¹ Kansi Sawuli, watatamana mvumusu ye mpondolo zani kwa Alonguki a Mfumu, wa yenda kua Ngudi a nganga a Nzambi ² ye walomba min'kanda mu diambu dia zi nzo za sambu kia Ayudayo ku Damasi, kidi vo lenda wana ndambu ya antu a landanga nzila a Mfumu, akala evo akento, kaku anata ku Yelusalemi akangwa ³ Mu ntangwa yi kakala mu nzietolo, va ka finangana ye mbanza Damasi, kiamakilu kia kua tuka ku zulu kia kienzula zunga zunga kiani; ⁴ wa bua va ntoto ye wawa ndinga ya nkamba: « Sawuli, Sawuli, bila nki weti kun'zominae? » ⁵ Sawuli wavutula: « nge wu nani, Mfumue ? » Mfumu wavana mvutu: « mono i Yisu ndioyo weti zoma; ⁶ kansi telama, kota mu mbanza, ye siwa kambua mafueti vanga. » ⁷ Antu akala zietanga ye Sawuli akondua mpova, awa ndinga, kansi ka amona muntu ko. ⁸ Sawuli wa telama, ye va zibula meso, ye meso ka makala monanga diaka ko; ansimba mu koko ye an'nata mu mbanza Damasi. ⁹ Wakalalumbu tatu i yani ka moni, ka diaka ko ye ka nua ko. ¹⁰ Kua kala nlonguki ku Damasi nkumbwani Anania; Mfumu wan'mokisa mu mona meso: « Anania. » ye wavana mvutu: « mono endu, Mfumu. » ¹¹ Mfumu wan'kamba: « telama ye wenda mu nzila yi bokuduluanga ya sungama, ye mu nzo ya Yuda, yuvula muntu tukudi ku Talasi, nkumbuani Sawuli; kadi yani weti sambila ¹² ye mueni mona meso muntu wena nkumbu Anania kotele ye n'tentekele moko, kidi kamona diaka. » ¹³ Kansi Anania wavutula: « Mfumu, ngia wilu antu ayingi eti vovila muntu ndioyo, wonso wuka muesese mpasi kua kanda diaku dia nlongo ku Yelusalemi. ¹⁴ Wakezi ye lendo kia tuka kua zi Ngudi za Nganga mu kanga wonso muntu wubombidilanga nkumbu aku. » ¹⁵ Kansi Mfumu wan'kamba : « wenda, yani i luazu kinsolele mu zayisa nkumbuame kwa Akondolo Ayudayo, kua mintinu ye kwa ana a Isaeli; ¹⁶ ngiena kun'songa makena lungulua mu diambu dia nkumbuame. » ¹⁷ Iwowo, Anania wayenda kuna, wakota mu nzo. Wan'tenteika moko, wakamba: « Mpangi Sawuli, Mfumu Yisu ndioyo waku monekene mu nzila va wakezi kwiza, wuntumini kidi wa mona diaka ye kidi zaduswa kwa Mpev a N'longo. » ¹⁸ Vana vau, nkievo mabala masotuka mu meso ma Sawuli, ye wavutuka mona, watelama ye wabotukwa ye wabotukwa; ¹⁹ Ibosi ka dia ye siamuswa. Wakala ye minlonguki mia mbanza Damasi lumbu yayingi. ²⁰ Tuka vana, wasamuna Yisu mu zinzo za sambu kia Ayudayo, vo yani i Muana wa Nzambi. ²¹ Awo akala kun'dimbwanga akala ayitukwanga ye akala kambanga: « keti kayi muntu ndioyo wakezi muangisanga awonsono akezi vovilanga nkumbu yoyo koe ? Ye wayizidi vava kidi kanata kwa ngudi za nganga wowo akangwa .» ²² Kansi, lendo kia Sawuli kia kulama ye kulama, ye muesa wonga kwa Ayudayo akala zingilanga ku mbanza Damasi va ka ku asonga vo Yisu i Klisto. ²³ Lumbu yayingi ya vioka, Ayudayo awizana mu kum'vonda. ²⁴ Kansi manenga mau mazayakana kua Sawuli. mielo mia kala kengwanga mwini ye fuku kidi ka vondwa. ²⁵ Kansi mu fuku minlonguki mian'kuluna mu baka mu kati kua bwongo. ²⁶ Va kaluaka ku Yelusalemi, Sawulu wa teza vukana ye minlonguki, kansi awo an'muena wonga, ka akwikila ko vo ka fweti kala nlonguki. ²⁷ Kansi Banaba wan'baka ye wan'nata kwa Zintumwa. Wa azayisa wonso Sawuli kamwena Mfumu mu nzila ye wonso Mfumu kan'kamba, ye wonso ku Damasi, ka longila mu vema nkumbu a Yisu. ²⁸ Akala wawananga yau va akala kotanga ye vayikanga mu Mbanza Yelusalemi. Wakala vovanga mu vuvu nkumbu a Mfumu Yisu ²⁹ ye abindana mpaka ye Ayudayo a kisi Ngelekia; kansi iyau wowo atomba ntangwa zazo mu kun'vonda. ³⁰ Ntangwa zimpangi avisa wo, an'nata ku zunga kia Kayisali ye an'natisa ku Talasi. ³¹ I diau, dibundu diakala dia vuvama mu zunga kiakio kia Yuda, kia Ngalili, ye kia Samalia, asiamasana ye adiata mu vumi kia Mfumu ye mu mbombolo ya Mpeve a Nlongo, dibundu dia kulama mu ntalu a antu. ³² Wawu diamonika vo, wonso Petelo kazietila zunga kiakio, wa yenda mpe kua minkwikiza mi kalanga ku Lidia. ^{33 34 35} Kuna, ka wana muntu mosi nkumbuani Ene,