¹ Mu mbanz'a Ikone, Pawulu ye Banaba akota vamosi mu nzo a tukutukunu ya Ayudayo, avova ye ndonga yayingi ya Ayudayo ye Angelekia akuikila. ² Kansi wowo a Ayudayo alambwa kuikila asindisila wowo akondolo Ayudayo mu vanga mambi kwa zimpangi zozo. ³ Atoma zingila mu mbanz'a Ikone, i mu avovila mu kibakala mu matadidi Mfumu, wasonga mu nlemvo ani vo mambu mani makala makedika va kaku avana lendo mu sala yimangu mu moko mawu. ⁴ Nkangu a mbanza wavambana; ankaka ku nim'a Ayudayo ye ankaka ku nim'a zintumwa. ⁵ Akondolo Ayudayo ye Ayudayo, va mosi ye akuluntu awu, ayenda mu ku akwamisa ye ku azuka matadi, ⁶ Pawulu ye Banaba va azaya wo aswamina mu mbanz'a Lisitila ye Delebe , i zimbanza za zunga kia Likawoni ye mu kunzungidila. ⁷ Ye asamuna Nsamu Wambote. ⁸ Mu mbanza Lisitila muakala yakala dimosi dia koka, mvanguki wa ngutukila ye kakala diatanga nkutu ko. ⁹ wa kala dimbwanga Pawulu wakala vovanga. Ye Pawulu wantungunina ye wamona vo yani wakala ye minu mu niakuswa, ¹⁰ wakamba mu ndinga ya ngolo: telama nansui . watela mu dumuka ye wadiata. ¹¹ Va amona momo ma sala Pawulu, nkanguwazangula ndinga, ye akamba mu ndinga ya kisi likawoni: zinzambi zizidi kwa yeto mu kifwani kia muntu . ¹² Yawu abokidila Balanaba nkumbu ya zipitele , ye Pawulu, Elemene kadi i yani wakala mpova. ¹³ Nganga Nzambi ya Zipitele, nzo awu ya lusambulu yakala va nkoto a mbanza. Wanata zingombe za mbakala zatulwa yitende kuna mielo, wazola vo nkangu vana nkayilu. ¹⁴ Zintumwa , Balanabasi ye Pawulu va awa wo, atizuna mimvuatu miawuye alundumuka va kati kwankangu ¹⁵ ye aboka: mbadi antu eha, mu nkiama luna vangilanga wowo e? Yeto mpe tu antu tuavangwa wonso yeno, yeto nsamu wambote tuizi kununatina, tuetu kunu bombidila mu yambula lekwa yoyo ya kondwa salu, ye nwabangumuka kwa Nzambi ya moyoyani wavanga zulu, ntoto, mbu ye lekwa yayonsono yoyo yina mo. ¹⁶ Nzambi yoyo, mu ntangu yantama wayambula makanda mamonsono alanda zinzila za yawu kwawu kibeni. ¹⁷ Wawu kina vo kasala yambula ko mu ta kimbangi mu mambote ma kakala vanganga, yani wunokisanga tuka mu mazulu zimvula ye nsungu za madia, wukuvananga madia mayingi lutila ye wufuluzanga mintima mieno ye Kiese. ¹⁸ Mu mpasi zayingi kwani Pawulu ye Balanabasi alendila mu ku asima nkangu mu mpova zazi mu vana minkayilu mu diambu diawu. ¹⁹ Ye vayiza tuka mu mbanz'a Antiokia ye Ikone ayudayo wowo anaatumuna nkangu ku nim'awu ye va amana vua zuka Pawulu matadi, ankoka ku mbazzi a mbanza kadi yawu abanza vo fuidi. ²⁰ Kansi minkuikizi mian'zungidila, Pawulu watelama ye wakota mu mbanza. Muna lumbu kia landa wayenda mu mbanz'a Delebe va mosi ye Balanabasi. ²¹ Va amana va longa nsamu wambote mu mbanza yayina ye asala baka minkuikizi miafuana avutukisa mu mbanz'a Lisitilia, Ikone ye ya Antiokia, ²² mu asala siamisa mintima mia minkuikizi ye aku akindisa mu mu toma sikila mu minu. ²³ Asola akuluntu mu konso ka dibundu, ye kunima lusambulu ye ndilwa mvutu aku ayekula kwa Mfumu, kwa ndioyo wu akuikila . ²⁴ Asawuka zunga kia Pisidia, ayiza ku mbanz'a Pamfilia , ²⁵ alonga nsamu wambote mu mbanz'a Pelenge ye akulumuka mu mbanz'a Ataliya. ²⁶ Tuka Kuakuna amanta mu masuwa mu kwenda ku mbanz'a Antiokia kuna ku atudulwa ku nsi a nlemvo a Nzambi mu salu kiokio ki atukidi mu sala. ²⁷ Ku nima ndwak'awu, abokidisa dibundu, ye asamuna mamonsonoNzambi kavangamu yawu, ye wonso wuna wu ka ziudila kwa makanda mwelowa minu, ²⁸ Ye akala va mosi ye minlongoki fimwa ntanu fiayingi.