¹ Bosi, yamona muna zulu sinsu kia n'kaka kia nene ye kia ngitukulu: vakala Mbasi nsambuadia ye vuku nsambuadia bina vuku bia nsuka, kadi mu biawu nganzi za Nzambi si zalunga. ² Yamona kima kiakala monekena bonso m'bu wa vela wasangusua ye tiya, ye va mbela m'bu wowo, va telama bobo banunga bulu ye fuani kiani, ye mpe ntalu yita songa nkumbu ani. Basimba nsambi zabavana Nzambi. ³ Bakala yimbila n'kunga wa mose, sadi kia Nzambi ye n'kunga wa Mwan'a meme: " Mavanga maku mena ma nene ye ma ngitukulu! O Mfumu Nzambi Mpungu Tulendo. Nzila zaku zina zalunungu ye zakieleka, Ntinu a min'kangu. ⁴ Nani kakuvumina ko Nzambi ya kuele Mvu ye kasinisina nkumbu aku ko e? Kadi nge mosi kaka wuna wa nlongo. Makanda mawonso simeza ye kukunda kadi mavanga maku ma lunungu mazayikusua." ⁵ Ku nima ya mambu momo, yatala, ye fulu kialuta wun'longo, ⁶ muna muakala nzo a makuba ya kimbangi yakala yazibuka muna zulu. Vana fulu kia nlongo beni, vavayika Mbasi nsabuadia zasimba vuku nsambuadia. Bakala bavuata n'lele mia mika mia mameme kikilu ye miakala lezima, ye bavuata bitenda biatungua bianda bia wolo muna kinzungidila kia tulu biawu. ⁷ Mosi mu vangua biya bia moyo wavana kua Mbasi nsambuadia, mbungua nsambuandia za wolo zazala kua nganzi za Nzambi, nduna zinganga m'vu ka m'vu. ⁸ Nzo a Nzambi yazala kua muisi wa n'kembo a Nzambi ye wa lendo kiani. Ka muntu ko walenda mo kota nate vuku nsambuadia bia Mbasi nsambuadia bialuta.