¹ Kansi mpeve yitoma dio kamba vo, mu lumbu ya nsuka, antu a nkaka ena yambula minu yau, mu bundana ye nlongi mia luvunu ye kua malongi ma zindiki. ² Kua disu ku nsi a lukaya lua nlongi mia mbi ye a kivunanga yau kibeni mu kansasa iaki; ³ Yau a longila vo muntu kalendi kuela ko, ye kanikina mu lembua dia ma dia momo ma vnga kua Nzambi mpasi vo malenda diwa mu mvutudielu a matondo kua wwo ena a kuikama a zaya kedika. ⁴ Kadi yoyo Nzambi kavanga yau yena ya mbote, ye va ntangu kima kilu vatua, kansitu yi fiti dilua mu mvutudulu a matndo. ⁵ Kadi yayonsono ya vedisua kua mambu ma Nzambi ye mu lusambulu. ⁶ Mu kamba mambu momo kua zimpangi, ngeye siwa kala sadi kia mbote kia Yisu Klisto, wa yanduka mu mambu ma minu ye ma kimpeve momo ma watoma landa. ⁷ Tina malongi mambi masakua ye makondua mfunu. ⁸ Toma sa ngolo mu ki vedisa; kadi nkudusu a nitu yena mfunu mu lekua ya filema, kansi mpedeso yilutidi mfunu mu yoyo, kala ye nsilulu za lumbu yayi ye yoyo yena kuiza. ⁹ Momo yi mambu ma kedika, ye mena nkati kua mfunu mu tambulua. ¹⁰ Tu salanga, wonso wowo ye tu nuanisanga, diambu dia tulanga vuvu mu Nzambi ya moyo, endu wena mvuluzi a antu awonsono, fisidi wowo a kuikila. ¹¹ Vovala lekua yoyo, ye longila yo. ¹² Muntu kayini kintuenia kiaku ko, kansi kala fuani kia a kuikila, mu mpovolo, mu kadulu, nkenda, mu minu, mu vedila mu kimpeve. ¹³ Nate ye ngina kuiza, wu kivana kuntungulu, mu lubula, mu manlongo. ¹⁴ Ku vidisani nkayilu wowo wena mu ngeye ye wowo wu wevewa mu mbikudusu ye ntentokolo ya moko mu kintuadi kia zimbuta. ¹⁵ Sadila lekua yoyo, wu kivana ngeye wa wonsono kua yau, mpasi vo ntombokolo a ku yakala kua a wonsono. ¹⁶ Wu kikenga ngeye kibeni ye mu ndongolo zaku, tatamana mu lekua yoyo, kadi, mu sadila mpila yoyo, siwa kivukisa ye si wa vukisa wowo eti kuwa.