¹ Wawu, kani nkutu luwawanu luna luantete luakala ye minsiku mu matadidi sambu ye zinzo za nzambi za va ntoto. ² Kadi kinlongo kia ngoto kiakubukwa. Muna suku dia ntete i muna muakala kebolo kia muinda, meza ye mampa mavewa nkayilu kwa nzambi, kia bokudulwa fulu kia nlongo. ³ Ye kumina nlele wa nzole wukakulwanga suku dia yikwa fulu kilutidi mu nlongo. ⁴ Muna muakala meza ma ngiozikila minkayilu ya wolo mu diambu dia mafuta ma nsunga. I vana vakala nkela ya luwawanu, yoyo yina ya fukwa yayo kwa wolo. Muna kati muakala kopo dia wolo mua kala mana (mampa mazulu), nkawa wa Aloni wowo wa vayikisa fololo ye matadi masonukwa minsiku mia luvuvamu. ⁵ Va zulu a nkela ya luwawanu, akeluba ankembo afuka mu kini kiawu fulu kiangiokila minkayilu yi tuna lembwa lenda mu tangumuna. ⁶ Va landa, lekwa yoyo yayonsono va yamana kubikwa, zinganga za nzambi akotelenge kaka muna suku dia ku mbazi a nzo yangoto mu sala salu yawu. ⁷ Kansi i nkuluntu a ngudi za nganga za nzambi kaka wakolelenge mu suku dianzole nkumbu mosi mu mvu, ka kondwa kwa menga maka vana nkayilu mu diambu dia yani kibeni ko ye mu diambu dia masumu mavanga nkangu lembwa kwa zaya. ⁸ Mpeve yanlongo ya songelenge vo nzila ya fulu kilutidi nlongo kaya zibukidieti ko wawa kina vo nzo ya ntete yangoto yakidi. ⁹ Diadi diakala konso kifwani kia ntangu yayi. Minkayilu mia mbongo ye minkayilu mia ngioka miwavewanga na te ye wawu ka miena ye lendo ko mu kitula kansansa kia nsambidi kialunga. ¹⁰ Afwanisanga yo ye madia, malavu, ye nsundukulu za mpila mu mpila za va ndonga. I nsikudusu za nsuni za kala vewanga nate ye nsikudusu ya mona yina tulwa va fulu. ¹¹ Klisto wayiza konso nkuluntu a nganga za nzambi mu diambu dia mambu mambote momo mayiza. Wa viokila mu nzo angoto yilutidi mu nene ye mu mbote yoyo ya lembwa salwa mu moko ma antu ye yilembolo vuwa kwa nza yayi ya semwa. ¹² Ka mu menga ma nkombo ye ma ana a ngombe ko, kansi i mu menga ma yami beni maka kotila vana fulu kia nlongo nkumbu mosi kaka ye mu tanina mpulusu yi kondolo nsuka. ¹³ Kadi vo menga ma nkombo za mbakala ye ma ngombe za mbakala ye mbwangununu a bombe dia yokulwa ngombe ya nkento mu yawa wowo nkituka asumuki dieti ku atula va lueka mu diambu dia Nzambi mu nsukudulu a nsuni miawu. ¹⁴ I wowo menga ma yisu mana luta wo vanga momo mu mpeve ya lembwa suka, wakivana yani beni kondwa kwa bila kwa nzambi, mana luta mu sukula kansansa kieto mu mavanga meto mafwa mu sadila Nzambi ya moyo. ¹⁵ I mu diawu, yani i nkutikisi a luwawanu lwamona. Kidi vo, wa kina vo mfuilu yayiza mu kula akala mu luyalu lwa luwawanu lwa ntete lwa masumu mawu. wowo abokulwa abaka nsilulu a difwa dia mvu ya mvu. ¹⁶ Kadi, vana vena nkand'a difwa, diena dia mfunu mu wonga kimbangi kiamfwilu a ndiena wa sonika wo kifuidieti ko. ¹⁷ Kadi nkand'a difwa wukalanga kaka wa mfumu va fulu kiokio kia viokila mfwilu. Kawena mfunu ko vo ndiena wa sonika wo kafuidieti ko. ¹⁸ I diawu luwawanu lwa ntete nkutu lwasiswa kondwa kwa menga. ¹⁹ Kadi Mose va kavana konso ka ntumumunu a minsiku kua nkangu wawonsono, wabonga menga ana angombe ye ma zinkombo za mbakala, va mosi ye maza, mika mia ntinta ya mbuaki ye ntala za nti wa Isopi, ye wamuangumunina va mosi va nkanda minsiku ye kwa nkanga. ²⁰ Mboki wakamba : "Mama i menga ma luwawanu momo nzambi kaveni nswa mu diambu dia yeno. ²¹ Mpila mosi, ka muangumunina menga va nzo angoto ye va yilekwa yayonsono yisadulwanga mu sambu. ²² Ye konso wenina minsiku, fisidi mamo maveduswanga mu menga. Kondwa kua ntengolo a menga, ndemvokolo a masumu kayena ko. ²³ I diawu diakala diamfunu beni vo yi fwani ya lekwa ya mu mazulu yaveduswa mu minkayilu miangioka mia yibulu. Kansi tu, lekwa ya mazulu yawu mosi yifweni mu veduswa mu minkayilu miangioka miambote. ²⁴ Kadi, Klisto kakota mu fulu yilutidi mu nlongo yasolwa mu moko ma antu ko, yoyo yena kaka ya tangininwa kwa yoyo ya kedika. ²⁵ Ka kotila moko kidi vo kayivana yani beni mu nkumbu zayingi konso wu vanganga nkuluntu azinganga za nzambi mu fulu kilutidi nlongo konso ka mvu ye menga ma wa nkaka. ²⁶ Vo kikala vo iwowo, diakutu kala dia mfunu mu yani mu mona mpasi nkumbu zayingi tuka muna mbadukulu a nza. Kansi tu wawu, i nkumbu mosi kaka kuna mbanunu a ntangu yika sunzulwa mu vunza masumu mu nkayilu wangioka wa yani kibeni. ²⁷ Konso ka muntu wa silwa mu fwa, nkumbu yimosi, kunima a diawu kuna kuiza mfundusu. ²⁸ Mpila mosi, Klisto mpe, wavewa nkumbu mosi kaka mu katula masumu ma antu ayingi, wuna monika mu nkumbu yanzole, ka i mu kuizi tadi mambu matadidi masumu ko kansi i mu vulusa awonsono amvingididingi mu mvibudulu.