¹ Wawu minu yi vuvu kia sikalala mu tambula lekwa yoyo yitu zolele tambula. Yi kizikumunu kia yi lekua yoyo yi tueti lembua mona ntete mu meso. ² Kadi, mu kiawu, akulu eto atontua mu minu yau. ³ Mu minu, tuzeyi vo nza yayonsono ya semua mu lutumunu lua nzambi, mpila mosi vo ka vena lekua yayi yitumonanga ya semunua mu monika. ⁴ Yi mu minu Abeli kayokila nkayilu kua nzambi wa luta mu ntomo ye wowo wa yoka Kayini. Yi mu ndungidi yoyo ka monika wa lunungu. Ye nzambi wa yangalala mu diambu dia nkayilu miandi. Ye mu minu, Abeli katatamananga vovila mpeleko yandi wafua. ⁵ Yi mu minu Yinoki ka zangudulua kuzulu ye ka mona lufua ko. "Ye ka monika diaka ko, kadi nzambi wa nkatula." Kadi tekila ka tombulua, dia vovuka muyandi wa kala yangidikanga nzambi. ⁶ Kadi kondua kua minu kulendi kala wayangalalua kua nzambi ko. Kadi wa wonso wu kuizanga kua nzambi kafiti kuikila vo yandi wena mvovidi a akuntombanga. ⁷ Yi mu minu Nowa ka zayikusua kua nzambi mu lekua ya kala lembua mokanga ntete, ye wonga waki nzambi, wa tunga nzaza mu vukisa nzo andi. Mu vanga diodio, yandi wa tumbanza ye kituka muingidi a wusongi wu kuiza mu minu. ⁸ Yi minu Abalahami, vo kabokulua, wa tumama ye wa yenda vana fulu kika fiti tambudila difua. Yandi wa yenda mu kondua kua zaya vo kue keti kuenda. ⁹ Yi minu kazingila mu nsi ya nsilulu wonso nzenza. yandi wa kala vuandanga mu nzo za ngoto ye Yisaki ye Yakobi, vingi mia difua dia nsilulu wonso yandi. ¹⁰ Mama mo, kadi yandi wakala vingilanga lua mbanza yoyo luena mbandudi a zizi mandanda ye ntungi wuna kala nzambi. ¹¹ Yi mu minu Abalahami katambadila lendo kia ngutila, mpeleko sala yandi kibeni wakala situ. Diodio diavangama mpeleko yandi wakala wa nuna, Kansi kina vo wa monikua wonso nkua lunungu, ndioyo wa asila nsilulu. ¹² Mu diodio kina vo wa finama ku lufua, wa wutua mu nkuna a antu ayingi, yau mpe akituka ayingi wonso zimbuetete mu zulu ye wonso nginga za nienge mu ndambu a mbu zozo zi fiti lembua lendakana tangua. ¹³ A awonsono afuila mu mina, kondua kua tambula zi nsilulu. Muanki, yau amona zo kua ntama ye avana zo mbote mu ntatuki, yau avisadio vo yau akala zi nzenza ye mi mvioki va ntoto. ¹⁴ Kadi wowo awonsono a kamba mpila yoyo dimonikanga mu kimpuanza kia kio vo yau atombanga nsi ya yau kibeni. ¹⁵ Mu diodio, vo akala ngindu mu nsi yi ena sisa, nga akutu kala ya ngindu za zola yo vutuka. ¹⁶ Mbosi, atomba nsi ya ntoko i nsi ya zulu. Munzila yoyo, nzambi kalendi monAa nsoni ko mu bokudulua vo nzambi au kadi yandi wa akubikila mbanza. ¹⁷ Yi mu minu Abalahami, vo ka mana tontua wa yekula Yizaki. Yandi wakala yi muan'andi wu mosi kaka wuka yekula, i yandi wabaka zi nsilulu. ¹⁸ Yi kua Abalahami dia vovulua vo : "Yi mu Yisaki muna vaikila nkuna aku." ¹⁹ Abalahami wa muena nzambi vo i yandi wena ye lendo kia fulukisa Yisaki mu lufua ye mu nzila ya kifuani, yandi watambula wo mu mvutukulu. ²⁰ Yi mu minu Yisaki kasakumunina Yakobi ye Esawu mu mambu matedi mena kuiza. ²¹ Yi mu minu Yakobi, vo ka kala lukufi ye fua ka sakumukina ana a Yosefi mosi mosi. Yakobi wa sambila wa sikinina mu nsongi yanti andi wandiatila. ²² Yi mu minu Yosefi, zingu kiandi vo kia kala musuka wa vova kua ana a yisaeli mu mpayikulu au mu nsi ya ngipiti mu nata visi andi. ²³ Yi mu minu Mose, vo ka wutuka, se ye ngudi andi asueka mu ngonda tatu kadi a mona vo yandi wakala wa ntoko. ka akala wonga mu ntumunu za ntinu ko. ²⁴ Yi mu minu Mose, vo kamana kula kazola bokudulua muana wa nkento wa Falao ko. ²⁵ Kansi wa zola muesua mpasi va mosi ye nkangu wa nzambi, kansi ka mu fuila ye se ya masumu mu fi ntangu. ²⁶ Yandi wa yinda vo mu tambula mvuezolo wonso Klisto dia luta bimvuama bia nsi ya ngipiti mu ntalu. Kadi meso mandi ma tala mu nsendo waku ntuala. ²⁷ Yi mu minu Mose ka katukila ku ngipiti, yandi katina mpe ko nganzi za ntinu, kansi wasiama na kekete mu tala kua ndioyo wu lembi monikanga. ²⁸ Yi mu minu yandi wakotusa paki ye watuma bakasa menga va yelo mpasi vo mbasi yina kuiza manisa ana ntete a vuta yisi ngipiti kayi simbi ana antete a nzo zau ko. ²⁹ Yi mu minu yau asawukila mbu wa mbuaki nga vo va ntoto wa yuma. Yisi ngipiti vo a zola wo tanginina, awo wa fukua kua maza ye amana fua. ³⁰ Yi mu minu saka ya lumbu lua Yeliko ya tulumuka, kunima lumbu nsambuadia vo ya mana zangudulua. ³¹ Yi mu minu Lahabi nkento wa ndumba ka lembwa fuila va mosi ye awo akala mu nkolomono kadi watambula mineki mu ntima mosi. ³² Ye nki ndenda vova diaka ? Kadi ntangua wana kayina ku nkala ko mu vovila ngidoni, Balaki, Samisoni, Zipitele, Davidi, Samueli ye mimbikudi. ³³ Yau, mu minu, anunga yi mfumu, a sadila lunungu ye atambula zi nsilulu. Yau lembidika nua mia zinkosi. ³⁴ A zima lulendo lua tiya a vuka mu meno ma sabala, a niakisa zi mbevo, a kituka ankua ngolo mu zi nkindu ye atinisa yi nuani ya nsi za nzenza. ³⁵ A kento atambula a awu antu a mu nzila mfulukulu. A nkaka a kuamusua, a atambudila yambulua ko, mpasi atoma bimba nkatikua mfulukulu. ³⁶ A nkaka atambula zi nsevolo ye sikoti, ye nkutu mu zi mbienga ye mu bokolo. ³⁷ A nkaka a zukua matadi, zengua malaka mu sabala a muangana yeku yeku, avuata nkanda mia ma meme ye nkombo, azionua ya yo, a kendudukua ye muesua mpasi. ³⁸ ( Kua yau a lembua zolua kua nza ), a zungana mu nsi za nkatu ye miongo, mu minluka ye fulu ya nkaka ya va ntoto. ³⁹ Mpeleko antu wowo a wonsono a nungusua kua nzambi mu diambu dia minu kiau, yau ka atambula lekua yoyo si a silua ko; ⁴⁰ Nzambi wena ye lekua ki lutidi mu ntoko mu diambu dieno, mpasi yau ka aluaki ku ndungunu kondua yeto ko.