¹ Bosi, yamona bulu kimosi kiakala vayika mu m'bu. Kiakala ye mpoka kumi ye n'tu nsambuadia. Vana mpoka zani vakala kolowa kumi ye vana konso ka n'tu miani vakala nkumbu ya n'tiaki. ² Bulu kiokio yamona kiakala bonso ngo; malu mani mafuanana ye ma dievua ye nua ani bonso wa nkosi. Dalaka kiam'vana lendo kiani, ye kiti kiani kiakitinu, ye luyalu luani lua ngolo mu yala. ³ Wumosi mu n'tu mia bulu wakala bonso wavondua, kansi mputa yoyo ya mfuilu ya niaka. Ye n'toto wa mvimba wayangalala mu landa bulu. ⁴ Bakunda mpe Dalaka kadi kiavana wisa kiani kua bulu. bakunda bulu mpe ye batatamana vova:" Nani wuna bonso bulu e?" "Ye nani lenda kunnuanisa, e?" ⁵ Nua wuta vayikisa mfingulu za luvuezo ye m'vovo mia ntiakulu miavewulua bulu. kiavewa musadila wisa kiani mu ngoda makumaya ye zole. ⁶ Ikuma bulu kiazibula nua ani mu vova zintiakulu kua Nzambi; wakala tiaka nkumbu ani, fulu kina kavuandangamu sungula nkumbu ani, fulu kiokio kavuandanga kansi mpe ye bana bavuandanga kuna zulu. ⁷ Bulu kiavewa luve mu nuana mvita ye Minkuikizi ye mu kubanunga. Wabaka mpe luyalu mu makanda ma wonsono, min'kangu, zi ndinga ye zi nsi. ⁸ Besi nza bawonsono siban'kunda, konso muntu ndondo nkumbu kayasonama ko, tuka mvangilu a nza, muna n'kanda a moyo,wowo wuvuilu kua Mwana a meme ndondo wazengua. ⁹ Vo muntu wuna ye makutu bika kawa. ¹⁰ Vo mungtu wasilua mu kinnanga sikenda mu kinnanga; vo muntu kafete vondua mu mbele a luyalu, sikavondua mu mbele a luyalu. Didi yi mbokolo mu ntovodolo ya luvibudulu ye mu minu kua bobo bena ba n'longo. ¹¹ Bosi, yamona diaka bulu kia n'kaka kiavayika mu n'toto. Kiakala ye mpoka zi zole bonso mwana a meme ye wakala vovanga bonso dalaka. ¹² Kiavanga luyalu luawonsono lua bulu kia ntete va n'tuala ani ye watatamasa n'toto ye bana bakundanga mu wawu mu kunda bulu kiantete (kiokio mputa ani ya mfuilu yaniaka) ¹³ Kiavanga masivi ma ngolo. Kia sotokesa n'kutu tiya tuazulu va n'tuaa 'a bantu. ¹⁴ Ye wakala ye dimbubina bia m'vewulua luve mu songa, kianunga mu dibudisa vuvu kia besi nza. Kiabalomba mu vanga kifuani mu kembesa bulu kia luekua kua mbele a luyalu kansi kia kala tatamana zinga. ¹⁵ Bulu kiavewa luve mu vanamuela kua kifuani kia bulu mpasi vo kifuani kiavova n'kutu ye kiakala tuku dia mvondolo ya bana bakulu batinguna mu kunda bulu. ¹⁶ Kiatatamesa mpe ba wonsono, bantu kaba mfunu beni ko ye bankualendo, bamvuama ye bamputu, minnanga ye bantu bakimpuanza, mu baka dimbu va kandazi kia koko kua lubakala yevo va mbunzu. ¹⁷ Kadialendakana kua konso muntu mu samba yevo mu teka vo kena ye dimbu kia bulu, kiokio kina ntalu yita songela nkumbu ani ko. ¹⁸ Didi dita lomba nduenga. Vo muntu zeye suasikisa bika kasala ntalu ya bulu. Kadi yi ntalu ya muntu. Ntalu ani yi 666.