¹ Kanu vizulani ntima mieno ko; nu kuikila mu nzambi, nu kuikila mpe mu mono. ² Mu nzo a s'ame nuena vinga ya yingi. Vo wu kadila wonso wu ngieti dio vovila ko, mono nga ngia nu kembi dio, kadi ngieti kuenda mu kunu kubikila fulu. ³ Vo ngiele mu kunu kubikila fulu, si ngizi vutuki diaka mono kibeni ye kunu tambula, mpasi vo vana va ngiena, yeno mpe nua kala vana. ⁴ Yeno nu zeyi nzila yoyo yi ngieti kuendila. ⁵ Tomasi wa vova kua yisu : "Mfumu, katu zeyi ku weti kuenda ko; we tu fiti zayila nzila ?" ⁶ Yisu wa nkamba : "Mono yi nzila, ya kedika ye ya moyo; ka muntu ko lenda kuenda kua se vo ka mu mono ko. ⁷ Vo wa nzaya nga wazaya mpe a'ame; tuka wawu ngeye wunzeyi ye wu mueni." ⁸ Filipo wa vova kua yisu : "Mfumu, wutu songa se, ye diodio diena lungana mu yeto." ⁹ Yisu wa nkamba : "Nga kiakezi kalanga yeno kue mu lokula ya nda ye kanu nzeyi kaka ko nate ye wawu, Filipo ? ¹⁰ Ka nulekele dio minu minu ko vo mono ngiena mu se, ye se wena mu mono ? Mambu ma ngieti kunu vanga ko yi mambu ma lendo kiame ko; Kansi yi se wu kundanga mu mono uvanganga mavanga mandi. ¹¹ Wu nkuikila, mono ngiena mu se, ye se wena mu mono; evo kuikila mu mono diambu dia mavanga mame. ¹² Kedika,mu kedika ngieti kunu kamba : konso ndiena kuikidi mu mono wuna sala yisalu yi ngieti yi ngieti sala, seka yo sala nkutu ya lutila mu nene kadi mono ngiele kua Se. ¹³ Dionso di nuna lomba kua mu nkumbu ame, ngina dio vanga kidi vo Se ka kembuswa mu Mwana. ¹⁴ Dionso di nuna lomba ngina dio vanga ¹⁵ Vo nu ku nzolanga, nu lunda nsikudusu zame. ¹⁶ Ye mono ngina lomba kua tata, ye yandi wuna kunu vana mbombi mpasi kakala yeno lumbu ya yo. ¹⁷ Mpeve ya kedika. Nza kalendi yo tambula ko kadi ka monanga yo ko. Kansi yeno nu zeyi yo, kadi yikala yeno ye yena kala mu yeno. ¹⁸ Mono kina kulusisa mpe kinsona ko; mono si ngiza diaka kua yeno. ¹⁹ Fintangu ntangu diaka ye nza kayina ku mbona diaka ko, kansi yeno si nua ku mbona. Kadi ngiena moyo, ye yeno mpe nuena kala moyo. ²⁰ Lumbu kina yeno nuna visa dio vo mono ngiena mu se diame, ye yeno nuena mu mono, ye mono ngiena mu yeno. ²¹ Wonso wena ye nsikudusu zame ye wulundanga zo; yandi ndioyo uku nzolanga; ye ndioyo uku nzolanga si ka zolua mpe kua se, ye si ngia kunzola ye si ngia kuki zayikisa kua yandi. ²² Yuda (Ka Isikalioti ko endu wa wakelua Yisu Klisto) wa vova kua yisu : "Mfumu, diambu dia nkia kaka wu ki songele kua yeto kansi ka kua nza ko." ²³ Yisu wa vutula : "Vo muntu wu nzolele, yandi wuna lunda mambu mame. Se diame sika ku tuna sikila ye yandi. ²⁴ Wonso ka nzolele ko, kalundanga mambu mami ko. Mambu mama ma weti wa ka mame ko kansi ma vuilu kua se endu wa mfila. ²⁵ Ngi nu kembi mambu mama, wawu ngiena yeno. ²⁶ Vo kina kala, mbombi (Mpeve ya nlongo, kena fila mu nkumbu ame) si ka kunu longa mambu mamo ye sika kunu bambula moyo mu mamo ma ngia nu zayisingi. ²⁷ Mono ngieti kunu sisila luvuvamu; ngieti kunu vana luvuvamu luame> Kieti bo kunu vana wonso nza ka vaninanga lo ko. Mintima mieno kami vizuki ko, ye kanu moni wonga ko. ²⁸ Yeno nua wilu wonso ngia kezi vovilanga : "Mono ngiele kuame, ye si ngiza diaka vutuki kua yeno." Vo nu nzolele, yeno si nua yangalala mono ngiele kua tata, kadi tata lutidi mu nene ye mono. ²⁹ Wawu ngieti dio kunu kamba tekila momo miza mpasi nuakila mo mau vo mena kuiza. ³⁰ Mono kina toma tatamana diaka vovana ye yenoko, kadi mfumu a nza yayi weti kuiza. Kena nkutu ye widi lulendo kua mono ko, ³¹ Kansi kidi nza ya visa vo mono nzolele se ya mono ngiele sala kaka ma ka ntuma. Tu telameno ye tu katuka vava.