¹ Kadi n'siku wuna kaka kivivi ki mambu mamboti makuisa, ye nkala zimonika muna zawukibeni. bana bata finama ga mbela Nzambi kabalendi kala mubimenga bimosi bizangulanga nganga Nzambi muna konso mvu. ² Go kabuna ko nga ka bayambula ko mu kuyoka kimenge? mukikuma kina go bakala bagedila, nga ban'sambidi kabalendi sakala ye mabansa mu masumu ko. ³ Kansi kunima bimenga biobio kuvuidi mbambuka yi masumu kunima konsu mvu. ⁴ Kansi dina diambu dimpasi kumenga mamemi ye nkombo mu kukatula masumu. ⁵ Ntangu Yesu kesedi munza, wusamuna:" kina ye nsatu kimenga ko, kani makabu." kansi nitu ukubika mudiambu dimunu, ⁶ Kuna ye kiesi ko kani mu nkayilu mingioka, kani bimenga mudiambu di masumu. ⁷ Ibuna nsamueni: "tala munu eyu, bonso buna busonama mu kikuma kimono muna buku di minkanda, mudiambu dikugangila luzolo luaku." ⁸ Munteti usamuna:" kukala ye nsatu yibimenga ko, kani makabu, kani n'kayilu mingioka mudiambu dimasumu ko. kamuena mo kiese n'kutu ko." bina bimenga bageni bonso buna minsiku. ⁹ Kunima usamuna:" tala ngisidi mukuganga luzolo luaku" wukatula nsalulu yinteti mukusande kayingasa yiyizole. ¹⁰ Ye muna luzolo luna, tukala bagedila muna kimenga kinitu Yesu Klisto nkumbu mosi mukimfimba. ¹¹ Kundambu nkaka konso nganga Nzambi kafueti kala utelama lumbu muna lumbu mukusadila Nzambi. katagana ntangu zakulu bimenga kani nde kabilendi katula masumu ko. ¹² Kulueka lun'kaka Klisto gugana kimenga kimosi mudiambu di masumu meto. buna guvonda kuna lueka lukiyakala ki Nzambi. ¹³ Uvingilanga ye kuna ntangu yina zimbeni zani sibakuma bidiatilu biani. ¹⁴ Kadi muna n'kayilu umosi, ukitula bagedila bawu babakala bakin'longo mu kimvimba. ¹⁵ Ye Mpeve ya Nlongo takututela kimbangi. kadi kuntuala mana makulu, usamuna: ¹⁶ " Tala luwawanu si yiganga kumosi ye bawu kunima bilumbu biobio, bugoga Mfumu. sayitula minsiku miamo muna kati kintima miawu. ye sayisonika mio muna kati ki maban'sa mawu. ¹⁷ Sikisungimina diaka masumu mawu ye mambi mawu ko" ¹⁸ bungangi, gana gagena ndoluka mudiambu di mambu momo, gankatu diaka kimenga mudiambu di masumu. ¹⁹ Ibuna mpangi, tuna ye kivuvu kisiama mukukota muna kati kikivulu ki nlongo mu menga ma Yesu. ²⁰ Tala nsila yimpa ye yina moyo yikazibula mudiambu dibeto munsila n'ledi, disongidila, mu nzila nsuni ani. ²¹ Ye bukina nde tuvuidi nganga Nzambi muna nzo yi Nzambi, ²² Tufinama kumosi ye ntima mimakedika mifuluka ye kivuvu kisiama ye lukuikilu, tukala ye ntima mieto misukuka ye mabansa mambi ye nitu zeto zina zisukuka kumosi ye masa magedila. ²³ Tukala bakuikama muna mfunguna yi kivuvu konda ku kuyungana kadi Nzambi ugana nsilulu guna gu kuikama. ²⁴ Tutala bue tulenda ganina kubawu ye ku bankaka kikesa mu lutondo ye mu bisalu bimbote. ²⁵ Katuyambula ko mu kuvukana bonso buna bugangilanga baban'kaka. kansi tuganasana kikesa ye mana bonso buna tutamuena mfinama kilumbu ki Mfumu. ²⁶ Kadi go si tusumuka ye luzolo luakulu kunima kubaka nzayilu yi makiedika kimenga mudiambu di masumu kakina diaka ko. ²⁷ Kansi kima kina kaka kuvingila kungolo ku mfundusu, ye tiya tuyoka situtatisa mbeni zakulu zi Nzambi. ²⁸ Konso muntu ugeta nsiku mi Mose sika fua ye konda ku nkenda muna kukubama kukimbangi kibantu bole go batatu. ²⁹ Nki mpila ndola yingolo lulenda gana ku muntu yuna tadiata kumalu muana Nzambi guna utiamuna menga ma luwawanu bonso kima kisumuka, menga makugedila ye gu vuesa Mpeve yi nlemfo? ³⁰ Kadi tutazaya yuna yu usamuna nde: " kumunu ndandulu" ye diaka: " Mfumu si kasambisa n'kangu wani" ³¹ Dina diambu dimpasi mukubua gana moko ma Nzambi moyo! ³³ Kansi lukala ye kibambu mudiambu dibilumbu bilutidi, kunima ntemo. lumona mpasi zingolo. ³² Lukala bayanama mu mpasi ziziluta kiteso muna mvuezolo, ye nkuamusu. ye lukala kintuadi ye bawu babalutila muna mpasi zina. ³⁴ Kadi lukala, ye mpasi zimbundu mudiambu dibawu bakala mu nzo nkodi ye lutambulula kumosi ye kiesi mukuvidisa biba bueno bimbote. luzeyi nde luvuidi mvuilu zimbote ye zimvu ka mvu. ³⁵ Idina kalugeti ko kivuvu kieno kisiama kina kikangama kumosi ye mfutu umboti. ³⁶ Kadi luna ye mfunu kuvibidila mpasi nde lutambula mana makalusila Nzambi kunima kuganga luzolo luani. ³⁷ Fintangu finduelu diaka fisidi ye yani yu sawisa kazingila ko. ³⁸ Muntu gulunungu sakazingila muna lukuikilu. kansi go yani ukikuatedi, moyo amo sikagun'yangalala diaka muyani ko. ³⁹ Kansi beto katuna mukibuka kibawu batatuka ko mukusande bavila, kansi mukibuka kibawu ba batakuikila, mukugulusa mioyo miawu.