a mputu, kansi yandi wa kala muivi : yandi wakala lundanga nkela mbongo mu kinsueki wonso ntalu ka zolele bonga muna. ⁷ Yisu wa nkamba : "Wunyambula kimpuanza. Yandi vengi diadi mu diambu dia maka fiti vanga lumbu kia mfuilu ami." ⁸ Yi fuafua, yina kalanga yeno lumbu yayo, kansi mono, kina kala yeno lumbu yayo ko." ⁹ Wawu, kabu diayingi dia ayudayo awa vo yisu wa kala kuna ye ayenda; ka diambu dia yisu kaka ko, kansi yi mona lazalo wa fulukusua mu bafua. ¹⁰ Ngudi zanganga za wawana mu vonda lazalo. ¹¹ Kadi yi mu diambu dia ya kabu dia yingi dia ba yudayo asala kuba sisa mu kuikila yisu. ¹² Lumbu kia landa, ndonga yayingi ya yiza ku nkembo. Wa vo yisu weti kuiza ku nkembo ku yelusalemi, ¹³ Yau abaka mandala; avaika mu mbanza mu kuele kukika ye abaka mu ndinga ya yinene : "Nkembo kua endu weti kuiza mu nkumbu ya mfumu, ntinu wa yisaeli." ¹⁴ Yisu wa baka muana mpunda ye wa tenta va zulu a wawu; wonso wa sonama : ¹⁵ "Ku moni wonga ko wu muana nkento wa sioni; tala, ntinu aku lueki, wa tentama va zulu a muana mpunda." ¹⁶ A longoki andi a vita bakusa mambu momo ko ku ntonono, kansi yisu vo ka kembusua, abambuka moyo vo mambu momo ma sonukua mu diambu diandi ye momo ma vangulua. ¹⁷ Ye nkangu wowo wa wanuka va bokidila yisu lazalo ku ndiamu ye wamfulukisa mu ba fua, wa ta kimbangi kua ankaka. ¹⁸ Yi mu diambu diodio ndonga ya vaika muku kika, kadi yau awa vo yandi wa vanga dimbu kiokio. ¹⁹ A falisi a vova sana yau ye yau : "Nu tala ka nu lendi vanga diambu ko; Tala, nkangu wawo weti ku nlanda." ²⁰ Mu bau mua monika mpe isi geleki atombuka mu kembila ku nkembo wowo. ²¹ Yau ayenda luakila kuna nzo ya Filipo endu wakala muisi Betesayida ku ngalili ye anyuvula : "Muene, yeto yuzolele mona yisu." ²² Filipo wa yenda wo kamba kua Andele; Andele ayenda ye Filipo ye akamba kua yisu. ²³ Yisu wa avutudila : "Ntangu yi fueni mpasi vo muana muntu ka kembusua." ²⁴ Kedika, mu kedika, momo andi nginu vovele, wana vo nginga ya zangi kayi sotuki va ntoto ye ya fua ko, siya kala nginga mosi, Kansi vo yi fuidi, yau siya wuta mbutu mayingi. ²⁵ Wonso wu zolanga moyo andi fidisi wo, kansi ndioyo wu belanga moyo andi wa nza yayi wu lundanga wo mu moyo wa mvu ya mvu. ²⁶ Vo muntu zolele ku nsadila bika kandanda; ye vana va ngiena, yi vana mpe vena kala yisadi yame. Vo muntu weti kunsadila, se wuna kunkembisa. ²⁷ Muel'ame weti kuama mu ntangu yayi : Nki ndenda vanga ? "Tata, wunsadisa mu ntangu yayi ya mpasi ? Kansi yi mu ntangu yayi ya mpasi mpe ngiayizidi." ²⁸ Tata, kembisa nkumbu aku. Ndinga ya vaika mu zulu : "Mono ngi kembese, ye ngieti ku nkembisa diaka." ²⁹ Dialenda, kangu wa kala va ndambu yau mpe a wa dio a vova vo ndinga yoyo ya kala wonso ndumu wa mbandunu. A nkaka a vova : "Mbasi yi vovele ye yandi." ³⁰ Yisu wa vutula ye wa vova : "Ndinga yoyo kayizidi mu diambu dia mono ko, kansi kua yeno." ³¹ Wawu yi mfundusu ya nza : Wawu, ntinu wa nza yayi seka zomua. ³² Ye mono, ngia tombulua va ntoto, mono ngina tunta awantu awo kua mono. ³³ Yandi wa vova, mono sungula mpila lufua lukena fuila. ³⁴ Nkangu wa mvutula : "Yeto tua wa mu nsiku vo yisu wuna zinga mu mvu ya mvu. We lenda kamba : "Muana muntu wuna zangulua va ntoto ? Nani yi muana wa muntu wowo ?" ³⁵ Yisu wa akamba : "kia kua kidi ntete yeno kansi tuka ntangu ya nda ko. Indiata wawu nua kidi ye kia mpasi vo tombe kakunu buidi ko. Endu wu diatanga mu tombe kazayanga ku keti kuenda ko. ³⁶ Wawu nua kidi ye kia, nu kuikila ana a kia. Yisu wa vova mambu mama ye yimbosi, wenda suama nseke ye yau. ³⁷ Mpeleko yisu wasala dimbu ya yingi va ntadisi au, kansi ka akuikila ko mu yandi. ³⁸ Wonso mambu ma mbikudi yesaya malungana, wonso wu kamba dio : "Mfumu, mama wa kuikila nsamu eto ?" kua nani koko kua mfumu kua kala kuna bayikusua." ³⁹ Mu diambu diodio, alenda kuikila ko kadi yesaya wa vova : ⁴⁰ yandi wa vonda meso, ye wabadisa ntima miau; ye yau ena mona mu mau meso ye ena tatamana mu ntima miau, ye yau ena vutuka, ye ngina ku aniakisa. ⁴¹ Yesaya wa vova mambu mama kadi wa mona nkembo wa yisu ye wa vovila mu yandi. ⁴² Diodio, mfumu za zingi za kuikila mu yesu; Kansi mu diambu dia a falisi, ka antambudila ko mpasi a lembua zomua mu nzo za tukutakanu. ⁴³ Yau luta azola nzitusu wa tuka kua antu beni kansi ka tuka kua nzambi ko. ⁴⁴ Yisu wa boka ye wa vova : "Ndioyo wuna ku nkuikila, kena kuikila kaka mu mono ko kansi kua ndioyo wa mfidisa mpe. ⁴⁵ Ye ndioyo wu mbueni yandi mueni wa mfidisa. ⁴⁶ Mono ngia yiza wonso kia mu nza mpasi wonso wuna kuikila mu mono kalendi sikila mu tombe ko. ⁴⁷ Vo muntu wilu mambu mame kansi kalundi mo ko, kina ku mfundisa ko; kadi mono ngia yizidi, ka mu fundisa nza ko, kansi mu vuluza nza. ⁴⁸ Konso wuna ndosa ye lembua tambula mambu mame kua wuna ku mfidisa : Yi mambu ma ngia vova mena ku mfundisa mu lumbu kia nsuka. ⁴⁹ Kadi kia vovila mu luame luzolo ko. Ye diaka, yi se wa mfila, wampana luve mu momo ma fiti kamba ye nu fiti vova. ⁵⁰ Nzeyi vo ntumunu andi yi moyo wa mvu ya mvu; wonso wowo, mambu ma ngi vovanga, ngi vovanga mo wonso se ka nkambila mo, yi wowo ngi sadilanga.