¹ Mu dibundu dia Antiokia mwakala mimbikudi ye minlongi mianene : Banaba , Simoni wabokudulwa ndombe, Lukio muisi Kilene, Manayemi ndioyo wakudila va mosi ye nyadi Elode, ye Sawuli. ² Va akala tuadisanga sambu kia sadila Mfumu ye mina nsoki, Mpeve Yanlongo yakamba: nuntudila Banab ye Sawuli va lueka mu sala salu kiya ku abokidila. ³ Va amana mina nsoki ye sambila aku atentika moko ye aku ayambula enda. ⁴ Banaba ye Sawuli, afiduswa kwa Mpeve Yanlongo, akulumuka mu mbanz'a Selewukia, ye kuna amaka mu masuwa ye ayenda va sanga kia Kipelo. ⁵ Va alwaka mu mbanz'a Salamini, yawu alonga Masonukwa ma Nzambi mu zinzo za tukutukunu za Ayudayo. Yowani wakala ku asadisanga. ⁶ Va asawuka sanga kiakio nate ye kuna mbanz'a Pafo, awana ko muntu wumosi wa mpandu, mbikudi wa luvunu wa nyudayo wabokudulwa Bale yisu, ⁷ wakala zinganga ye nyadi Selengio Pawulusi, muntu wa nduenga. Yani wabokidisa Pawulu ye Banaba ye wakala nsatu mu wa masonukwa ma Nzambi. ⁸ Kansi Elimasi nkwa mpandu, iyoyo mbangudulu a nkumbu ani, waku akakidila, watomba mu vidingisa minu kia nyadi. ⁹ Sawuli, wabokudulwa mpe Pawulu, wafuluka kwa Mpeve ya Nlongo, wan'tungunina ¹⁰ ye wakamba: muntu wazala ye mpeve zazo zambi ye za wungubi, muan'a diabulu, ntantu a lunungu lwalonsono, kuna sala lembwa mu vidingisa zinzila za songa za Mfumu e? ¹¹ Tala wawu, koko kwa Mfumu kweka yaku , si wakituka mpofo, ye vena vioka fintangwa kuna mona diaka muini ko. Vana vawu tombe kia nkobo kiambwila , ye watomba , mu babata antu mu kuntwadisa. ¹² Idiawu nyadi va kamona momo mavioka, wakuikila, wayitukwa mu malongi ma Mfumu. ¹³ Pawulu ye anyani, amaka mu masuwa mu kwenda mu mbanz'a Pelenge mu zunga kia Pamfiliya. Yowani wavambana yawu, ye wavutuka mu mbanz'a Yelusalemi. ¹⁴ Tuka mu mbanz'a Pelenge ,atatamana nzil'awu, ye alwaka ye alwaka mu mbanz'a Antiokia mu zunga kia Pisidia. Va akota mu nzo a sambu kia Ayudayo mu lumbu kia saba, avuanda. ¹⁵ Va amana tanga nkand'a minsiku ye wa mimbikudi, akuluntu a nzo a tukutukunu afidisila muntu muku akamba : nu zimpangi zama akala, vo nuena ye diambu dia nsiamusu mu kamba kwa nkangu , nu kamba. ¹⁶ Pawulu watelama, walabikisa , wakamba: mayakala ma kisi Isaeli, ye yeno nuzitisanga Nzambi, nudimbwa. ¹⁷ Nzambi a nkangu wa Isaeli wasola akulu eto. Wasola nkangu wawu va wakala mu nsi ya Ngipiti ye wavayikisa wo mu koko kwani kwa Lulendo. ¹⁸ wa adikila fisidi mvu makumaya mu nsi yankatu; ¹⁹ Ye va kamana bunga makanda nsambwadia mu nsi ya Kana, waku avana zunga wonso mvuilu. ²⁰ Va zimunina mu tezo kia mimvu nkama ya ye makumatanu , waku avana mintwadisi nate ye mu ntangu ya mbikudi Samueli. ²¹ Alomba ntinu. YeNzambi waku avana wo, mu makumaya ma mvu, Sawuli , muan'a Kisi muisi kanda dia Benyamini, ²² mboki wambembula, waku atudila Davidi wonso ntinu, wantela kimbangi kiaki: Mono nsolole Davidi, muan'a Isayi, muntu wuyangidikanga ntim'ami ye wuna lungisa tuzolo tuama tuatonsono. ²³ I mu nkun'a Davidi , wonso wenina nsilulu zani, Nzambi wasola Mvuluzi mu kanda dia Isaeli, I Yisu. ²⁴ Tekila ngizulu ani , Yowani wakala longanga mbotokolo mu mpilulu a madiela kwa nkangu wawo wa Isaeli. ²⁵ Ye Yowani va kamanisa salu kiani, wakala kambanga vo : mono ka i ndiona wu nueti banzila ko : kansi tala , yani weti kuiza ku nim'ame , kiena nkutu wafwana ko mu kutula nsinga mia nsampatu zani ko. ²⁶ Nu zimpangi za amakala, ana a nkun'a Abalahami, ye yeno nuzitisanga Nzambi, i kwa yeno mambu ma mpulusu ma fiduswa. ²⁷ Kadi yisi mbanz'a Yelusalemi ye akuluntu awu ka bakusa ko keti vo Yisu i nani ye va anyekula , yawu alungisa mpova za mimbikudi zozo zitangwanga konso ka lumbu kia saba ²⁸ Mpeleko ka amonawu mu yani ma afueti kunzengila nkanu a lufwa ko, alomba kwa Pilatu mu kumvondisa. ²⁹ Ye va amana lungisa mamonsono masonukwa mu yani, ankulumuna va kulunsi ye antula mu ndiamu. ^{30 31} Kansi Nzambi wamfulukisa mu afwa.