¹ Kadi nsiku ka monikisanga nadede miomio mieno miakedika ko, kansi miawu i kini kia mambote mana kuiza. I diau miawu kamilendi sala lungisa nkutu ko yawu afinanganamanga kwa nzambi mu minkayilu miomio miena mpila mosi ntangu zazonsono, mia natanga konso kantangu mvu ka mvu. ² Vio mialenda, nga anata minkayilu alembwa, kadi, vo avedele kia makulu, ka avutukidi kala kansansa kia masumu ko. ³ Kansi nkayilu, miomio mu nambukuluanga masumu mawu moyo wa mvu ka mvu. ⁴ Kadi kawulendi kala ko. Vo menga ma ngombe zambakala ye mankombo makatula masumu. ⁵ I diau Klisto va kakota mu nzo, yani wa vova : "Ngeye kunzolele aku minkayilu mia ngioka evo miampona ko kansi ngeye wambembikila nitu. ⁶ Ngeye kunzolele aku bulu ya zinuswa va meza mangiokila minkayilu ko, ka minkayilu mia ngioka ko, mia vewa mu masumu. ⁷ I diau mono mpovele : "Tala, mono endu, wonso wa sonukwa mu nkanda, mu vanga luzolo luaku ko." ⁸ Wateka vova ntete : "Ngeye kuazol'aku ko minkayilu mia ngioka, ka minkayilu ma mpana ko, ka bulu ya zinuswa va meza ma ngiokila minkayilu ko mu masumu. Ngeye kwa yangalala mioko." Mpeleko mia vewa wonso wenina nsiku. ⁹ Mboki yani wavova : "Tala, mono ngizidi mu vanga luzolo luaku." Yani katudi lua ntete mpasi kavingisa lua nzole. ¹⁰ Mu luzolo lolo, tuaveduswa mu nkayilu wanitu a Yisu Klisto kia makulu. ¹¹ Muankaka, nganga za zonsono zitelamanga lumbu ka lumbu mu sadila nzambi. Anatanga minkayilu miangioka mia mpila mosi tangua zazo. Miakamilendi katula masumu. ¹² Kansi Klisto va kanata kaka nkayilu wu mosi wangioka diambu dia masumu, kia makulu wavuanda va lubakala kua nzambi. ¹³ Yani wuvingilanga nate ye mintantu miami mia tulwa kunsi a tambi yani. ¹⁴ Kadi mu nkayilu umosi kaka, yani walungisa wowo a sukulua mvimba mvimba. ¹⁵ Ye mpeve ya nlongo yikututelanga diaka kimbangi. Kadi tekila momo, yani wavova : ¹⁶ "Tala luwawanu lungina vanga yau landila lumbu yayi. Wuvovele Mfumu. Mono singa tula minsiku miame mu ntima miawu, ye ngina mio sona mu mabanza mau. ¹⁷ Mono kina vutuka bambukila masumu mawu moyoko ye ntulu, munu zau. ¹⁸ I diawu, vena ngiambudulu a masumu, ka vena nkutu nkayilu wa masumu ko. ¹⁹ I kuma, zimpangi, yeto tuena ye vuvu kia kota mu vuma kia nlongo mu menga ma yisu. ²⁰ Tala nzila ya mpa ye ya moyo yi katuziudila mu nlele wankambila, mpila mosi i nitu ani. ²¹ Kiena tuena ye ngudi anganga mu nzo a nzambi, ²² Tufinameno ye mintima mia kedika mia zala kua vuvu ye mu minu, mu ntima mia veduswa mu kansansa kiambi ye zi nitu zeto za suku lwamu nlangu wavedila. ²³ Bika tuasimbineno nakekete kimbangi kia vuvu, kadi nzambi wa sa nsilulu wena wa kwikama. ²⁴ Tukalasaneno mayindu mpasi vo tusiamasaneno mu toma zola ye mu vanga mambote. ²⁵ Katuyambulani fu kiakutakana ko wonso usanga ankaka. Kansi tusiamasaneno ye tuluta wo vanga nu mueni vo lumbu kifinamene. ²⁶ Kadi vo tuvolanga masumu masumu mu lukanu, va tuayi tambudidi nzayilu ya kedika, nkayilu wa masumu ka wena diaka ko. ²⁷ Nkutu eti tuena ye mpingudulu ya nsisi ya mfundusu, ye nganzi za tiya tuna manisa mintantu miamio mia nzambi. ²⁸ Konso ka muntu wakolamene nsiku mia Mose seka vondwa kondwa kua nkembo nkenda vo mbangi zi zole evo zi tatu zinkutelele kimbangi. ²⁹ Nkia tumbu kia ngolo kifweni kua ndioyo, wa diatikisa muan'a nzambi, wumonanga menga ma luwawanu wonso lekwa kia sumuka, makavedusulwa ye wa vweza mpeve a nlemvo ? ³⁰ Kadi yeto tuzeyi ndioyo wavova : "Nlandu uvwilu mono"; ye diaka : "Mfumu una fundisa antu ami." ³¹ I diambu dia nsisi beni mu bwa mu moko ma nzambi ya moyo ! ³² Kansi mu bambuka moyo mu ntangu ya vioka mu lumbu ya yina vo nuabaka kia, yeno nua mona nzungu zayingi. ³³ Yeno nuasiwa wonso kimpa kia ntala ntiakulu muyi fingu ye zinzomono, ye nuakala ntuadi ye yau avangulwa mpasi za mpila mosi. ³⁴ Yeno nuafwila akala mu boloko nkenda mukiese nuazionua binuvwidi. Nuzeyi vo nuena ye vwilu yilutidi mu mbote ya mvu ya mvu. ³⁵ I diau ka nulosi kibakala kieno k, mu kiau nuna bakila nsendo waunene. ³⁶ Kadi yeno nuena nsatu a luvibudulu, vo numeni vanga luzolo lua nzambi ye tuna tambula momo makasila. ³⁷ Fiuma fisidi, ndiena wuna kuiza nkatika kana zingila ko. ³⁸ Nkua lunungu luame sikakala moyo mu minu, kansi vo vutukidi manima, mono kina kunyangalala ko. ³⁹ Kansi yeto katuena lueka lumosi ye wowo avutukanga ku manima mu mambi ko. Kansi, tuena lueka lumosi ye wowo aleka minu mu kenga miela miau.