¹ Muna nsuka nsuka mu lumbu kia ntete kia lumingu, kuma wa kidi ntete tombe, Malia muisi Mangadala wa yenda kuna ndiamu ye yandi wa mona vo tadi dia kala vana muelo wa ndiamu dia nengumunua ² Mudiodio, yandi wa zula ye wa yenda kua Simoni Petelo ye nlongoki wowo wa nkaka wa kala zoluanga kua yisu, ye yandi wa akamba vo : "A katudi mfumu muna ndiamu, ye katuzeyi ko vo kue antudidi." ³ Mbosi, Petelo ye nlongoki wowo wa nkaka avaika ye ayenda ku ndiamu. ⁴ Yau dia wole azaula va mosi; kansi nlongoki wowo wu mosi wa luta zaula ntinu ye petelo ye wa luaka wa ntete kuna ndiamu. ⁵ Ye wayizama ye ntula muna kati kua ndiamu; yandi wa mona nlele mia lino mia kala vana ntoto, kansi ka kota muna kati kua ndiamu ko. ⁶ Simoni Petelo wa zimunina mu luaka ye yandi ye wa kota muna kati kia ndiamu. Yandi mpe wa mona vo nlele mia lino mia kala vana ntoto, kansi ka kota muna kati kua ndiamu ko. ⁷ Ye nlele miomio anzinga ku ntu. Nlele miomio ka mia kala va kimosi ye miomio mia lino ko kansi mia zingua ye mia tulua va nkaka. ⁸ Mbosi, nlongoki wowo wa nkaka, endu wa luaka wa ntete kuna ndiamu yandi mpe wa kota muna ndiamu; yandi wa mona ye wa kuikila. ⁹ Kadi nate ye ntangua yina yau kazaya masonukua manlongo ko vo yisu ka fiti fuluka mu ba fua. ¹⁰ Minlongoki mia vutuka muntu muntu mu zi nzo zau. ¹¹ Kansi, Malia wa telama vana ndambu ye ndiamu ya ndiamu ye wa dila. Mu ntangu ka kala dilanga, yandi wa yinama ye wa tala muna ndiamu. ¹² Yandi wa mona mbasi zole za vuata nlele mia mpembe avuanda muna ndiamu, wa nkaka wa kala ntu ye wa nkaka ku yanda malu vana fulu kiokio kia kala nitu a yisu. ¹³ Yau ankamba : "Nkembo bila nki weti didila ?" yandi wa ankamba vo : "Diambu dia a neti nitu a mfumu, ye mono kizeyi ko kue aneti ye a ntudidi." ¹⁴ Vo kamana vana momo, wa banguka ye mona yisu wa telama, kansi kazaya ko vo yi yandi yisu. ¹⁵ Yisu wa vova kua yandi : "Nkento, nki weti didila ?" Nani weti tomba ?" yandi wa banza vo ma nkengi a zi ndiamu, mu diodio yandi wa vova kua yandi : "Mfumu, vo ngeye wu nkatudi, wu nkamba kue wuntudidi ye si ngienda ku mbaka." ¹⁶ Yisu wa nkamba : "Malia" yandi wa bangumuka ye wa nkamba mu ndinga ya ki Alimaye : "Labuni !" dibangudulu vo "Nlongi." ¹⁷ Yisu wa nkamba : "Ku simbi ko, kadi kia tombokeleti ko kua se; kansi wenda kua mpangi zame ye wunkamba vo mono si ya tumbuka kua se diame yi se dieno mpe, nzambi ame yi nzambi eno mpe." ¹⁸ Malia muisi Mangadala wa yenda ye wa kamba wo kua minlongoki : "Momo mbueni mfumu," ye yandi wu nkembi mambu. ¹⁹ Nkokila vo ya bua ya lumbu kina, mu lumbu kia ntete ma lumingu, ye mielo mia vuma kia kala minlongoki mia kangama mu diambu dia wonga wa ba yudayo, yisu wa yenda ye wa tema va kati kuau ye wa vova : "Luvuvamu lukala yeno." ²⁰ Vo kamana vova diodio, yandi wa asonga moko mandi ye lubanzi luandi. Ye minlongoki vo a mona mfumu, yau ayangalala. ²¹ Yisu wa akamba diaka : "Bika luvuvamu luakala yeno ! wonso se dia mfila, wonso wowo, mono mpe ngieti kunu fidila." ²² Yisu vo kamana a vova momo, yandi wa afula muela ye wa akamba : "Nu tambula mpeve ya nlongo." ²³ Konso ndiona nuna yamudila masumu, yandi wuna ma yambudulua; ye konso kua endu nuna lembua yambudila, kena mo yambudulua mpe ko. ²⁴ Tomasi, wu mosi mu kumi ye zole, wabokudulua Didime, yandi kakala yau ko yisu ki ka monika kua yau. ²⁵ Nlongoki miomio mia nkamba ntangu ya landa : "Yeto tu mueni mfumu." Yandi wa vova : "Vo mono ki mueni fu bia nsonso mu moko mandi ko ye vo kitudidi nlembo miame mu luvati luandi ko, kina sala mo kuikila ko." ²⁶ Lumbu nana vo ya mana vioka, nlongoki miandi mia tatamana kala kaka muna kati kua nzo, ye Tomasi wa kala yau. Ntangu ya kala vo mielo mia mio mia kala mia kanga, yisu wa kota muna nzo mu akala ye watelama va kati diau ye wa vova : "Bika luvuvamu luakala yeno." ²⁷ Mbosi ka kamba kua Tomasi : "Finka vava ye nlembo miaku ye tala moka mame; ye finka vava ye moko maku ye tula ko mu lubanzi luame; ku kalangani muntu wu lembua lekanga minu ko, kansi kuikila." ²⁸ Tomasi wa vutula ye wa vova : "Mfumu ami ye nzambi ame." ²⁹ Yisu wa vova : "Diambu dia wu mbueni, yi dina kuikidi. Lusakumunu lukala kua wowo alembolo mona kansi a kuikidi." ³⁰ Ye yisu wa sala mangu ya yingi va meso ma minlongoki miandi, yi manga yoyo ya nkaka ka ya sonama mu nkanda wowo ko; ³¹ Kansi mambu momo ma sonukua mpasi yeno nua kuikila vo yisu yi klisto, muana nzambi, ye mu kuikila diodio, ngeye tambudi moyo mu nkumbu andi.