¹ Ngieti kunu lomba, ku ntuala mambu momo, mu sambila, nionguluka, minkunga, mvutudila a matondo, mu antu awonsono. ² Kua mintinu ye kua antu a zangama mu kimfumu ye nzitusu, mpasi vo tua nata zingu kia kondua mpasi, kia luvuvamu, mu kinkuikizi kiakio ye kedika. ³ Diodio diena diambote va ntadisi a Nzambi mvuluz'eto, ⁴ Wu zolanga vu antu awonsono afiti vuluza ye luaka ku mbakusulu ya kedika. ⁵ Kadi Nzambi yi mosi kaka yena, ye wowo si wu mosi vakati kua Nzambi ye, Yisu Klisto. ⁶ Wa kivana yandi kibeni wonso vaku mu awonsono. Kiokio yi kimbangu kia kambua mu ntangu andi. ⁷ Ye mu kiau mono ngia kitulua nlongi ye ntumua, kedika ngieti vova, kieti vuna ko, ngia vewa mbebe mu longila a lemua zaya Nzambi mu minu ye mu kedika. ⁸ Mona nzolele vo antu asambila vuma ya yonso, mu manguna moko ma vedila, kondua kua nganzi evo ngindu zambi. ⁹ Nzolele vo akento atoma vuata, mu mvuatulu ya luzitu ya fuanakana, luyinunu, ka kukitomisa mu zinsuki za mpimpita ko, ka nlunga mia wole ko, ka minsamu ye yi nketu yantalu ko. ¹⁰ Kansi bika a kukitomisa mu mavanga ma mbote wonso wu fuanane mu ki kento ena vumi kia Nzambi. ¹¹ Bika nkento kakala na pi mu ntangu a malongi, mu luyinunu lua lonsono. ¹² Kadi Adami wa vita vangua ntete, yi mbosi Eva. ¹³ Kieti vana kua nketo vangua ntete, yi mbosi. ¹⁴ ka Adami ko wa vuka munua, kansi yi nketo, wa vukumunua, yani wena nkombo yoyo ya kotila mfumu muna. ¹⁵ Yandi wuna vuluzua mu kituka ngudi, vo wuna tata mana mukala wa siama mu minu, mu nkenda, ye mu ki nkuikizi.