¹ Wawu ngieti kunu bambula moyo, numpangi, nsamu wambote wu ngia nu kamba ye wu nua tambula ye wu nueti tatamana mu siamisa. ² I nu nsamu wowo nua vuluzulua, keti vo nueti wo toma simba wonso wu ya nu longia, vo ka wako, I mu kalekuani ko nua kuikila. ³ Kadi mambu mantete ma ya nutambikisi i momo mantete malutidi mfunu mu mayatambudi: i mu diambu dia masumu meto Klisto kafuila wonso wena wa sonama mu mambu ma Nzambi. ⁴ Waziama, ye mu lumbu kia ntatu, wafulumuka mu nsi a lufua wonso wa sonama mu mambu ma Nzambi. ⁵ Yandi wammonika kua kefasi, wamonukua diaka kua kumu ye zole dia zintumua. ⁶ Wayenda monika diaka kua viokila mafunda matanu ma zi mpangi vana vau. Ayingi mu akinu mono, kansi ankaka a mesi fua. ⁷ Watamana monika kua Yakobi ye kua zintumua zawonso. ⁸ Kua zimunina, wayiza kumbasukina, nsodia muana wawutua mu nsungi ya mbi. ⁹ Kadi mono ngiena wawu ke beni mu zinumua zazo kifueni mu beni ntumua, kadi ya toma kuamisa dibundu dia Nzambi. ¹⁰ Kansi mu nlemvo wa Nzambi, ngiena wonso wungiena ye nlemvo ami mu mono ka wakala wa mpamba ko. Mu dina, ya toma sa kimfuzi mu toma sala butila yawu awo. Ka mono ko, kansi i nlemvo wa Nzambi wena mu mono. ¹¹ I diau, mono evo yau, tala matu longila ye ma nua kuikila. ¹² Wawu vo ma longi meti longua ma Klisto wafutumuka mu nsi ya lufua nkumbu mosi, wonso we ankaka va kati kueno a fueti kamba vo mfulukulu mu bafua ka yena ko? ¹³ Kansi vo mfulukulu mu bafua ka yena ko, wana Klisto mpe ka futumukani ko. ¹⁴ Evo Klisto ka futumuka ko, malongi meto mena kaka ma mpamba, ye minu kieno mpe kia mpamba. ¹⁵ Ye yeto tueti monika modia mbangi za luvunu za mambu ma Nzambi. Kadi ndevo yeto tua tele kimbangi kia luvunu mu Nzambi, mu kamba vo i yani wa futumuna Klisto mu bafua, kiondo ka vangani ma mpila yoyo ko. ¹⁶ Ka vo afua ko afutumukanga ko, Klisto mpe ka futumukani ko. ¹⁷ Vo Klisto ka futumuka ko, minu kieno kiena kia nkatu ye nua kinu tatamana sikila mu masumu meno. ¹⁸ Wana mpe wowo afua mu Klisto mpe a mana fukula. ¹⁹ Vo i mu zingu kiaki kaka tuenina vuvu mu Klisto, mu antu awonsono, i yeto tuviokedele kiadi. ²⁰ Kansi wawu Klisto wafutumuka mu nsi a bafua, yani i mfulukulu ya ntete yeti songa vo mfulukulu yena mpe wowo amana fua. ²¹ Kadi kiena vo lufua mu muntu lua yizila, i mu muntu mpe mfulukulu mu ba fua yayizila. ²² Kadi, kiena vo mu diambu dia Adamu awonso akuanga, i wowo mpe mu diambu dia Klisto, awonso avutuka kalanga moyo. ²³ kansi mntu muntu ye nlongani: Klisto, i yani wantete mu nkulukulu, ye mbosi wowo avuilu kua Klisto ana futumunua mu bafua va kena kuiza vutuki diaka. ²⁴ Yi wowo nsukulu yina kadila, Klisto va kena vutuka kimfumu kua Nzambi se. Momo mana kala va kana fukisa mi nsiku miamio, tuyalu tuato ye tulendo tuato. ²⁵ Kadi kafueti yala nate ye kana mana tula min'tatu miani ku nsi ayitambi yani. ²⁶ Ntantu wansuka wuna fukusua i lufua. ²⁷ Kadi "Watula yayonsono ku nsi a tambi yani kansi vo weti kamba vo yayonso yena ku nsi a luyalu luaku, diena dia kedika vo ndioyo watula lekua yayonsono kua nsi a luyalu lu Klisto kalendi kala ku nsi a luyalu lolo ko. ²⁸ Ye lekua yayonsono va yena kala ku nsi a tambi biani, i bosi muana yani mosi mpe seka kota ku nsi a luyalu lua nsdioyo wamvana luyalu lolo. I momo mena kala kidi Nzambi kalungisa luyalu luani mu yayo ye kua awonso. ²⁹ Bosi diaka, nki kilenda luka kua wowow a botukangu mu doambu antu afua? Vo antu afua ka ena futumuka ko, bila nki mu botuka mu diambu dia antu afua? ³⁰ Ye bila nki tuenina mu vonza ntangu ka ntangu e? ³¹ NU zimpangi, yeno uena luyanu luame mu Yisu Mfumu eto, ngieti kamba vo: lumbu ka lumbu fua kuame ye fuanga. ³² Nki a ndandu ngina baka mu nitu yayi, vo yanueni ye ibulu ku Efeso, vo antu afua ka enawu futumuka ko? "Tu dia ye tu nua afua, kadi mbazi tufuidi kueto." ³³ Ka nu kuyi vumi ko: "Akundi ambi abebisangamavanga mambote." ³⁴ Nu diata mu kedika. Nu sungama mu nzila yinueti diatila. Kanu tatamana vola masumu ko. Kadi va kati kueno vena ye antu ka azeyi Nzambi widi fitatu mkutu ko. Ngieti dio vova mu kumu vonda nsoni. ³⁵ Kansi wankamba una vovo: "Wonso we antu afua ena futumukuna e? Mu se mpila nitu ena kuiza e?" ³⁶ Nua toma vila nuena! Ngina yi kunini kayinenanga ko vo kayitekele fua ko. ³⁷ Vo kunini, ka initu ya nginga imenanga ko kansi finginga ninga fi kalanga va kati kua nginga ya ble evo konso konso nginga. ³⁸ I bosi Nambi kena vana kua konso nginga yi kasolele, ye si kavana nginga ye nitu ani. ³⁹ Nitu kayi dedakananga ko. Nitu ya muntu ya suasuana ye nitu ya bbulum i wowo mpe nitu ya nunni yena ya suasuana ye ya mbizi. ⁴⁰ KUena ye nitu za kisi zulu ye nitu za kisi nza yayi. kansi lezima ku nitu za kii zulu za suasuana ye za kisi nza. ⁴¹ Vena ye kia kua ntangu, ye kua ngonda, ye kia kua zi mbuetete ye yonso mbuetete yi vananga kia kua suasuana ye ya kaka. ⁴² I wonso wowo wena mpe mfulukulu mu nsi a bafua. Yi kunuanga yi fukulanga, ye yi futumukanga ko ye fukanga. ⁴³ Yi kunuanga mu nsoni ye yi futumukanga mu lendo. ⁴⁴ Ya kunua mu nitu, ya futumuka mu mpeve. Vo nitu ya kinsuni yeno, yaki mpeve yena. ⁴⁵ I wowo wa sonama: "Muntu wanete, Adami, wayika muela wamoyo." Adami dia nsuka dia yika mpeve ya moyo. ⁴⁶ Kansi, ka maki mpeve ko mavita, i momo ma kibulu ntete i bosi maki mpeve mayiza. ⁴⁷ Wantete watuka mu ntoto, i ntoto kaka, muntu wanzole watuka ku zulu. ⁴⁸ Wonso wena ndioyo watuka mu ntoto i wowo mpe wena awo a tuka mu ntoto. Wowo wea ndioyo ena isi zulu. ⁴⁹ Wonso wu tuenina kifuani kia muisi ntoto i wowow mpe tuena dedakanena ye muisi zulu. ⁵⁰ Mangieti kunu kamba, nuzimpangi, i mama, vo nsuni ye menga kabilendi lenda tombula difua dia kimfumiu kia mazulu ko, ye yoyo yi fukilanga kayi lendi tambuladifua dia yoyo yisikilanga mvu ye mvu ko. ⁵¹ Tala, diambu dimosi dia nsueki ngieti kunu kamba i diadi: Yeto awonso ka tuena fua ko, kansi yeto awo sekuka tuena sekuka. ⁵² Mu lokula kimosi, mu mbuabulu mose, mu mpungi ya suka. Mpungi yena sika, ye afua ena futumuka ye situ ye lembua wolanga, ye yeto, sekulua tuna sekulua. ⁵³ Kadi nitu yi wolanga yena vuata yoyo yi lembua fuanga. ⁵⁴ Kansi yoyo yi wolanga va yena vuata yilembua wolanga, ye nitu yayi ya mfuilu va yena vuata yoyo yi lembua fuanga, i wowo masonama mena lungana: ⁵⁵ "Lufua luziemi mu ndangunu." Lufua, ndungunu aku yena? Lufua, lendo kiaku mu vonda kue kiena? ⁵⁶ Lendo kia lufua mu vonda i masumu ye lendo kia masumu i nsiku. ⁵⁷ Kansi matondo kua nzambi, wukutu vananga ndungunu mu mfumu eto yisu klisto. ⁵⁸ Idiau, nu zimpangi zame zi yitoma zolanga, mukala mua toma siama, nadede, nu sala salu ya ntoko nuena sala mu nkatu mu mfumu.