¹ Yawa ndinga ya ngolo yatuka kuna fulu kian'longo beni yavova kua mbasi nsambuadia: " luenda ye lutiamuna mbungua nsambuadia zanganzi za Nzambi va n'toto." ² Mbasi yantete yafinama ye yatiamuna mbungua ani va n'toto; mputa zanduenga zambi ye zan'lunzi zayiza kua bantu bakala ye sinsu kia bulu, bobo bakala kunda fuani kiani. ³ Mbasi ya n'zole yatiamuna mbungua ani muna m'bu; wakituka bonso menga ma muntu bafua ye vangua biawonso biamoyo bia m'bu bia fua. ⁴ Mbasi ya n'tatu yatiamuna mbungua ani muna nzadi ye muna nto za maza; zakituka menga. ⁵ Yawa mbasi ya maza yavova: " wuna walunungu ndondo wuna ye wakala, wan'longo kadi ngeye wanete mfundusu zizi. ⁶ Kadi batengola menga ma ban'longo baku ye ma m'bikudi miaku, wabavana menga mandua; yidiodio dibafuanakene." ⁷ Yawa zikua diavutula: " ingeta, Mfumu Nzambi Mpungu tulendo, mfundusu zaku zina zakieleka ye zalunungu." ⁸ Mbasi ya n'gia yatiamuna mbugua ani vana ntangu, ye yavewa luve mu yoka bantu mu tiya . Bantu bayokua mu mbangazi ya mpimpita, ⁹ ye bavueza nkubu a Nzambi ndondo wuna ye lendo mu vuku biobio. Kabavilula mavanga mawu ye kana kum'vana n'kembo ko. ¹⁰ Mbasi ya n'tanu yatiamuna mbungua ani vana kiti kia kitinu kia bulu ye nsi ani ya bua tombe. Bakitatika ludimi mu diambu dia n'lunzi. ¹¹ Batiaka Nzambi a zulu mudiambu dia n'lunzi miawu ye mputa zawu za mpimpita, ye batatamana manga viluka mu momo bavanga. ¹² Mbasi yan'sambanu yatiamuna mbungua ani muna nzadi a nene, Efalata ye maza mani mayuma mu kubikila Mfumu zitukanga kuna Esite nzila. ¹³ Yamona mpeve tatu zambi zafuanana ye mazundu matuka muna nua wadalago, wabulu ye wam'bikudi a luvunu. ¹⁴ Kadi zina mpeve za madiabulu zivanganga dimbu bia masivi. Zakalakuendanga kua n'tinu miawonso mia va n'toto mu kubakutakesa mukuma kia mvita ya lumbu kia nene kia Nzambi Mpungu Tulendo. ¹⁵ " Tala! ndueke bonso muivi ! Mayangi kua nduna kayanga meso, kebanga m'vuatu miani mu yani kibeni mpasi kavayiki kimuasi ko ye kebamoni nsoni zani ko." ¹⁶ Bakutikisa mio vamosi miawonso vana fulu kiabokeleluanga mu kiEbelewo Alamagedo. ¹⁷ Mbasi ya nsambuadia yatiamuna mbungua ani muna mupepe. Ye muna nzo a Nzambi ye muna kiti kia kitinu muawakana ndinga ya ngolo yavova: " divangamene. " ¹⁸ Vakala ye mpezomo, n'didimu, mbandanu, ye zakama kua n'toto kua mpimpita; zakama kua n'toto koko kakua lueke ntete va n'toto ko tuka mvangilu a bantu va n'toto; Zakama kua n'toto koko kuakala kua nene kuafuana. ¹⁹ Mbanza ya nene yabusulua mu ndambu tatu ye mbanza zazinsi zabulumuka. wana, Nzambi wabambukila Babiloni dianene moyo ye wavana kua mbanza yoyo,mbungua yazala kua malavu matuka muna nganzi zani zangolo. ²⁰ Sanga bia wonso biavila ye miongo kamiamoneka diaka ko. ²¹ Ntini zanene zamvula zamatadi, zakala ye tezo kia zitu dia talanta, zabuila bantu tuka ku zulu ye basinga Nzambi mudiambu dia vuku kia ntini za matadi manene ma mvula kadi vuku kiokio kiakala kia mpimpita fioti.