¹ Mambu mama mena makedika ye mavuvu: "Vo muntu zolele kala ntuadisi wa dibundu, yani zolele salu kia Mfumu. ² Ntuadisi wa dibundu kafiti kala muntu wa kondua lusembo, kafiti kala yakala dia nketo mosi. Ka fiti kala muntu wulembua lutisanga tezo ko, muntu wa mabanza zinzenza, wadedama, kufiueti toma tambulanga zi nzenza, kafueti kala ye nganga zandongila. ³ Ka nduvu a malavu ko, kanzodi a nuana ko, Kansi muntu walembana ye wa vuvama; kalendi luta yindula mbongo ko. ⁴ Ka fueti toma zaya mu yala nzo yani kibeni ye lizitu lua lonsono. ⁵ Kadi vo muntu ka zeyi yala yandi nzoko we ka fiti lendu yadila evo tuadisila dibundu dia Nzambi e? ⁶ Kalendi mpe kala muntu kotele mu dibundu mbosi ko, mpasi vo kena ku ki tumbidika ko, mpasi vo ka sotoki ko kunsi a tumbu kia Satana. ⁷ Yandi mpe kafiti tewulua kimbangi kia mbote kua antu ena ku mbazi ya dibundu, mpasi ka lembua bakama mu ntambu mia Satana ye mu ma siangi mandi. ⁸ A mi nkengi mpe afiti kala adedama, a luzitu, a fiti kambanga kaka kedika, ka alendi nuanga moluinu za saka tezo ko, ka alendi zolanga baka mbongo za wu mbabu ko ⁹ Yau a fiti tatamana mu lunda mansueki maa nene ma kedika kia lukuikulu kia zayakusua kia minu mu ntima vedila. ¹⁰ Ye a fueti teka tontuanga, yi mboso kaka a lenda sala kikengi vo ka amonekene ye bila ki afueti sembulua ko. ¹¹ A kento me mpila mosi, afiti kala a luzitu. Ka alendi kala kingiangia ko. A fiti kala akento a lemvuka ye akuikama mu mamonsono. ¹² Yi sielo yi fueti kala akola a nkento mosi a fiti toma tuadisa nzo zau ye ana au. ¹³ Kadi a wonsono a nunganga mu toma sadila mfumu yau a kotusuanga munlonga wa nzitusu ye vuvu mu moni kiokio kiena kua Klisto Yisu. ¹⁴ Mono ngieti ku sonina mambu mama, ye ngieti banza mu kuiza kantama beni ko koko ku wena. ¹⁵ Kansi vo mono nzingidi nsonekene kidi vo wazaya naweyi fuiti kituadisila mu kanda dia ana a Nzambi ena mu dibundu dia Nzambi ya moyo, bunzi ye siamuna kia kedika. ¹⁶ Ye ka dilendi kayisua ko kedika kiokio kia songua mu diau kiena kia kinene: "Kia monika mu nsuni, kia nungusua kua mpeve, kia monika kua zimbasi, kia zayikusua kua zinsi zazonsono, ma kuikulua mu nza, ye matombulua mu nkembo."