¹ Ku sambila mu kingolo a nuna ko, kansi wu mvivisa wonso se; longila matoko wonso zi mpangi, ² A kento akulu wonso zi ngudi wowo akidi a ntuenia wonso yibusi, mu vedila kuako. ³ Zitisa ma fola momo mena mkati kua ma fola. ⁴ Vo fola diena ye ana evo atekolo, ka fiti longua mu vana kua mase mau momo ma atambula kua yau; kadi momo mena ma zolakana kua Nzambi. ⁵ Ndioyo nketi kua fola, ye wa zingila mu kimpangudi, ka tula vuvu kiani mu Nzambi ye tatamana fuku ye muini mu luyinunu ye tusambulu. ⁶ Kansi wowo eti zingila mu bonso bonso yau ena afua, mpeve ko ena moyo. ⁷ Wu azayisa mambu mama,mpasi akala kondua kua lusembo. ⁸ Vo muntu kena ye zola mu antu ko, ye lutila wowo ena mu nzo andi evo zimpangi zandi, yandi wa tinguna minu, ye yandi lutidi mubi y a lembua kuikilanga Nzambi. ⁹ Fiola ntete ka vewa mbebe ka lendi kala kunsi ya mvula maku masambanu ko, ye yandi fiti kala nketo wasisua kua yakala dimosi. (Yisavo ka nkento wa ndumba ko). ¹⁰ Ka fiti kala nketo wa mavanga ma mbote, wutoma samba ana andi, nzolua a nzenza, sukula malu ma alongo, sadisa yi fuafua, ka fiti monikisa ye sala mavanga ma mbote. ¹¹ Kansi kutambudidi ma fola ma kinu mantuenia ko; kadi nsatu za kuela vo zi aluakidi tatukidi mu Klisto a zolele kuela diaka. ¹² Yi mu diodio ka azitisanga luwawanu lua bua ntete ko. ¹³ Mu nzila yoyo, yau alongukanga kimolo, alongukanga mu kuenda mu nzo ka nzo; ye ka diambu dia kaka ena kimolo ko, ntukisi ye nkatisi, mu vova mambu ma nsobo ma fiti lembua vovua. ¹⁴ Nzolele vo ma fola ma ntuenia ma kuela, a wuta ana, atuadisa nzo za yau kibeni, a lembua vana kua ntantu widi mpusika ya mvuezolo ; ¹⁵ Kadi ankaka mu yau a bangumuka ntama mu landa Satana. ¹⁶ Vo minkuikizi mia nkaka amakala evo a kento, ena ye ma fola ma a kento, a ba sadisa, ye dibundu mpasi kalembua baka zitu kiokio, mpasi dibundu kalenda sadisa mafola ma kondolo minsadisi. ¹⁷ A kuluntu a dibundu wowo a tuadisanga wa mbote a fiti fiongununua mu kadilu yau yu nzitisu, sungula ko wowo alonganga malongi ma Nzambi ye alongilanga zi nkadulu za ndedemo mu ma kinzambi. ¹⁸ Kadi masonukua mavovele kuna kanza nua ngombe ko vo weti kuna zinginga. Ye sadi ki fueni mfutu. ¹⁹ Ka tambula mfundu mia akuluntu a dibundu ko mi izi fundulua, ka va meso mambangi zole evo zi tatu ko. ²⁰ Wowo avovele masumu, wu atambula vo ntadisi a awonsono, mpasi wowo ankaka asidi a mona wonga. ²¹ Ngieti ku bombidila vo ntadisi a Nzambi, ya Yisu Klisto, ye vantadisi a zimbanza salua, mu toma sadila mambu mama kondua kua molunda, ye mulembua sadila mo mu ntalua zizi. ²² Ku tenti ki muntu moko mu kinzakidila ko, ye ku kadi ntuadi musumu dia muntu ko; ngeye kibeni wuki lunda wa nlongo. ²³ Ku tatamani ko nuanga kaka nlangu ko; kansi sadilanga finsamba evo lungila, mu diambu dia kimbevo kia fundu (Esitoma) ye mankaka vo noene nitu. ²⁴ Masumu ma antu ankaka mu monikanga ku mbazi tekila ka fundusua, kansi kua ankaka, ma monikanga nima fundusua. ²⁵ Yi mpila mosi, mavanga ma mbote ma monikanga, ye wowo akondolo mo kalendi suama ko.