¹ Vo nguizani nkatu vakati kueno, nga kua mazuzi malembua kuikilanga nuna fundasana, evo kua momo makuikilanga e? ² Nga kanuzeyi ko vo, i minkuikizi mina fundisa nza e? Vo i minkuizi mina fundisa nza, nga ka nulendi manisa yimambu-mambu yena vakati kueno ko e? ³ Nga kanuzeyi ko vo, i yeto tuna fundisa zimbasi e? Wawu, nki kikondolo mu baka nzengolo mu kondua kueto kua nguizani e? ⁴ I diawu, vo mfundu miampila yayi miena yeno, bila nki mu kuenda kua wowo avuezanga dibundu e? ⁵ Mpovele mambu mama mu kunuvonda nsoni. Nga vakati kueno kavena muntu anduenga ko lenda baka nzengolo mu mambu mama e? ⁶ Vo minkuikizi miole kamieti wizana ko, nga anafundana kua wulembua kuikilanga e? ⁷ Kondua kua wizana vakati kueno disongele vo, nubelele. Bila nki mu lembua tambudila nkanu e? Bila nki mu lembua tambudila vunua e? ⁸ Mbe yeno nukuamisanga ye yiyanga ankaka; ankaka wowo i ankua Klisto. ⁹ kunuzeyi ko vo, akondolo lunungu ka ena fulu mu kimfumu kia Nzambi ko e? Kanukivuni ko, ka nsuza ko, ka minsambidi mia yiteki ko, ka minyangi ko, ka minte mia zumba ko, ka nkuelasani ya yakala ye yakala evo ya nkento evo nkento ko, ¹⁰ ka mivi ko, ka nkua nzinunu ko, ka zinduvu ko, ka mintiaki ko, ka wumosi ko mu yawu, wuna tambulua mu kimfumu kia Nzambi. ¹¹ Ankaka mu kabu dieno i wowo nuakadila. Kansi yeno nuavedusua, nuasukulua, nuabiekua, nuanungusua kua Nzambi mu nkumbu a Mfumu Yisu Klisto ye mu Mpeve ya Nzambi eto. ¹² , kansi mamonsono ka mena mfunu ko. , kansi kinasala yalua kua widi diambu dimosi mu mawu ko. ¹³ , kansi Nzambi si kafundisa madia ye vumu. Nitu kayena mu diambu dia kinsuza ko, kansi mu diambu dia Mfumu, ye Mfumu wuna lungisa nsatu zanitu. ¹⁴ Nzambi wafulukisa Mfumu, i yani mpe wuna kutufulukisa mu lendo kiani. ¹⁵ kanuzeyi ko vo, nitu zeno i to yivuilu kua Klisto e? Wana weyi ngiena bunda yito ya Klisto ye nsuz'ankento e? ¹⁶ Kanuzeyi ko vo, muntu bundane ye nsuz'ankento, weka nitu mosi ye yani e? Edi diasonama ¹⁷ Kansi ndiona bundane ye Mfumu weka mpeve yimosi ye yani. ¹⁸ Nuyambula ta kinsuza. Masumu mankaka mavolanga muntu, mena ku mbazi a nitu ani, kansi wuyanganga wuvolanga masumu mu nitu ani kibeni. ¹⁹ Nga kanuzeyi ko vo, nitu zeno i nzo a Mpeve Yanlongo e? Yawu yikundanga mu yeno; i Mpeve yoyo yinuavewa kua Nzambi. Nga kanuzeyi ko vo, kanukivuidi yeno kibeni ko e? ²⁰ Kadi mu ntalu nuasumbulua. I diawu, nukembila Nzambi mu nitu zeno.