¹ Ibuna beto mpi tuziungamene kukibuka kinene ki bambangi, tugeta bizitu bieto biakulu ye masumu mamatulatamene. tukinuanina mu kulungisa kisalu kina kuntualetu. ² Tuseti meso metu ku Yesu, Mfumu ye nlungisi wu minu kieto, mu kiese kikilundama muyani wuyisi mona mpasi zi kulunsi, wukikulula kamona nsoni ko, ye wufuanda kuna koku kukiyakala gana kiti ki kifumu ki Nzambi. ³ Ibuna luyindulanga mbandu yiyani umona mpasi zikimbeni kimbila yina ku ban'sumuki mumvuezolo yi kimuntu kiani, mukusande kaluyambula ko ye kaluyoyi ko. ⁵ Beno kani kalulubunguleti ko tuka mu menga go munduana vita yi lunuananga ye disumu. ⁴ Ye luvilakana dilongi dibalugana bonso bana:( muana mi, kutuni malongi malongi ma mfumu'aku ko, ye go ukubelele kalanga ye kikesa.) ⁶ Kadi Mfumu gana kagananga ndola ku konso muntu yukazoledi, ye ugananga kitumbu ku yonso muana yu katambuedi. ⁷ Lusiamina mpasi zilutamona bonso dilongi. Nzambi bukatumuenanga bonso bana bani, kadi nki muana yuna se kalendele gana kitumbu kue? ⁸ Kansi go beno lukondolo ndola, yituna ye yawu betukulu, luna bana ba muntu nkaka ye kaluna bana bamu ko. ⁹ Nkutu tuvuidi mase meto mantoto makutu lolanga, ye tuba wilanga. buna kabulutidi mboti ko tulemfukanga ku se dieto di Mpefi mukusa nde tutambula luzingu kuyani? ¹⁰ kadi mase meto mantoto ma tulolelenge mu fintangu finduelo kaka bonso buna mabanza ma ntima miawu, kansi Nzambi wutugananga ndola mudiambu di mambote meto kimana katugana bu nsantu buani kibeni. ¹¹ Ku nkatu kitumbu kigananga kiese kansi munkala kina mpasi kansi, kunima yibutanga mbutu milunungu ku bawu batambulula yawu. ¹² Mudiambu dina, luvutula ngolu ku moko mayoya ye binkoso bitazakama; ¹³ Ye lusungika nzila zi malu meno, mukusa nde yonso yu wena kinsombu kavidi nzila ko kansi kavutuka mu ndonga. ¹⁴ Lutoma sosanga ngemba ye bantu bakulu, ye busantu diaka go bukondele nkatu muntu sa umona Mfumu. ¹⁵ Lutoma keba kueno kani muntu kakikatula ko ku dienga di Nzambi, ye kagameni ko kani muansi yu nti nkadi mukotisa mvualangana, ye mpasi nde babengi kabate masakuba ko. ¹⁶ Lutoma keba musa nde kamukadi ko kani nsuza go muntu wukonda lukuikilu mu Nzambi bonso Ezawu wuteka kimbuta kiani mudiambu di madia. ¹⁷ Kadi lutomene zaya, muntangu yina kazola baka lusambulu, ukikatula mudiambu kabaka kinsusa kikulomba nlemfu ku se diani, kalabuna kakesi bodilanga mu kedika ye ma nsanga. ¹⁸ Kadi kaluyisa ga mongo wu balendi simba mu moko ko, mongu wulema tiya, mpimpa, tuti ye kitembo kingolo ki kimbongila. ¹⁹ Kaluyisa mu zu di mpungi ko, kani min' gogu mituka mu ndinga bonso ku bawu bawa balomba ye kababavutudila diaka ndinga ko. ²⁰ Kadi kabalenda diaka buisa mbundu ko bu bawa nkanikina yi:( kani go mbisi yisimbidi mongu, sa ban'gonda mu matadi.) ²¹ Ma bamona kimona meso matoma bagana bunkuta kani Mose nkutu wusamuna nde:( kinkunku kimbakidi toma tan'titila.) ²² Kansi munkala, beno lufinamene ye mongo Sioni ye mbansa Nzambi moyo, Yelusalemi dizulu ye mafunda ma bansio bena mu nkinsi. ²³ Luyisa ku kibuka kibana bantete bakulu basonama muna zulu, ku Nzambi yu wuzenganga nkanu kubakulu ye ku mioyo mibantu basonga mimikumini kuna bun' lungu. ²⁴ Luyisa ku Yesu, nzonzi ukangu dimpa, ye dimenga ma kimenga malutidi mu kugoga menga ma kimenga ma Abeli. ²⁵ Lutoma keba kalutini ko muku wa wuna uta lugogisa. kadi dikabagulukila ko ku ndola yina mudiambu kabazola ko mukuwa kuyani ukesi kubaluengisanga gana ntoto, betu mpi sa katuguluka ko go tutininj ndinga yi yu uta kutuluengisa tuka kuna zulu. ²⁶ Muna ntangu yina, ndingani yinikuna ntoto. kansi lelo, usila lusilu ye ugoga:( sayinikusa ka ntoto kaka ko, kansi ye zulu mpi.) ²⁷ N' gogo mio:( munkumbu mosi diaka), mitasonga nde kukatula kubima binikuka disongidila nde bima bigangama, kimana bikabilendi nikuka ko sa bisala. ²⁸ Mudiambu dina tutatambula kimfumu kikisikila ntangu zakulu, tubambukila mamboti ma Nzambi moyo ye mumpila yina, tufukimina Nzambi mu luzitu ye vumi. ²⁹ Kadi Nzambi' eto wuna tiya tuyokanga.