¹ Nu tatamana mu zola ye zola kua npuilu za minkayilu mia Mpeve, ntete kidi nua bikula. ² Kadi ndiona weti vova mu ndinga za nzanza keti vova kua antu ko, kansi kua Nzambi, ka muntu ko weti numvisa weti vova mansueki ma Mpeve. ³ Kansi ndioyo weti bikula weti vova kua antu mu ku atunga, mu ku akinndisa ye ku asiamisa. ⁴ Ndiona weti vova ndinga za nzenza weti kutitunga yani beni, kansi ndiona weti bikula weti tunga dibundu diadio. ⁵ Wawu nzolele vo nua vova awo ndinga za nzenza. Kansi viokila diodio bika nua bikula mpe . Ndioyo bikulanga viokele ndioyo vova ndinga za nzenza. ⁶ Mpangi zame za akala ye akento, vo ngizidi kua yeno mu kunu vovisila mu ndinga za nzenza, nkia ndandu nuana yo kumbakila? Kilendi dio lenda vanga ko, wana ya vova dio ye bangula, vova mambu manzayilu, evo mbikudulu, evo vana malongi. ⁷ Vo bisikulu bilembua nikukanga modia pitalu evo nsambi ka beti vani ningi mia suasuana ko, bue mu suasisa nsambi yeti sikua? ⁸ Kadi vo mpungi yeti sika zu dia suasuana, bue mu zayila ntangu a kubama ye kuenda ku mvita? ⁹ Wonso wowo mpe yeno, vo nueti vova mambu meti lembua visakana, we antu afueti visila ma nu vovele? ¹⁰ Mu kedika, ndinga zayingi kuani beni zena mu nza kansi zawonsono zena ye mbangudulu. ¹¹ Kansi vo ndinga kizeyi o, ngieka nzenza kua ndioyo weti yo vova ye ndondo weti yo vova weti mpe nzenza kua mono. ¹² I mpila mosi mpe kua yeno, nuena mpuila beti minkayilu mia mpeve mia sala mu nsualu va kati kueno, nuluta toma nuani minkayilu mia tunganga dibundu nu miun. ¹³ wonso wu sambilanga mu ndinga za nzenza, kasambila mu lendo kia nunga mu bangula. ¹⁴ Kadi vo ngieti sambila mu ndinga za nzenza, mpeve ame me yeti sambila, kansi diena diame kadiena mu lusambulu lolo ko. ¹⁵ Nki fueti vanga mu diodio? ngina sambila kintuadi ye mpeve ame ye diela diame mpe. Mgina yimbila ye mpeve ame ye diela diame mpe. ¹⁶ Vo ka wowo, weti sanisina (Sika) Nzambi mu Mpeve kaka, wonso we alembulo visa alenda kamba: "Amene" kondua kua visa ma nueti vova? ¹⁷ Nutoma vutula kueno beni matondo kua Nzambi, kansi wena va lueka luaka keti tunga ye siama mu minu kiani ko. ¹⁸ Ngieti vutula matondo kua Nzambi kadi ngina viokedela mu vova ndinga za nzenza yeno awo. ¹⁹ Kansi mu sambu i zolanga vova mambu matanu momo antu afueti luta toma visa mu diambu dia ntungulu ye nsuamusu mu minu kiau, kandi ka vayika mafunda kumi ma mambu mu ndianga ya nzenza ko. ²⁰ Nuzimpangi za akala ye akento, ka nu didi ana mu mabanza meno ko. kansi nu kala ana mu mambi. Kansi mu mabanza meno, nu kala ayunduka. ²¹ Dia sonama mu nsiku; "Mu antu a tudimi tua nzenza ye mu bikoba bia nzenza, ngiena vova kua nkangu wawu; ye vo mu lekula kiakina ka enawu wa ko", wu voele Nzambi. ²² Mu diodio, zi nding za nzenza i dimbu ka kia wowo a kuikilanga ko, kansi kia wowo a lembua kuikilanga. Kansi mbikudulu i dimbu, ka kia alembua kuikilanga ko kansi kia wowo akuikilanga. ²³ Vo dibundu di yanzamene ye diti vova ndinga za nzenza, ye ena ku mbazi kintuadi ye alembua kuikilanga a kotele, ka ena kambua ko vonu yilawu? ²⁴ Kansi vo nueti bikula yeno awonsono ye vo muntu kena mu kabu dieno ko wvo muntu wulembua kuikilanga kotele, yandi seka toma kuki visa mu mambu maketi wa, wena fingumunua m mambu mawonsono mameni vovuka. ²⁵ Ye mansueki ma n'timani mena zayakana yeni wuna yinama va ntoto ye sambla Nzambi ye wuna vova vo mukedika Nzambi wena yeto. ²⁶ Nki tulenda vanga, luzimpangi za banketo ye akala, vo nueti kutakana, bika mosi mu yeno kakubika nkunga, wankaka malongi, wankaka mambu ma nsongolo za Nzambi, wankaka mambu ndinga za nzenza ye ndioyo weti bangula momo. ²⁷ Vo muntu weti vova mu ndinga za nzenza, bika vakala nzole evo ntatu evo vakila ba vova mosi ku nima wankaka, ye bika wankaka ka bangula meti vovuka. ²⁸ Vo muntu fueti bangula kena ko, bika ka dingalala mu sambu ye ka vova kua yani mosi ye ua Nzambi. ²⁹ Bika mu mbikudi miole evo mintatu vo mieti ye bika bankaka ba sidi ba wa mu mpeve ya zaya suasisa meti vovuka. ³⁰ Vo mosi mu ba vuendi wenaye nsongolo kua Nzambi, bika ndioyo weti vova ka dingalala. ³¹ Konso muntu mu va kati kueno lendi kuani bikula kidi muntu muntu katambula yani ndandu ye babo bakindusua, ³² Kadi mpeve mimbikudi yi fueti tuadisa ku mimbikudi. ³³ Kadi Nzambi kena Nzambi ya mabanza ma vualangana ko, kansi Nambi ya luwamu, wonso mu bisambu yayonsono ya alongi. ³⁴ Akento afuiti dingalalanga mu tukunu tua sambu. kadi ka ena luve mu vova ko, kansi alemvuka wonso wena nsiku. ³⁵ Vo mpuila ena mu longila diambu, bika ayuvusa ma tiko mau mu zi nzo zau. Kadi diena dia luzitu ko nkento ka vova mu sambu. ³⁶ Mambu ma Nzambi nga kua yeno matuka? Nga kua yeno kuani kaka ma luakila? ³⁷ Vo muntu weti banza vo yani i mbikudi evo yani wena ye nkayilu wa mpeve, ka zaya vo mangieti kunu sonikina mena ntumunu ya Mfumu. ³⁸ Vo muntu kazeyi wo ko, bika ka vilakana. ³⁹ I diau nu zimpangi, nukala mpuila beni mu bikula, ye ka nu kakidilani muntu mu vova ndinga za nzenza ko. ⁴⁰ Kansi bika mamonsono mavangama wonso wu mafueti kadila ye mu ludedomo.