¹ Kina vo, yeto tuena tua zungua kua ndonga ya zimbangi ya yinene, tulosa lekua yayo yeti zita mu yeto ye masumu momo ma kutu vuatanga mu nayaki yaki. Tuyungusa mu ntatamanu mu ngiungusulu yoyo yena ku ntual'eto. ² Tu tadisa meso meto kua yesu, ntoni ye lungisi wa kinu kieto, endu walundulua kiese, yandi wa mona mpasi vana kulunsi, watambudila muesua nsoni, ye yandi wa vuanda va lubakala lua nzambi. ³ Mbosi, mbanzila ndioyo wa mona mpasi kua a sumuki mu nitu andi, mpasi vo ka nu ki yambudi evo kanu bebi ko. ⁴ Yeno kanualuekieti ko mu vibidila na te ye mu menga, evo nuana ye masumu. ⁵ Ye nuavilakene malongi ma nduengoso momo ma nua vewa wonso ana; "Muan'ame, ku yinandi mpasi za vangua mfumu ko, ye ku vidisani ki yakala kiaku ko vo weti longulua mu ku sungika". ⁶ Kadi mfumu wu tombanga muntu wa wonso wuka zolanga, ye wu sembanga muana wawonso fueni mu nsembolo. ⁷ Nu vibidila zintotolo wonso vo za silua nzambi wu kunu muenanga wonso ana andi, kadi nkie muana wu lembua sembuanga ? ⁸ Kansi vo kamuena ye nsembolo ko, mu yoyo yeto awonsono tuena ntuadi, wana yeno nuena ana akinsuza ye ka ana andi ko. ⁹ Mbosi nkutu, yeto tuena ye ma se maki ntoto ma kutu sembanga, ye tuku azitisanga. Nga tulendi luta sa kimfuzi mu tuta zola ye tumamana kua se dia zimpeve mu toma zinge? ¹⁰ Kadi ma se meto makutu sembanga mu mvu mia fioti wonso wu azodilanga kutu sembila, kansi nzambi wu kutu sembanga mu diambu dia ntemoso eto, mpasi vo tualenda baka kunku mu kinzambi kiandi. ¹¹ Va nkatu nsambulu yi natanga kiese kansi, mpasi kaka ye miangala. Muanki tu, kuntuala yau yi wutanga mbutu wa lunungu kua wowo awonsono atumama ye vibidila. ¹² Mbosi, lusiamisa moko meno ma lenzangana ye mu kungunu meno ma yoya. ¹³ Ye nu sala nzila za sungama ziti diatila malu meno, mpasi vo wonso muntu kani vo wutembilanga kalembi mona nkakalakani mu nzila kansi kalenda mo toma diatila. ¹⁴ Nu tomba yenge kua awonsono, ye diaka kinkuikizi kondua kua kiau ka muntu ko wuna mona mfumu. ¹⁵ Nu kaya meso mpasi vo ka muntu ko wuna kondua nlemvo wa nzambi, ye widi muanzi wa ndudi ka wu yedi nkutu ko mpasi wa lembua tukisa zi mvualangani, ye mpasi vo ayingi ka atambakani ko. ¹⁶ Nu kaya meso meso mpasi vo ku kadi nsuza evo muntu wa kondua vumi wonso Esawu, mu diambu dia yuma wateka kimbuta kiandi. ¹⁷ Kadi nu zeyi vo kunina, vo kazola tambula lusakumunu, yandi ka baka lo ko kadi kalenda kaya lo mu diambu dia yuma (evo nsatu) kua nlenke andi, mpeleko wa tomba lobuka mu kedika ye mu mansanga. ¹⁸ Kadi ka nua yizidi ku mongo wu fiti simbua ko, mongo wa zungua kua tia, tombe, tuti evo mvula za mbandanu. ¹⁹ Ka nua yizidi mpe ku ningu wa mpangi ko, evo mu mambu matukidi mu ndinga nga vo yoyo yena vo wowo awilu mo alombele vo mambu ma mpila yoyo ka azolele mo vutuka wa diaka ko. ²⁰ Kadi ka alendi vibidila momo matumua mu ndinga yoyo ko : "Evo nkutu bulu ki valakene mongo wowo, ki fiti vondulua mu matadi." ²¹ Mbonokono ya mambu mama yakala nsisi beni ye Mose wa vova : "Mono mbuilulu kua nsisi ye ngieti zakama." ²² Kansi tu, yeno nuizidi ku mongo wa sioni ye ku mbanza ya nzambi ya moyo, yelusalemi dia kizulu, ye va ntadisi a mafunda ma zimpasi eti kembila. ²³ Yeno nuiza ku kintuadi kia ana awo antete mu wutuka a sonama mu zulu, kua nzambi nsambisi wa yayo, ye kua zimpeve za alunungu wowo ameni luaka ku ndunguni. ²⁴ Yeno nuizidi kua yisu, wawu wa luwawanu lua mona, ye menga ma muangusua momo ma toma vovanga lutila menga ma Abele. ²⁵ Nu kikenga mu lembua tina mu wa endu weti vova kadi vo ka a tini ko mu wa endu wakala vovanga, wa kala ku aluengisanga va ntoto, yeto mpe ka tuna lenda tina ko vo yeto tuna vutuka manima kua ndioyo wu luengisanga tuka mu zulu. ²⁶ Mu ntangu yina, ndinga andi ya nikuna ntoto. Kansi wawu, yandi wa sila ye wa vova : "Mono ngina nikuna ka ntoto kaka ko, kansi ye zulu mpe." ²⁷ Mambu momo : "Nkumbu mosi diaka", yeti songa mpondolo ya lekua yoyo ya nikuna; mpila mosi vo lekua yoyo simua, mpasi vo lekua yoyo ya lembua nikuna ya lembua sikalala. ²⁸ Mu diodio, tambula nsi ya kimfumu yina lembua fukila, tukaleno ye mbakusulu ye mu mpila yoyo, tusika nzambi mu luyinunu ye wonga. ²⁹ Kadi nzambi eto yi tia tumanisanga.