¹ Kiokio Muana Meme kazibula dimbu kia nsambuadia, kuakala nasui tezo kia ndambu a wola mu zulu. ² Bosi, yamona Mbasi nsambuadia zikalanga va n'tuala Nzambi ye bavewa mpungi nsambuadia. ³ Mbasi ya n'kaka ya yiza, wasimba kima kiamfuitisila bia nsunga kiavangulua mu wola ye watelama va n'tuala ziku dia biamfuitisa. Wavewa biansunga bia yingi biamfuitisa, mpasi kavana yo n'kayilu ntuadi ye tusambulu tua minkuikizi mia wonso va ziku dia biansunga biamfuitisa diavangulua mu wola va n'tual'a kiti kia Kimfumu. ⁴ Muisi wa biamfuitisa, ye tusambulu tua minkuikizi, bia tombuka tuka va koko kua mbasi nate ye van'tuala a Nzambi. ⁵ Mbasi yabaka kiamfuitisila ye wazadisa kio kua tiya tuatuka va ziku. Ye kunima, watuba kio kuna n'toto, ye kuabula zimbandanu, n'dudumu, nsemo, ye ndikukunu a n'toto. ⁶ Mbasi nsambuadia zozo zakala ye mpungi nsambuadia zakubama mubula zo. ⁷ Mbasi ya ntete ya bula mpungi ani, ye vanoka mvul'a matadi ye tiya tuasangana ye menga. Yatubua va n'toto mpasi ndambu ya n'tatu ya n'toto ye ndambu ya n'tatu ya mi n'ti biazinusua, ye matiti mankunzu ma wonso mpe mazina. ⁸ Mbasi ya n'zole ya bula mpungi ani ye kima kimosi kiafuanana ye mongo mosi wanene wakuama tiya kia tubua mu m'bu. ⁹ Ndambu ya n'tatu ya m'bu yakituka menga, ndambu ya n'tatu ya bivangua bizingilanga ku nsi a m'bu bia fua, ye ndambu ya n'tatu ya masuwa ya bebosua. ¹⁰ Mbasi ya n'tatu ya bula mpungi ani, ye ntetembua yanene ya tiya bonso sisi kia tiya tua n'laku yasotoka kuzulu, va ndambu ya n'tatu ya zi nzadi ye nto za maza. ¹¹ Nkumbu a ntetembua i bia ndudi ndudi. Ndambu ya n'tatu ya maza ya kituka ya ndudi ndudi, ye bantu babidi bafua mu maza momo makituka ndudi. ¹² Mbasi ya n'ya ya bula mpungi ani ye ndambu ya n'tatu ya ntangu ya zubua, mpila mosi mpe ye ndambu ya n'tatu ya ngonda ye ndambu ya n'tatu ya ntetembua. Ikuma, ndambu ya n'tatu ya zawu ya builua tombe, ye ndambu ya n'tatu ya lumbu, ye ndambu ya n'tatu ya mpimpa kayakaladiaka ye n'temo ko. ¹³ Yakala tala ye yawa Ngo Zulu yatilumuka mukati kua zulu, yaboka mu ndinga a ngolo: " Mpasi, mpasi, mpasi kua besi n'toto mudiambu dia mazu mazimpungi zisidi mu bulua kua Mbasi zitatu."