¹ Kunima mambu momo, yisu wa monika diaka nlonguki diaka kuna simu dia mbu ya Tiberiade. Ye tala wonso kamonikina kua yau : ² Simoni Petelo wakala yau ye Tomasi endu wakala bokuduluanga Didime, Natanayeli muisi Kana mu zunga kia ngalili, ana a zebedayi, ye nlongoki miole mia yisu. ³ Simoni Petelo wa akamba : "Mono ngiele kuame kutakula za mbizi za nlangu." Yau akamba yandi : "Yeto mpe tuzolele kuenda yaku." Ayenda ye akota mu nlungu, kansi fuku dia dina dia dio, ka abaka widi lekua kimosi ko. ⁴ Lumbu vo kia kia, yisu wa telama vana simu dia songa, kansi alongoki ka azaya ko vo ndiona wakala wu telema vanasanga yi yisu. ⁵ Yisu wa akamba diaka : "Zi ntuenia, nga nuna ye kima kia ndia ?" yau amvutudila : "Nkatu." ⁶ Yandi wa akamba : "Nu losa konde dieno ku ndambu ya lubakala lua nlungu, ye eyno se nu baka mbizi." ye yau alosa konde diau, kansi yau ka alenda tunta konde diau mu vaikisa dio mu nlangu ko kadi diau dia zala kua mbizi. ⁷ Yi mbosi nlongoi endu wa kala zoluanga kua yisu wa kamba kua Petelo : "Yandi yi mfumu kuandi." Simoni Petelo vo ka wa vo yi mfumu, wa vuata nlele andi (Kadi yandi kakala ye nlele ko mu nitu), Yi mbosi wakituba mu mbu. ⁸ Nlongoki mia nkaka ayiza muna nlungu (Kadi akala nseke ye simu ko, nanga tezo kia meta nkama) ye antuta konde mpasi atula dio ye mbizi abaka mu nlungu. ⁹ Ntangu a luaka kuna simu, yau amona tiya tua makala tua kala ye mbizi za yangua ye mampa va ndambu. ¹⁰ Yisu wa akamba : "Nu tualeno ndambu ya mbizi zozo nu beki." ¹¹ Ye Simoni Petelo wa kota mu nlungu ye wa benda konde va simu diau dia kala ye mbizi 153 za zinene. Mpeleko mbizi za kala za yingi, konde ka dia tiasu. ¹² Yisu wa vova kua yau : "Nuiza nua dia dia kua nsiuka." Ka vakala nlongoki ko wu lenda ku nyuvula, "Vo ngeye yi nani" yau atoma visa vo yandi yi mfumu. ¹³ Yisu wa yiza wa bonga dimpa, ye wa bavana, ye mbizi mpasi a dia. ¹⁴ Yoyo yi nkumbu ya ntatu yisu keti monika kua minlongoki miandi tuka ka fulukila mu na fua. ¹⁵ Kunima ndilu au ya nsiuka, yisu wa vova kua Simoni Petelo : "Simoni, muana yowani, nga wu zolele lutila antu ewa." Petelo wa mvutula : "Ingeta, mfumu, ngeye zeyi vo. mono ngiku zolanga." Yisu wa vova kua yandi : "Dikila ma meme mame." ¹⁶ Yandi wa nyuvula diaka nkumbu ya nzole : "Simoni muani yowani, nga wu nzolele ?" Petelo wa mvutudila : "Ingeta, mfumu, ngeye zeyi wo vo ngi ku zolanga." Yisu wa nkamba vo : "Keba ma meme mame." ¹⁷ Yandi wa nkamba diaka nkumbu ya ntatu : "Simoni muana yowani, nga wu ku nzolange ?" Petelo wa bua kinkenda mu diambu dia yisu wu ka nyuvudila diaka mu nkumbu ya ntatu, "Nga ngeye wu kunzolange ?" yandi wa nkamba : "Mfumu ngeye zeyi mambu ma monsono, ye ngeye zeyi vo ngiku zolanga." Yesu wa nkamba : "Dikila ma meme mami." ¹⁸ Kedika, mu kedika, ngieti dio vova, vo wa kala ntuenia, ngeye wa kala ngeye mosi ye kala kuendanga konso ku zolele kuenda. Kansi vo wuna kituka nunu, ngeye wuna lambulanga moko ye muntu wa nkaka wuna ku vuika ye ku nata koko kulembolo zola kuenda." ¹⁹ Yisu wa vova diodio mpasi mu songa mpila lufua luna fuila Petelo mu kembisa nzambi kunima vo ka mana vova momo, wa kamba kua Petelo : "Wundama." ²⁰ Petelo vo kabangumuka wa mona nlongi wowo wa zolua kua yisu wandi mpe wa toma ku nlanda. Ndioyo wa tentika ntu andi va ntulu a yisu ntangu akala dianga mu kinzi wa paki ye endu wa vova vo : "Mfumu, nani ndioyo una kuyekula ?" ²¹ Petelo wa mona ye wa kamba kua yisu : "Mfumu, muntu nduayu yandi mpe nki kena sala ?" ²² Yisu wa nkamba : "Vo mono nzolele vo kala kaka moyo ye zinga na te ye mono vo ngina kuizi vutuki diaka, munki momo makutedie? Ngeye wu ndama." ²³ Yi wonso wowo, mpova yoyo ya muangana va kati kua zi mpangi vo nlongoki wowo kena fua ko. Muanki, yisu ka vovila dio wowo ko kua petelo vo nlongoki wowo kena fua ko, kansi, ena ka vovila "Vo nzolele vo kakala moyo ye zinga na te ye vo mono ngina kuizi vutuki diaka, mu nki momo makutedie ?" ²⁴ Yi nlongoki wowo yandi mosi weti ta kimbangi kia mambu momo ye tuzeyi vo kimbangi kiandi kiena kia kedika. ²⁵ Vena diaka ye mambu mayingi yisu ka vanga. Vo kibeni ka kutu kala diaka ye mikanda mi fiti lenda lunga ma sonika moko.