¹ Bika luzolu lu kimpangi lulandidila. ² Kuvilakani kutambula banzenza ku. ³ Kadi mu bayani, bankaka batambula mbasi konda kubazaya. lubambukila moyu bankodi, bonsu nde bulukangama bayani. lubambukila moyu bobayani beta niangisa, bonsu nde nitu mosi lunayani. ⁴ Bika longu luzitusa ku konsu muntu. bika mfulu makuela yikala yivedila, kadi sikafundisa mimfuatikisi ye bansuza. ⁵ Bika ndiatulu benu yikala mu luzolu lu mbongu ku. luyangalala mu biakulu biluvuidi, kadi Nzambi yani mosi wuta:<< si kakuyambula nkutu ku kani kulosa.>> ⁶ Tukiyangidika mpasi nde tulenda mu bunkabu kibeni ta:<< Mfumu Nzambi nsadisi munu,kilebanga nkutu ku. nki si kanganga muntu?>> ⁷ Luzola nsadisi mibenu, bobayani balulonga Nzambi, ye lutadidila nsuka ntuadusulu bawu; lubakidila lukuikulu lubawu. ⁸ Yesu Klisto wuna mosi masonu, wunu, ye lumbu kabimani. ⁹ Kalukiyambudi ku lutuadusua mu malongi ma mpila mu mpila ye kinzenza, kadi bumboti ntima wuteba nlemvu, kansi ka madia masadisanga bobayani bakigana mu mabawu. ¹⁰ Tuvuidi ziku diodiyani bobayani baganga kisalu mu nzo Nzambi kabena ye nsua ku ku mu kudia. ¹¹ Kansi menga ma mbisi zigandama mu masumu manatuka ku ngudi nganga mu bifulu binlongu, kansi nitu ziyani zi yokuka ku nseki ku. ¹² Bungangi, Yesu diaka wumona mpasi ku nseki kielu ki mbanza, mukikuma kikubieka nkangu mu menga mayani. ¹³ Tutuka kuetu mu kuenda ku yani ku nseki ka, mu ndatunu nsini ziyani. ¹⁴ Kadi katuvuidi kani mbanza mosi ku go nsi yoyini. tutasosa vedi yoyoni yita kuisa. ¹⁵ Kuyani fidisi, tugana ntangu zakulu minkayilu mi kembidila Nzambi, nkembulu yina mbutu nua mietu mi fungunanga nkumbuani. ¹⁶ Ye kaluvilakani ku mu ganga mboti ye sadisa yu ye yuna, kadi kukiyekula ku mampila yina Nzambi kayangalalanga. ¹⁷ Lutumama ye lemvuka ku ntuadisi mieno, kadi bakayilanga miela mienu mesu bonsu buna si bavutulula buna mvutu. lutumama musande ntuadisi mienu balendedi lukadila mu kiesi ka mu vunguta ku, buna si bulukadila mpamba. ¹⁸ Lutusambidila, kadi tukuikidi tuna ye ngindu zikia ye tuzoledi zinga busongedi mu mambu makulu. ¹⁹ Yi lugana bunkabu bumboti beni mu ganga momayani, musande yikala wufuana mu kuluvutukila muntangu nkufi. ²⁰ Bungangi, Nzambi ngemba, wuvutula mu bafua mvungi mi mamemi mineni, mi Mfumu' eto Yesu, mu menga ma luwawanu lukonda nsuka, ²¹ Kaluzungidila ye bima bimboti mu ganga luzolu luani. kasala mubetu mana mena matondama bumboti ga ntualani, mu Yesu Klisto, ku yani nkembu mu mimvu ya mvu. Amen. ²² Bungangi yi lutuika bunkabu, bampangi, mu siamina n' gogu mio miani mi bunkabu yi lusonekeni mu nkufi. ²³ Luzaya nde mpangi' eto Timote wuyambulu, ye yandi si lumona go wisidi bubu. ²⁴ Lukayisa mintuadisi mienu miakulu ye banlongu bakulu. bobayani ba Italia balukayisi. ²⁵ Bika nlemvu wukala ye benukulu.