¹ "Mono yi nti wa vinia ye s'ame yi mvati wa vinia. ² Yandi wu katulanga zi nkonzo mu wawu ezizi lembua wutanga mbutu ye wu toma kubikanga mavala momo ma wutanga mi mbutu, mpasi vo malenda toma sala. ³ Nueka ntama avedila mu diambu dia nsangu za nginu kembi. ⁴ Nu sikila mu mono ye mono mu yeno, mpila mosi wonso tala kaki lendi wuta mbutu mu kiau kibeni ko va ka kiena mu nti wowo wa vinia, wonso wowo kanu lendi wuta mbutu ko vo ka nu sikilanga mu mono ko. ⁵ Mono yi nti wa vinia, yeno yi yitala. Endu wi sikilanga mu mono ye mono muyandi, wu wutanga mbutu mia yingi, kadi kondua mono ka nulendi vanga wi di dimosi ko. ⁶ Vo muntu kasikilanga mu mono ko, yandi wu losuanga wonso tala kia yuma ye kunima, antu atiamanga tala kiokio ye losanga kio ku tiya ye kiau kivianga. ⁷ Vo nu sikilanga mu mono ye mambu mame mu yeno, lulomba dionso dionso di luzolele ye si dio tambula. ⁸ Yi mu momo se diame si ka kembusulua, vo yeno nueti wuta mbutu mia fuana ye nua kala mpe nlongoki miami. ⁹ Wonso se kanzodila, mono mpe yi wowo ngi kunu zodilanga; nu sikila mu zola kuame. ¹⁰ Nu lundanga nsikudusu zame, yeno nu sikilanga mu zola kuame wonso mono ngia lundila nsikudusu za se diame ye sikilanga mu zola kuandi. ¹¹ Mono ngia nu vana mambu momo mpasi vo kiese kiame kia kala mu yeno ye kiese kieno kia kala kia lunga. ¹² Tala nsikudusu zame, nu zolana yeno ye yeno wonso mono ngia nu zodila. ¹³ Nkati kua zola kua kunene yi mu vana moyo aku kua akundi baku. ¹⁴ Nu kundi bakundi ame, vo nueti vanga mambu momo ma ngia nu sikidisi mu vanga. ¹⁵ Kina kunu bokidilanga diaka yi sielo ko, kadi sielo kazayanga meti vanga mfumu andi ko. Mono ngieti kunu bokidila akundi, kadi mono ngia nu zayikisi mamo ma ngia wa kua se diame. ¹⁶ Kayeno ko nua nsola, kansi mono ngia nu sola ye kunu bieka mpasi vo nua lenda wuta mimbutu, ye mbutu mieno mia zingila. Diadi mpasi vo diakala vo kionso kionso ki nuna lomba kua se mu nkumbu ame, yandi si ka kio ku lu vana. ¹⁷ Ngieti kunu sikidisa mambu momo mpasi nua zolasana yeno ye yeno. ^{18 19} Kayeno ko nua nsola, kansi mono ngia nu sola ye kunu bieka mpasi vo nua lenda wuta mimbutu, ye mbutu mieno mia zingila. Diadi mpasi vo diakala vo kionso kionso ki nuna lomba kua se mu nkumbu ame, yandi si ka kio ku lu vana. Ngieti kunu sikidisa mambu momo mpasi nua zolasana yeno ye yeno. ²⁰ nu bambukila moyo mu mambu ma ngia mu zayisa : "sielo ka lendi tunda wonso mfumu andi ko." ²¹ Yau ena kunu vangila momo mamonsono mu diambu dia mono kadi ka azeyi ndioyo wa mfila ko. ²² Vo kiayiza ku a samunina ko, nga ka avola masumu ko, kansi wawu ka ena mpengomokono mu masumu mau ko. ²³ Wonso wu kumbelanga, wubelanga mpe se diame. ²⁴ Vo kisadi kua yau mavanga ma fiti lembua sala muntu wankaka ko, nga ka enau ye masumu ko, kansi wawu yau awonso a mona ye ambela ye se diame ku mosi. ²⁵ Mama mo ma fiti vioka mpasi masonukua malungana wonso wuna sonamana mu nsiku miau : "Yau ambela kondua kua bila." ²⁶ Ntangu mbombi kena kuiza, (Ndioyo ndu ngina kunu vidisa mu se yi sa vo mpeve ye kedika yina tuka kua se), yandi wuna kuntela kimbangi. ²⁷ Yeno mpe nueti ku ntela kimbangi kadi ngiena yeno tuka muna mbakudulu.