¹ Mu ma tadidi ngionzokolo za minkuikizi, mwampa, yeno mpe wonso wu ya kamba kua mabundu ma ngalatia. ² Konso lumbu kia ntete mu lumingu, bika muntu muntu ka tula fimbongo va lueka ye lunda fio kidi gionzokolo ya lembua salamanga mu lokula kondueki. ³ Ye vangiena kuiza, i mu fila kaka minkanda, ye minkayilu mi nuena yonzika, ye natisa mo ku yelusalemi kua antu wonso ana sola. ⁴ Ye mpe vo dimonekene vo mfueti kuenda, Tuena kuenda yau nzila mosi. ⁵ Kansi, siya luaka kua yeno va ngiena sawuka Makedonia, kadi sawuka kaka ngiena sawuka Makedonia. ⁶ Nanga ndenda kuame kala kua yeno mu yilumbu yi ngieti banza muku nu bumina, evo mpe sivu kiokio nanga kua yeno ndenda kio lutisila, kidi vo nuele ku mfidi fulu yayo yi ngiena zietila. ⁷ Kiena kunu mona ko mu ntangu ya fiuma kaka, kansi vuvu ngiena mukala yeno kintuadi mu ntangu ya fuana vo mfumu wuna dio vanina luve. ⁸ Ngiena kuenda diaka ku efeso nate ye kia pentekoti. ⁹ Kadi vitu dia dinene di zibukedi kua mono ye minkakididi miena miayingi. ¹⁰ Vo timoteo wizidi ku nuena nunsadisa kidi ka lembua kala wonga; kadi weti sala salu kia mfumu modia mono. ¹¹ Ka muntu ko wuna ku mvueza. Lunsadisa kidi ka luaka ku ngiena mu luvuvamu; Kadi ngieti kumvingila kintuadi ye zimpangi. ¹² Mu diambu dia mpangi eto Apolosi, ya toma ku nsiamisa beni mu kunu buminanga kintuadi ye zimpangi. Kansi, ka zenga mu luzolo luani mu tona kia makilu ko. I diau, si kiza ntangu va yina fuana. ¹³ Nu kaya meso, mu siama na kekete, nu kala kiwuntu, nu siamasana. ¹⁴ Mamo ma nueti vanga nu vanga mo mu zola. ¹⁵ Nu zeyi kanda dia sitefanasi, nu zeyi vo yau akala a ntete mu vilula diela mu Akayi ye eti toma kuyi vana mu salu kia nkuikizi. Ngieti kunu siamisa, zimpangi; ¹⁶ Mu tumamana antu ampila yoyo ye awo asadisanga ye asalanga kintuadi ye yeto. ¹⁷ Ngieti yangalala mu ngiza ya Sitefanasi, ya Folotunatusi ye ya Akayikusi. yau anuvinganana va nua lembua kala. ¹⁸ Kadi atoma vuvika mabanza mame ye mono meno mudiodio, nu zitisanga antu awonao. ¹⁹ Mabundu mena Azia manu fidisi mbote. Akilasi ye Pilisikila, kintuadi ye dibundu disambidilanga mu nzo awu anu veni mbote mu mfumu. ²⁰ Mpangi zazo zena yame kuaku zinu fidisi mbote. Nu vanasana mbote mpe yeno ye yeno ye nu bumbana. ²¹ Mono kibeni Pawulu ngieti kunu vana mbote mu koko kwame. ²² Vo muntu ka zolanga Mfumu ko kasingwa! Malanata. ²³ Bika nlemvo a Mfumu Yisu wakala yeno! ²⁴ Zola kuame kuakala ye yeno awonsono mu Yisu Klisto.