¹ Yatala ye mona Mwan'a meme watelema vana mongo wa sioni. Wakala ye 144.000 bakala ye nkumbu ani ye nkumbu ya Se diani ya sonama va mbunzu zawu. ² Yawa ndinga mu zulu yakala bonso mazu ma n'koko mia nene ye ma mbandanu ya ngolo. Ndinga yoyo yawa yafuanana mpe ye mazu ma n'siki mia nsambi mita sika zinsambi zawu. ³ Bayimbila n'kunga wa mpa va n'tuala kiti kia kitinu ye va n'tuala vangua biamoyo biya ye mbuta zatoma nuna. Kamntu nkutu ko walenda longoka n'kunga wowo, vo kayi 144.000 ya bobo bakulua mu nza ko. ⁴ Bana, yibobo balembi kisumuna ye bakento kadi bakikeba bavelela mu matadidi zumba. Yibobo balandanga Mwan'a meme konso ku kakuanda. Baba bakulua mu bantu bawonso mu nza bonso ngionzokolo ya ntete kua Nzambi ye kua Mwana a meme. ⁵ Kaluvunu nkutu ko luamoneka mu nua miawu; bena bakondua nsembolo. ⁶ Yamona Mbasi ya n'kaka yakata tilumuka mu zulu, yakala ye nsangu zambote za m'vu ya m'vu zalongela kua bobo bazinganga va n'toto, kua konso nsi, kanda, ndinga ye min'kangu. ⁷ Waboka mu ndinga ya ngolo: " Luvumina Nzambi ye wum'vana n'kembo, kadi ntangu ani ya mfundusu yizidi. Lun'kunda, ndondo wavanga zulu, n'toto, m'bu ye nto za maza." ⁸ Mbasi ya n'kaka, Mbasi ya n'zole yalanda ye vova: " dibuidi, dibuidi, Babiloni dia nene, diodio diakele natanga makanda mawonso mu nua vinu dia nsatu zani zasaka za kadulu kia nsoni." ⁹ Mbasi ya n'kaka, Mbasi ya n'tatu yabalanda ye vova mu ndinga nene: " Vo muntu kundidi bulu ye fuani kiani ye bakidi sinsu va mbunzu ani yevo va koko kuani, ¹⁰ sikanua mpe vinu dia nganzi za Nzambi; Vinu diodio diavangua ye sekulua kondua kua sangalanakana muna mbungu ya nganzi zani. Muntu nduna nua vinu diodio sikakuamusua kua tiya ye sufele va n'tuala Mbasi zani za n'longo ye va n'tuala Mwan'a meme. ¹¹ Muisi wa nkuamusu awu wuta tomboka m'vimba - m'vimba ye kuayele m'vu ye fuku ye muini kabena ye luvamu ko, n'kundi miomio mia bulu ye fuani kiani, ye konso nduna tambudi sinsu kia nkumbu ani. ¹² Yiyi yi mbokolo ku ntatamanu ya luvibudulu kua bana bena banlongo, bana batumamananga n'siku mia Nzambi ye minu mu Yesu." ¹³ Tuka ku zulu, ya wa ndinga mosi ya vova: " Sonika edi: Bika basakumunua bana bafuilanga mu Mfumu." " Ingeta", wuvovele Mpeve, " Mpasi balenda vunda mu bisalu biawu, kadi mavanga mawu simabalanda." ¹⁴ Yatala ye yamona tuti dia mpembe. Nduna wavuanda vana tuti wakala wafuanana ye Mwan'a Muntu. Wakala ye kolowa kia wolo va n'tu ani ye sengua kia meno kiazengela bititi mu koko kuani. ¹⁵ Ikuma Mbasi ya n'kaka ya vayika mu nzo a Nzambi ye yabokela ndondo wakala vana tuti mu ndinga ya ngolo: " Baka sengua kiaku, ye yantika yonzika kadi ntangu a yonzika yi fuene, kadi ngionzokolo ya n'toto yiyelele." ¹⁶ Ikuma nduna wakala wa vuanda vana tuti watuba vsengua kiani va n'toto ye n'toto wayonzukua. ¹⁷ Mbasi ya n'kaka ya vayika mu nzo a Nzambi muna zulu; Wakala mpe ye sengua kia meno. ¹⁸ Mbasi ya n'kaka mpe yavayika mu ziku dia biamfuitisa bia nsunga, yakala ye lendo mu tiya. Wavova kua Mbasi yakala ye sengua kia meno mu ndinga ya ngolo : " Tuba sengua kiaku ye yonzika kangi bia n'ti mia vinu dia n'toto kadi m'butu miani miyelele wuwu. ¹⁹ Mbasi yatuba sengua kiani va n'toto ye wakutikisa ngionzokolo ya m'butu mia vinia dia n'toto. Watuba yo muna kinzu kia nene kia nganzi za Nzambi. ²⁰ Kinzu kia diatukusua kuna nganda ya mbanza; ye menga makukula mu ngolo beni, nate kuna sengua kia nua kiatuadisila zimpunda va zunga kia n'toto kia funda dimosi ye nkama sambanu za Kilometa.