¹ Mbuta diambu ya mambu matueti vovila i yayi: Tuena ye ngudi a nganga yeno ya vuanda va lubakala lua kiti lua kintinu kia mazulu. ² Yani wena sadi mu kinlongo, kinlongo ki akedi kia mfumu kia lembua tungua kwa muntu. ³ Kadi konso kua ngudi anganga u biekuanga mu nata mu nkumbu mosi minkayilu ye minkayilu mia ngioka. Diena dia mgunu vo yani mpe kafueti nata lekua kia mpana. ⁴ Wau, vo Klisto wakala va ntoto, ngala yani kena nganga a Nzambi ko, kadi vena ye wowo a natanga minkayilu wonso wenina nsiku. ⁵ Etisadulwa konso fwanusu ye kini kia lekwa ye mu kayengele. I konso Mose kakizayisulua kwa nzambi kwa nzambi va kakala lukufi mu tunga nzo a ngolo : "Talo" wa kamba nzambi "vanga mambu mamonsono konso wenina mbandu yiwa sungudulua vana mongo. ⁶ Kadi wau, Klisto watambula salu kilutidi mu nene kadi yami wena diaka nwawasi wa luwawanu lulutidi mu mbote, lua tungwa va lufulu lua zinsilulu zi lutidi mu mbote. ⁷ Kadi vo luwawanu lolo lua ntete lua kondua lusembo, ngala mfunu wuke mu vingisa luwawanu lua nkaka. ⁸ Nzambi wa mona nkombo za antu, yani wa vova : "Talo, lumbu yi lueki (Mfumu ka vovele), yi ngina sala luwawanu lua mona mu nzo a Isaeli ye yoyo ya Yuda. ⁹ Kaluna kala wonso luwawanu lolo lu yavanga ye nkulu miau ko mu ki ya simba mu koko muku a vayikisa mu ntoto a ngipiti. Kadi, yau ka a sikila mu luwawanu luame ko, ye mono mpe kia akadila mayindu ko", bu vovele mfumu. ¹⁰ "Kadi tala luwawanu lungina vanga ye nzo a Isaeli mu lumbu yayi," bu vovele mfumu : "Mono ngina tula mi nsiku miami mu mabanza mawu, si ya sonika mio mu ntima miawu mono si yakala Nzambi awu ye yau anakala antu ame. ¹¹ Ka muntu ko mu yau wuna vutuka longa mfinangani ami vo mosi mu mpangi zami vo : "Zaya Mfumu". Kadi antu awonsono anakunzaya, tuka mu ana a fioti na te a mbuta mu yau. ¹² Kadi ya ku afuila nkenda mu mavanga mau ma mbi ye kina bambukila masumu mau mayoko. ¹³ U vovele : "Luwawanu lua mona", yami wakitula luankulu luna lua ntete luwawanu. Kansi tu zaya vo kionso lekua kiena kia nkulu, kinuni ye kiena lukufi ye nla.