¹ Bungangi, kani kangu dinteti divua minsiku mitadila kinlongo ki lusambulu kintoto. ² Kadi kinlongo kikala kiyilama. muna suku dintete mukala kifulu kikutula muinda, mesa ye mampa makutala, bakesi bokilanga nde kifulu ki nlongo. ³ Ye kunima nlele kinlongo wuzole kukala diaka suku dinkaka babokilanga nde kifulu ki nlongo nlongo. ⁴ Divua ziku di golo mudiambu di mafuta ma nsunga. dikala mukala diaka nkela yi luwawanu yi bavika golo. muna kati, mu fua kibungu ki golo kikala mana. nkawu Aloni utukisa bituntu ye matadi ma luwawanu. ⁵ Ga zulu nkela luwawanu, ba wanzio ba kembo bakesi fikanga muelo kinlongo mu bi vivi biawu bina nde ka tulendele tendula ko ki mosi ki mosi. ⁶ Kunima mabu momo bu makala ma yilama, ba nganga zi Nzambi ba kesi kotanga ntangu zakulu ku suku di nzila di kinlongo mu kusala bisalu biawu. ⁷ Kansi nganga Nzambi kaka u mbuta u kesi kotanga kuna suku di zole muna mvula nkumbu mosi ye ka mu menga maka kesi gana ko mu ki menga mudiambu di yani ye masumu ma nkangu ma konda kani. ⁸ Mpeve ya Nlongo yi kesi songanga nde nzila yi kifulu ki nlongo nlongo ka yi kala nteti yi zibuka ko mu ntangu ki nlonngo ki nteti kina. ⁹ Ma makala kifuani ki ntangu yiyi. mi nkayilu ye di menga bitu tambikanga bungangi ka bina lulendo ko mu kumisa ma banza ma ntima ma n'sambidi u lunga. ¹⁰ Ba kesi sadilanga madia, malafu ye mambu ma mpila mu mpila ma ku ki gedisa ga mesu ma n'kangu. mina mikala mi nsiku mi ki nsuni misonama na te ye nsiku mi mpa mi baka kifulu. ¹¹ Klisto u yisa bonso nganga u neni mudiambu di mambu ma mbote ma mayisa. u lutila muna ki nlongo ki nene ye ki mbote ki ka kigangama mu moko ma bantu ko ye ka ki gangama ko. ¹² Ka makala mu menga ma zi nkombo ye bana ba ngombi ko, kansi mu menga ma yani kibeni ka kotila ki m'vimba gana kifulu ki nlongo nlongo mu nkumbu mosi ye keba lugulusu lu'eto lukonda nsuka. ¹³ Kadi go menga ma zi nkombo, ye ngombi zi ma koko ye n'tiamununu yi bombi di muana ngombi nkentu ku bawu ba sumukini, ma ba tulanga kingenga mudiambu di Nzambi mu kusa nde nsuni miawu mikala mi gedila. ¹⁴ Buna bueyi mena maluta menga ma Klisto, yani mu Mpefe ya Nlongo gu kigana yani mosi mu konda disumu ku Nzambi sa ka gedisila ko ma banza beto ma ntima ma bisalu bifua mu kusadila Nzambi moyo? ¹⁵ I mudiambu dina, guna nzonzi gu kangu dimpa. mukusa nde, lufua luyisa mu kula bantu bakala ku nsi kangu di ntete mu masumu mawu, bantu bana ba bokila ba baka nsilulu yi ki mvuama ki konda nsuka. ¹⁶ Kadi gana gena n'kanda lufua, gena mfunu mu ku tambudila lufua lu muntu yu gu sonekene wawu. ¹⁷ Kadi n'kanda lufua wena kaka mfunu mu ntangu m'fuilu, kadi ka wena mfunu ko mu ntangu yu gu sonika wawu gu kini mu ku zinga. ¹⁸ Mudiambu dina, mpi luwawanu lu ntete lukala luyilama konda ku menga. ¹⁹ Kadi muntangu Mose ka kesi gana konso nsiku ku ngangu wakulu. gu kesi bakanga menga ma bana bangombi ye zi nkombo, ye masa, mika mi mpumbu ye isopi, ye gu kesi tiamunanga muna nkanda ye ku nkangu mu nkumbu mosi. ²⁰ Buna gogedi nde: " ma i menga ma luwawanu matumina Nzambi mudiambu di beno. ²¹ Mpila mosi, gu tiamuna menga muna ki nlongo mu bima biakulu ye bisadulu bi kinlongo. ²² Ye bonso bunina nsiku mi nkaka bima biakulu bi geledi mu menga. konda ku tiamukua ku menga ndoluka ka yena ko. ²³ Buna bukala bu m'funu nde bifuani bi bima bi zulu bikala bigedila ye bi menga, kansi bima bi zulu bia bimosi bifuete kala bi gedila ye bi menga bilutidi bi mbote. ²⁴ Kadi Klisto ka kota mu ki nlongo nlongo ki gangama mu moko ko, kina kuani kifuani ki makieleka. kansi, gu kota mpi kuna zulu mukusa nde ka monika bungangi ku ntuala Nzambi mudiambu di beto. ²⁵ Ka kota ko mu kani di ku kigana yani mosi mu kumbu zi zingi bonso nganga gu mbunta gu kotanga kuna kifulu ki nlongo nlongo mu konso mvu ye menga ma nkaka. ²⁶ Go makadila buna, nga bulutidi bu mbote ku yani kamona mpasi nkumbu zi zingi tuka luyantiku lu nza. kansi bungangi yina kaka nkumbu mosi ku nsuka ntangu yiyi. mazayakana mu katula masumu mu ki menga ki yani kibeni. ²⁷ Diyilama nde konso muntu ka fua nkumbu yi mosi, kunima mana mfundusu sayisa. ²⁸ Mpila mosi Klisto mpi, yu gu kigana nkayilu mu nkumbu mosi mpasi nde ka katula masumu ma bantu ba bengi, saka monika mu nkumbu yi zole, ka mu katula masumu ko kansi mudiambu di lugulusu ku bana ba ku m'vingilanga ye m'vibudulu.