¹ Bungangi lukuikilu yi kivuvu kikuvuila bima bitutakuikila kibeni. dina mpi dimakieleka mu bima bikatutamona ko. ² Kadi, imudiambu dina, bankaka beto babakembisa mudiambu dilukuikilu luawu. ³ Muna lukuikilu tubakisanga nde n' za yitoma gangimina mulutumu lu Tata Nzambi, ibuna bika bimonika ko kabitukanga ku bibimonika ko. ⁴ Mudiambu dilukuikilu luani, Abeli utambika ku Nzambi makabu malutidi mu mbote makabu ma Kayino. ye mudiambu dina ubokilua n'kua masonga, kadi Nzambi kibeni wuta kimbangi kimakabu mani. ye mulukuikilu, ye mulukuikilu Abeli kalabuna kafua wukinu goga diaka. ⁵ Mudiambu dilukuikilu luani, Enoki uzanguka ku n' za yiyi ye lufua kazaya loko.( kabasa kumona diaka ko, mudiambu Nzambi un'zangula.) kadi bukani kazanguka ko, bantela kimbangi nde wumuesisa Nzambi kiese. ⁶ Go lukuikilu nkatu, kabulendi lendakana ko mu kun' yangidika. kadi konso muntu takuenda ku Nzambi kafueti kuikila nde yani wuna ye tagana nsendo kubawu bakun' sosanga. ⁷ Mudiambu di lukuikilu Nowa mu nduengisa zi Nzambi mu mambu makani kamamoniketi ko bukakala ye vumi ki Nzambi wutunga nzaza mu kugulusa kanda diani. muna luawu mpi wubedisa nza ye wukituka n' yingidi wumasonga matukanga mu lukuikilu. ⁸ Mu lukuikilu Abalayama muntangu bambokila wu lemfuka ye wun' yenda gana kifulu kikafuete bakila difua. usietuka kayani kazayi kukafuete kienda. ⁹ Mu lukuikilu luani uzinga bonso nzenza kuna nsi kan' sila. uzingidingi kuna nzo zi makapu kumosi ye Isaki ye Yakobi, mi n' yingi minsilulu iyayina. ¹⁰ Momo makala, kadi ukesi kingilanga lufulu lu mbanza yisa yitungama mu kitoku kuyani mosi Nzambi. ¹¹ Mu lukuikilu Abalayama, Sala nkentu'ani wutambula lulendo lukubuta kalabuna kakala kisita. mana mayisa kalabuna kakala kinunu, kadi bakesi kubamonanga bakuikama, ku yu wubagana nsilulu. ¹² Mudiambu dimuntu yoyo ukala lukufi ye lufua mutuka nkuna ukabalendi tanga ko. bakuma diaka babengi bengi kuluta mbuetete muna zulu ye bonso nkeni zi sengi muna kumu di nzadi zikazilendi tangakana ko. ¹³ Muna lukuikilu bâkulu bana bafua ye konda kutambula zinsilulu. kansi bamona luâwu ye bakunda lo, kuntama, ye bazaya nde bakala banzenza ye minluti nzila ga ntoto. ¹⁴ Kadi babata gogila bima bata songa ziku ziku nde nsi' ayu kibeni yikieleka bata sosa. ¹⁵ Idiawu, go bakala ye ngindu yikubatuka nga bavua ntangu ye ngolo yikuvutuka kubatuka. ¹⁶ Buna bazoledingi nsi yimpuena yina nsi zulu. munkala Nzambi kena ye nsoni ko mukusa nde bambokila Nzambi' awu mudiambu ubakubikila mbasa mudiambu dibawu. ¹⁷ Mulukuikilu Abalayami bu ban' yunsa kakela Isaki mu kimenga, utambika muana yanimosi kaka yukatambula mu nsilu. ¹⁸ Ye mu Abalayami batela nde:( muna Isaki sayuvuila nkuna mimakutu.) ¹⁹ Abalayami bukayinduelenge nde kani muntu fuidi Nzambi lendi kumfutumuna. mudiambu dina mpi Nzambi kam'futulula muanani. ²⁰ Mudiambu di lukuikilu diaka ye mukusayikisa mama kuisa, Isaki usambula Yakobo ye Esawu. ²¹ Yakobi, mulukuikilu luani, bukamona nde nsuka luzingu luani yifinamene, ubonga n' kawuani, yekamene ku nsongi wawu ye wusambula bana ba Yosefi mosi mosi. ²² Muna lukuikilu Yosefi bukafinama kunsuka luzingu luani ugoga kubana ba Isayeli mumambu ma ntukawu ye ubatuma babaka biyisi biani. ²³ Muna lukuikilu Mose, kunima lubutuku luani, m' bansueka ngonda tatu mfimba ku bibutu biani, kadi bamona kitoko kimuanawu ye kabakesi tita ku nsiku wu ntotila. ²⁴ Muna lukuikilu, Mose bukakituka mbuta utuna mukala muana wukala wu muana nkento wu Falawo. ²⁵ Wuzola kamona mpasi kumosi ye nkangu Nzambi kansi nde kamona kiese ko mukuzingila kani fintangu finduelo mu luzingu lumasumu. ²⁶ Wumona luvuezo lu Klisto bonso kimfuama kinene kitomene luta kina kinsi Ejipito. kadi utula meso mani kuna nsendo wukafete tambula. ²⁷ Muna lukuikilu Mose wusisa nsi Ngipiti. kayani kamoni bunkuta mu nganzi zi ntotila, kansi usiamina bonso muntu tamona kimona meso kiyu kamonika ko. ²⁸ Muna lukuikilu Mose wuta nkinzi paki umuanga menga mu bielo kimana n' gondi kasimbi ko bana bantete ba Isayeli. ²⁹ Muna lukuikilu bana ba Isayeli basawuka nzadi m'buaki bonso ntoto wuyuma. muna ntangu yina besi Ngipiti bawunsa musawuka kansi badimuka. ³⁰ Muna lukuikilu bibaka bi mbanza Yeliko bibulumuka, kunima bubamanisa muziunga mbanza mu bilumbu nsambuadi. ³¹ Muna lukuikilu, Alabi nkentu ndumba kafua ko ye bantu babendumuka kadi wutambula mu ngemba bansèngi. ³² Nki mambu ndendele samuna diake? ntangu yike mukzingula makulu matadila: Ngidoni, Balaka, Samisoni, Gephte, David, Samueli ye bangunza bankaka. ³³ Mulukuikilu luawu banungina bin' tinu basala mambu masonga batambula makasila Nzambi, bakanga n'zumbu minkosi. ³⁴ Bazima nlaku tiya tungolo, baguluka kumbele lulewo lumeno bengi, babeluka mubimbefu, basonga kikesa kuvita, batinisa bambulu mbulu banzenza. ³⁵ Bankento bamona diaka bafua bafutumuka. bankaka, babangama, ye kabatambulula ko lufutumuku luawu kadi bazola tambula kima kimbote mbote lufutumuku. ³⁶ Ban'kaka diaka mayisi mona mpasi zi busokese, zikoti, zitugambu, ye ziboloko. ³⁷ Babagonda mu matadi, babukuka mu ntini zole mu nkuangu; bafuasuka mu luleyo. ye bayegungananga, bavuata nkanda mi mamemi ye minkombo, biakulu bikonda, babatuemisa ye tun' tasa. ³⁸ ( Bansukami bantu bampila yoyo mu nza yiyi kabakala ye kifulu kiluzitu ko), bayungenenge muna makanga, muna miongo, mu magunga ye munua minsi ntoto. ³⁹ Kalabuna bana bakulu batambula kimbangi kimbote mudiambu di lukuikilu luawu kabatambula ko mambote malusilu. ⁴⁰ Nzambi wukubika mamalutidi mumbote mudiambu dibeto, kadi kabalendele kituka balunga kimakulu ko konda ku beto.