¹ Yakala tala mu ntangu Muana Meme kazibula kimosi mu dimbu nsambuadia, ye yawa wumosi mu vangua ya biamoyo waboka mu ndinga yawakana bonso mbandanu yavova: " Wiza! " ² Yatala, ye tala vakala ye mpunda ya mpembe. Nduna wakala yomanta wasimba Ntota ye kolowa kia m'vewa. Wavayika bonso nkua lunungu mpasi kanunga. ³ Kiokio muana Meme kazibula dimbu kia n'zole, yawa vangua kia moyo kia n'zole kiavova: " Wiza!" ⁴ Ye Mpunda ya n'kaka ya tinta ya mbuaki ya ngolo yavayika. Luve luakatula luvuvamu mu nza luavanua kua ndondo wamanta yo mpasi vo n'kangu ani wavondasana wawu ye wawu. Wavewa mbele ya luyalu yanene. ⁵ Kina Muana meme kazibula dimbu kia n'tatu, yawa vangua kia moyo kia n'tatu kiavova : " Wiza!" ye yamona Mpunda ya ndombe, ye ndondo wamanta yo wasimba mu moko mani tezolo kia zitu. ⁶ Yawa ndinga mosi bonso ya kintulumukina yavayika vakati kua vangua ya bia moyo yavova: " Tezo kimosi kia ble mu denali yimosi ye tezo tatu ya oloze mu denale yimosi. Kansi kuvangi mbi kua mafuta ye kua vinu ko." ⁷ Kiokio Muana Meme kazibula dimbu kia n'ya, yawa ndinga ya vangua kia moyo kia n'ya yavova: " Wiza!" ⁸ Bosi, yamona Mpunda mosi ya tinta yavesoka. Nduna wamanta yo wabokololua lufua ye nsi ya bafua yakala kun'landa. Lendo kiavonda ndambu ya n'ya ya n'kangu wa va n'toto mu mbele a luyalu, mu nsatu, mu kimbevo ye mu bibulu bia mfinda, kiavewa kua yani. ⁹ Kiokio Muana Meme kazibula dimbu kia n'tanu, yamona kunsi a zikua, miela mia bobo bavondua mukuma kia mambu ma Nzambi ye mu kimbangi kina bata. ¹⁰ Bakala boka mu ndinga ya ngolo: " Nate ye nkia ntangu n'tinu a min'tinu, wa nlongo ye wakieleka siwafundisa besi nza ye siwavutula kunda kia menga meto e?" ¹¹ Ye kua konso muntu mu bawu wavewa yunga kia mpembe ye batelua mu vingila diaka nate ye ntalu yaban'kuayawu basalu ye mpangi zawu zamayakala ye zamakento boana nga bafete vondua ya lunga, bonso bawu mpe bavondolua. ¹² Kiokio Muana Meme kazibula dimbu kia n'sambanu, yatala ye vakala ndikukunu a n'toto ya ngolo. Ntangu yalomboka bonso nsaku ya mika, ngonda ya wonso yakuma bonso menga. ¹³ Ntentembua mu mazulu zakala sotaka va n'toto bonso m'butu mia mingiengie mialembia buaka kiokio wunikunuanga kua mupepe wa ngolo. ¹⁴ Zulu diavila bonso n'kanda wakala zingua. Konso kua mongo ye konso kua sanga bianatuka kua n'kaka tuka. ¹⁵ Bosi kunima, n'tinu mia nza, bantu bannene, ngudi za mfumu za makesa, zimvuama, bankua lendo ye konso muntu wan'kaka, bantu ba mvua ye bakimpuanza, basuama mu nluka mia matadi ye vakati kua matadi mannene ma miongo. ¹⁶ Bakala vova kua miongo ye kua matadi mannene : " Lutusotokela! lutusueka va n'tuala a ndondo vuende vakiandu kia Kimfumu, ye mu nganzi za Muana Meme. ¹⁷ Kadi lumbu kiannene kia nganzi zawu kizidi. Ye nani wuna wafuana mu vivibidila?"